لاعاد تنشدني مجاراه جديده الشاعر عامرالحجرف وشاعر يام ابن بلال

[عامر الحجرف]

مجارات شاعر يام : ابن بلال والشاعر عامر الحجرف ارجو ان تلقا صداها بينكم وتقبلو تحياتنا جميعا

لاعاد تنشدنـي وراك امس ماجيت= حكمك علـى الغايب بعد ماتشــوفه
صحـــــيح ماقـط يوم عنك تخـليت= صـاحبك من غيرك يقدر ضــروفه
البارحــه ممسيت يوم انك امسيت= ساري ورجلي بالمســير امخطوفه
مع هاجـس ٍيستاقني سوق وقفيت= عيت حـروفــي لاتوالــف احــروفه
عن ضجت العالـم خذانـي وصديت= ولابد مـــن مثلـي إيطـاوع اضيوفه
لوالمعانــــي تخلــف الشـك شكـيت= لاشك مــاسمـع قولت اللــي يشوفه
انا من اجــروح الليالـــــي تشافيت= ولانـي علــى الفايت كثير الحسوفه
احييتنـي يوم ٍغـيرك معـــــــه ميت= يوم ٍبعـض الناس كـــبرت اكـــتوفه
العـــز مطلوبــــــي وانا لــه تعليت= الطيب مكســب والردى له اضعوفه
انا اقتدي بك نجـم لاغبت واضويت= من له علي معروف منسا امعروفه

الشاعر: عامر الحجرف

عن أمــس ماننشـــدك واليوم حييت= والطـيبه فــــــي الطـيبين امخلـــوفه
وان مستك بعض الهمــوم استعديت= مانـــــي مخليهــا عليك امحفـــــوفه
ياصـــــاحبي عن واجــبك ماتناسيت= راع الوفــــاء فعل الوفـــاء مايطوفه
بينـــــــــي وبينك نازن البيت بالبيت= يامــــــا على صفحـــاتها من طروفه
مني ومنك يواكــب الشعــــــر تثبيت= طـــبع ٍلنا مــــــاهـــــــــوعلينا كلوفه
ياللــي عن امجادك بســيفك تحاميت= كلن عن امجـــاده يجـــــــرد اسيوفه
مشكـور ياللـــــي فألخطا مــاتماديت= وانا سمـــــــــا فكـــري غـزار ٍقنوفه
أهديت واخـذ من القدا كثرمــااهديت= من هاجس ٍ بيض المشاعـراصفوفه
والشعــر والشاعـرعلى كف عفريت= قام الهواء من كل صــــــوب ٍ يلوفه
من طــــــبع اهل دنياي لوقلت مليت= يمكـــــن تصــــــدقنــــي بلـيا حلوفه
استثني امثالك وشــــــرواك واثنيت= والشك ماله بين الاصحـــــاب حوفه

شاعريام ابن بلال

[مسفر بن جوخه]

يشرفني ان اكون اول من اطلع على هذه المجاراه
صح الساااااااااااااااااااانكم

[بندر العجمي]

ياسلااااااااااااااااااااام



مبطي ماقرينا قصيد كااااااااايف




صح لسانك ولسان شاعر يام




والله اني احترت في أختيار البيوت الجزززززله والله لااااااااايشينك

[أبو سلطان]

الســــلام عليكم ورحمه الله وبركاته
صح الله لسان عامر الحجرف وبن ابلال
تقبلو مروري

[عامر الحجرف]

الاخ الكريم : مسفر ابن جوخه احفلتنا بمرورك المميز ولاهنت على كل حال تقبل تحياتي وتحيات شاعر يام ابن بلال

[عامر الحجرف]

بندر العجمي ان كان هناك جزاله فمرورك هو الجزل ولاهنت تقبل تحياتي وتحيات شاعر يام ابن بلال

[عامر الحجرف]

ابو سلطان اسعدنا مرورك الكريم فان دل هذا هو حرصك على متابعت ساحة الشعر النبطي تقبل تحياتي وتحيات شاعر يام ابن بلال