عزيز يالاسلام

[ماضي العظيمان]

لانيب لا ضايـق ولانيـب مسـرور=البارحـه يـوم الخلييـن ممسـيـن
كني على بـاب الهواجيـس ناطـور=اقرا عبـث حبـر وتفاهـة قوانيـن
في الفكر تشويشه وفي الكبـد دافـور=والعين شافت شـي مايفـرح العيـن
والليله اللـي معتمـه شقهـا النـور=وزغرد بها (الشبّاب) و(عيار خمسين)
يورانيـوم ولا شعاعـات فسـفـور=ولا قنابل (مـارك سبعـه وسبعيـن)
مدري نجاسة كلـب ولا غبـا ثـور=ولا لعانـه (يالعلـوج) الملاعـيـن
هذي ديموقراطيه وفـرض دستـور؟=بس الحقيقـه ويـن وافكارنـا ويـن
ماجور.. يا (تلّعفر) الظلم ..ماجـور=وياسين.. يا (فلوجة) الحزن..ياسيـن
منتـي بـلادي لا تكلمـت مقهـور=لكنـك بـلاد المسلمـيـن للحـيـن
من يذكر (المنصور)؟ كم كان منصور=أنعم (بأبوالجعفر) و (هارون) الاثنين
لاصار ما نحزن من الظلـم ونثـور=نحيـا بهـايـم ونتـوفـى ذليلـيـن
اقـل شـي نجاهـد بقلـب مكسـور=ومانعطي لغبن الرجـال اي تخميـن
ليه التخاذل لين ياصـل لنـا الـدور=ياشيـب عينـي لا تذكـرت بعديـن
يالله زلزل الارض في جبال وبحـور=من تحت اقـدام العصـاة المشركيـن
واجعلهم وأولادهـم كسـب ومهـور=غنيمـةٍ لأهـل الجهـاد الميامـيـن
ماحـن مسلميـنٍ ولا نسمـع الشـور=إلا نطيـع أولاة أمـور المسلمـيـن
لاشك فيني غيـره وحـس وشعـور=ونذكر حـروب القادسيـه وحطيـن
عزيز يالاسـلام والشـرك مدحـور=نرفـع لـك الرايـه بكـل المياديـن