اذعني ياروس بقعـا وافطنـي لاجـات منّـا
واعرفينـا مارضينـا بالمذلـه والهـوانـي
التحفنا بالصبـر عاميـن والثالـث وصلنّـا
لاانهدم بيت الفقير ولاارتفـع فوقـه مبانـي
ثابتٍ مثـل الجبـل لـو بالهبايـب ذعذعنّـا
ولاتحرك من حيوده حيـدةٍ تبغـى الطمانـي
ووالله انّـا ماهقينـا بالهزيمـه فـي وطنّـا
لين شاخ الجدي في غيبتك ياسهيل اليمانـي
وانكشف وجه العدو الي نحسبه مـن ظعنّـا
لين قال الكلمه الـي بينـت روس الاذانـي
هان ربي من يقول انّا علـى الميقـاف هنّـا
عزوةٍ يفخر بنا المظلـوم لامـس البطانـي
ومن وقف يشهر سلاحه من هباله مستجنّـا
نجبهه يالين يعـرف قدرنـا والعمـر فانـي
قلتها وانا علـى الميقـاف حاضـر ماتونّـا
ولاخذيت الشور من راس البخيل ولا الهداني
موقفي ماهوب موقف واحـدٍ لاضـاق ونّـا
اكرب احزام المراجل واعتزي بااطيب اخواني
وان حصل في الوقت شح وحالـةٍ ماتنتمنّـا
ماقصر يمناي شحه عـن طويليـن اليمانـي
ماتحريت العطـاء مـن واحدٍلااعطـا يمنّـا
اتحـرا مـدة الـي ماتمنـن لـو عطانـي
يامهنا وين كسبـك فـي المغـازي يامهنّـا
لااغتنى منك فقير ولاارتوى عنـدك ضمانـي
لاتمد لنّا يمينـك وانـت فـي يمنـاك حنّـا
لين تكمل ركعتك ياناسـي السبـع المثانـي
والمثل معروف في شام البـلاد وفـي يمنّـا
من ضرا بالعشر في دنياه شام عن الثمانـي
ماوردنا فوق سـام وفـوق جالـه ماقطنّـا
لو بقى في العد مارد مايبس حبل السوانـي
ودلةٍ تبرد وهي مـن تحتهـا حامـي لهبنـا
مانذوق بهارها لـو كـان هيـل وزعفرانـي
غيبتك يانجمنـا هـي والله اكبـر ماشحنّـا
والامايفرق علينا عيد الاضحـى ورمضانـي
والنهاية في البيوت الي على البيـداء تبنّـا
هكذا قصة شجاعٍ طاح من ظهـر الحصانـي
بتوجـه صـوب مانـع واتشـره واتعـنّـا
واتذكر صاحبي الي فـي المهمـه مانسانـي
شرهتي مايحتملهـا كـود راسـك ياجملنّـا
هات رايك في القضية والعمر كلـه ثواني
الاخ الشاعر راشد بن الذويب
صح اللسااانك مليووووووووووووووووووووون
ولا يكفووووووووووووووووون
عزا الله انها قصيد جزله وانها تستاهل القراءه مرات عديده
ابدعت يابو مسفر وابو علي يستاهل اللي يسند عليه وهو كفو والله
واسمحلي على تثبيت القصيده
تحياتي
14-05-2005, 12:19 AM
] 
العرض العادي
