:.سوالف حريم / خيال فكاهي.:

[غـشـام]

سألوني الناس عنك يا حبيبي
كتبوا المكاتيب و اخذها الهوا
أنا وين رحت ...؟
<-- أندمج مع الغنيّه
اسألوا محمّد عبده وهو فنان العرب بلا منازع ..
قالوا يا ابونوره .. ( وراك) قمت تخبص لنا ..!؟
ميد ---> (( انشودة المطر )) لبدر شاكر السيّاب
قال بكل ذكاء ودبلوماسيّه : (( هي مرحلة لابد من إنجازها حتى ولو لم يتقبلها الجمهور ))
فلا أشوف ( خشّة ) أحـد يسألني : من وين لك هـ المعلومات ؟
او
( يتكهم ) موضوع ( مُش لائق لمستوى قلمك )
فمازلنا / (( لاشيء ))
والموضوع برمته لرسم الإبتسامه على الشفاه .. <-- أكيد على الشفاه أجل وين ..؟
ولا همني والله تدوين الإبتسامه او الإعتراف بها ( هُنا ، كـ رد )
إلا إذا بتتفاعلون مع الموضوع
وكِل واحد منكم بيسرد لنا ( سالفه او موقف طريف )
ولا أحد يعطينا صواريخ
<== ما كنك أزعجت العالم
اوكي / نبدأ
بعض الحريم ماشاء الله عليها - أرض خصبه -
الظاهر ماراح توقف إنتاج وراعين حتى ولو كانت في الـ 33 من عمرها <--- عمليّة إحباط
وإذا سيّرت على أحد جابت ( درشقها ) معها
وقاموا يتطاقون ( البزارين ) من زود ( العطنه ) وزيادة للخير
على ذكر التسايير .. فيه شيء محيرني ( وفاك مخي )
أوّل الحرمه إذا سيّرت وقالت : بقهوي فلانه ..
تودي معها تمر وألـ ( لقيمات ) وقهوتها في البرّاد
أما ألحين .. أنواع الحلويات والشوكلاته ..
والبعض منهن من زود ( البطره والتمدان ) ..
تودي معها (( إلـ لاب توب )) <-- ماتصبر
هذا مايهم / اللي ( محيرني )
إذا جت ودخلت على الحريم .. وقهوتها معها ..
هل أهل البيت ماعندهم قهوه ..؟
او
لازم يتقهوون من قهوتها ..!!؟ وهي اللي تصب عليهن ..؟
أنزين / عدينا الأولى ...
إذا جت بتروح لبيتها ...
وش تسوي ..؟
خاصة إذا كان قهوتها هي اللي عند الحريم في وقتها ..!؟
- مدري أحس فيه لخبطه وحوسه في الموضوع -
نرجع للحرم والبزران ..
ساره = أم حمودي
نوره = أم فهودي والدووب عبودي
فهود .. ولد مبارك وهادئ .. ولايحرك ساكن
أما
حمّود .. ورع مقلوع ( أقلع من صوافير الليل )
ومسيّر على العالم وجايب كورته معه
وطخ طخ في ذا الجدران
وكسّر اللمبات ولعب في العالم وأزعجهم
والكوره كِل شوي ( طابةٍ ) في ( حوش ) جيران أهل البيت
وتوذت منهم الحاره
حتى (راعي الدُكان ) ما سلم منهم
المهم ذا ( المبزره ) يلعبون كوره في ( الحوش )
قام حمّود و ( فلق ) رأس فهد .. ولد نوره راعيّة البيت
الورع ,, راح للحريم يبكي .. هذا إذا ماقام ( يتبطح ) في ( الحوش )
بعض الحريم وهُنّ النصابات مثل ساره <--- وهُنّ أبوووك يــ الثقااافه <-- وش دخل الثقافه ؟
إذا طق ولدها أحد من الوراعين ..
تروح و( تلقّط ) المطقوق مثل فهودي
وتغسّل وجهه وتمسح على رأسه وتقرأ اللي هي حافظه من القرآن
بعضهن ( تحسب ) التحيّات من القرآن
وتلملمه وتضمه على صدرها .. ( كلبوها حركات تمثيل )
لأنها بين كِل فتره وفتره .. (( تشتم )) ولدها حمّود
وحمّود واقف ----------------->> هنااااااك
ينتظر وش الحكم اللي بيصدر ضده .!؟
لأن الأحكام أنواع
فيها توبيخ وفيها طق وحذف بأقرب شيء توصله اليد
كأني أشوفه يعاين وش اللي بيجيه ..؟
مطبقيّة تمر وإلا ( نعله ) <-- تكرمون
( غادي كِنّه ديك محذوف )
قامت ساره ( عقب الشين ) ولاهي ( بعجله )
والله عانها على ولدها المقلوع وامسكته مع ( علباه ) ، في ( حوش ) البيت
وأسحبته ( ألين ) صار على مرأى من عين نوره و ولدها ( الزلابه )
وقامت ( تدوشن ) ولدها وتطقه على ظهره <-- ولاتعوره بالطق
( حركات تمثيل ) يعني يا فلانه ترى ماني براضيّه
وهي قاطه أذنها تنتظر أحد ( يحلف عليها إن توقف طق )
وإلا كان طقته هناك -----> في الحوش
عاد نوره ( مسيكينه بريئه ) <--- أي طل بريئه
أنطلزت وأمسكت يد ساره وأحلفت ( نذر ) إن ماتطقه - وش هو بعده - ؟
تقول : لاتطقينه وراعين يلعبون مع بعض وكلهم اخوان
( كلبوهن حركات أكشن تمثيل )
ساره .. تضايقت من الجلسه ..
هنا ولدٍ ( زلابه ) يبكي ولا عاد سكت <-- اللي هو فهد
وأمّه معد تقبلت للسوالف .. <-- نوره أم فهد
وكِل شوي ( تنغت ) لها بكلمه تذمر على اللي مسيّره عليها
ضاقت ساره
ولمت غريضاتها وخذت لها ساعه تدوّر وحدةٍ من ( نعولها ) ضايعه <-- تكرمون
ولقطت ( درشقها ) وركبت السيّاره رايحه لبيتها
حتى واحد من ( بزرانها ) همّل كورته و( نعوله ) وراح حافي <-- تكرمون
أنشدوني منها ... توصي إذا لقيتوها احفظوها عندكم
- هُنا بدأ المسلسل
هذيك اللي على بالكم إنها ( قليلّة شر وطيبه )
اللي هي نوره أم الزلابه
أمسكت ولدها و ( مردغته ) هو وأخوه البطه
وقالت : لا عاد تخلون ( العيال ) يطقونكم
تساعدوا وأنت يا الدوب <-- ميد ولدها أبو خدود / اللي هو عبودي
ساعد اخوك وطقوا العيال
وهم ( زلايب ) ماعندهم إلا أبشري يمّه
بأكسر وجهه وأطيره في السماء
وهو مايفكر إلا في ( كودو وجينغل زون )
- بنوقف هنيّا شوي / مع فاصل -
وراح أتطرق لبعض الحريم ( العاقلات ) اللي تسوى لها ديره بأهلها
بعضهن والله ولاتنشد من أحد
منهجها في الحياة (( وراعين يتطاقون وبعد شوي بيلعبون مع بعض ))
- رجعنا بعد الفاصل -
بس مشكلتنا بنقول لكم وبكل أسف
توقفنا .. وإلى ملتقى آآآخـر
\
/
\
أترككم الآن مع معاني بعض المفردات
وقبل كِذا أعتذر شخصياً عن بعض الكلمات الغير لائقه
والله يخلي لنا أمهاتنا ..
ويبارك في الورعان
----
- وراك بمعنى وش قومك ؟ وإلا وش فيك ..؟
- يتكهم مدري وش معناها
- درشق بمعنى عدد لابأس به قد يتجاوز 5
- بزارن ، مبزره ، ورعان ، وراعين ، بمعنى أطفال
- عطنه لايوجد لها تفسير
- البطره والتمدان مثل اللي فوق
- لقيمات طحين مدحرب نآكله في رمضان
- مقلوع يعني جن ملبّس
- أقلع من صوافير الليل .. مثل إغريقي
- الحوش بمعنى فِناء المنزل اللي يتطاردون فيه البزران
- طابةٍ بمعنى خاطره او شاقحه او ناقزه ، أي شيء منها صحيح
- يتبطح بمعنى يتسدح على بطنه وظهره من زود الدلع
- فلَق بمعنى شق حجاجه وأنهمر الدم وقام ينيّط بالصيّاح
- تحسب بمعنى تعتقد وتظن
- عقب بمعنى بعد
- خُشّه بمعنى شفايف
- علباه مؤخرة الرقبه
- راعي الدكّان هو الباكستاني مُحيي الدين
- زلابه بمعنى رايح فيها
- أبوخدود سِر خواله
- ألين بمعنى إلى
- تنغت اسلوب في النطق تطلّع حرف وتآكل حرفين
- كودو وجنغل زون مايحتاج تعرفونها كلكم
- مردغه بمعنى دوشنه
- ( غادي كِّنه ديك محذوف ) ، اعذروني والله إني عاجز أفسّر وأكتب
- دوشنه بمعنى مردغه
- تلقّط بمعنى تخُم وتجمع

*********
* تم إستخدام اللهجة الدارجه عمداً
* جميع الأسماء مستعاره و ( كِل الحكايّه ) خيال
* ممنوع الزعـل
* مدري مكانووو مزبوووط هنيّاااا ؟
* دوّن قبل هذا اليوم بأربع أيااام



ولابغينا نقضي
يللاااا
تشاااوو

[العيدروس]

لا لا ماأقدر أكمل معاك وربي لحست مخي بذا الصبح

صدقني مافي غيرك مزعج ال سوالف حريم ال ^ـ^

ههههههههههههه اللي وراي يكمل اللي قرءته


تحياتي لك اخوي

[&آهــــات الحــــزن&]

ههههههههههههههههههههههههه

يسلموووووووو غشاااااااااااام اشهد انك صاااادق

[الملكة]

يااااو..اوجعني راسي ..
من كثر ماني مركزة .. وتقاطعني الفواصل..
اما الابطال عجيبين وقريبين للواقع..
والعذر ماعندنا سالفة .. او حتى صاروخ..حالياً تناسب مع الموضوع..
شكـــراً غشام..ولا تحرمنا وجودك بيننا..

[مهرة النسيان]

ههههههههههههههههههههههههه


لا قسم مت ضحك وطلع عندك حس فكاهه ياغشام
وبعدين وش عرفك بسوالف الحريم شكلك ماخذ كورس
واما عطنه هذي شي شي ههههههههههههههههه

يللا سو جزء ثاني من سوالف الحريم ياغشم شم

[! شيخـــــة المنتــــدى !]

هههههههههههههههههههههههههههههههههههههههههههههههههه هههههههههههههههههههههههههه
<--- فصلت من الضحك ، اشهد بالله منت بصاحي هههههههههههههههههههههههههههههههههههههههههههههههههه ههههههه شكلك واحدن من ذا الوراعين يافهد يا حموود واكثر الظن فهد هههههههههههههههههههههههههههههههههههههههااي

صراحه موضوع تحفـــــــــــه واعجبني جداااااااااااااا ، يسلموو ولا هنت اخوي غشام
وللتوضيح اسمحلي اعرض الشخصيااات لخواتي واخواني الاعضاء

نوره = راعية البيت
فهد = ولد نوره ( الزلابه )
ساره = اللي مسيره على نوره ( اقرد من قد سير وقهوى ) هههههه
حمود = ولد ساره المقلوووع



الوكاد عودت ساره لبيتهاا وهي طايحتن دبج في مقلووعها حمود
وتحلف وتنذر معاد زيد يخطي معهاا في جميع مسياار
صدق انه دابلن كبدها ومفشلهااا في العرب بس في قلبهااا تقول معليه اللي مثله يفك عمره من الريااجيل لامن كبر
( بعض البزاارين يتسببون لاهلهم ببعض الامراض النفسيه منهاا الانفصام بالشخصيه )
ساعة دخلت البيت وتعين رجالهاا توهاا يتقهوى ، وهي داخلتن تناافخ
وضايقه تقول انهااا عجزت وهي تشلشل معهاا ذا الصبي ماكن له اب ياخذه معه في مجااالس الرياااجيل ويفكهاا
وفي اليوم الثاني خذا ابو حمود مقلوووعه معه للصناعيه عشان يسكت مرته ويقوولهاا هااا شوفيني خذيته معي
طبعااا الصبي من كثر ماهو بفرح بخوة ابيه ماقعد شي في بطنه من العلوووم
وسردله جميع حديث لامه مع قصيراتهااااا ، وان امه تحش فابيه عندهن<-- لعنبوو لايمهاا لامن عافة خوت ذا البزر جعله مايكبر

الوكاد عود ابو حمود ضجـر 200 ، وماخلاااا كلمه ولا دعاه ماكفتهاا في بطن ذا المسيكينه <--- اسين عليهااا

وش صااار على ام حمود مخليته لمطلق خيالكم ،،

[شامخه بعز ابوهاااا]

ههههههههههههههههههههههههههههههههههههه والله شكلك مربع عند امك وخالتك ولاخواتك ورعانهم


بس تدرى لعبتها صح حطيت على الحريم حط ليتهم يقرووونه امهاااتنا عزالله بتعييين خير ههههههههههههههههههههههههههههههه



يعطيييييك العافيه بنتظار المــــــــزيد



شـــ بعــــ ابوهاااا ــــز ـــامخه

[غـشـام]

موجوود بالصوره ولاني بموجوووود
بجيكم ترى ماني بـ ناسي منكم
وبتشوفون خشتي الليله إن شاء الله <--- من زينها
هناا
صديق صاحب الموضوع <--- جحد نفسه

[أبعاد]

مساء الخير ..*
غشام دخلت وقريت الموضوع وذكرت بأنها قصه خياليه ..*
لكني والله يومني أقراها وكأني قد عشتها على أرض الواقع قبل أربعة أو خمسة أشهر في مكان ما أجهله وأكره الأقامه فيه ..*
يعني الحريم ذولا الي تعرفت عليهم كل عصريه وعشويه يجتمعون ويدقون علي بشكل يومي..<حسيت وكأني عجوز..*
وكنت أروح لهم والله لاني فعلا حبيتهم ولأني كنت أعاني الوحده والغربه ..*
وكنت في بداية الأيام استغرب بعض الأشياء..*
انهم الله يذكرهم بالخير لابد من وجود القهوه والتمر والشاهي الأحمر والاخضر والنعناع ..*
والسفره فيها من كل أنواع المعجنات والحلويات ...*
وكل وحده بدلتها تجي..انا كنت لا في أول الأيام عقبن صرت مثلهم وجاتني فتره طقيت هههههه..*
والله تعبت بشكل يومي ..*
بس جلساتنا كانت تخلو تمام من البزارين نادران ما يكونون معنا وكانوا كلهم أكبر مني في الثلاثينات وفي الأربعينات والخمسينات ...*
بس صرت شطوره تعلمت اشياء حلوه كثير ومفيده والله منهم سواء في الطبخ أو سوالف الحريم بشكل عام ..*
والمكان الي أقيم فيه حاليا وهي ديرتي الي أحبها بشكل كبير ما عندنا الأمور ذي ..*
الي ودها تسير تدق على خويتها وتجيها يا خالية اليدين هههههه أو معها سلة شوكولا ولا تمر معمول بطريقه حلوه كثير ...*
أما القوه وما شابه نشربها هناك ...*
كل الشكر والتقدير لك على روعة أسلوبك ونقاء فكر ..*
لاهنت ..لاهنت..ودمت على المعزه..*

..*أبعاد..*

[موزة]

ههههههههههههههههههههههههههههههههههههههههههههه ههه






دارت خرايط راسي




يعطيك العافيه ولا تحرمنى من هالكتابات