عبدالله عبيان ( و ) نـجــران

[سعود الخويطري]

السلام عليكم ورحمة الله وبركاته




قصيده رائعه
لـ الشاعر المبدع / عبدالله بن عبيان اليامي
بـ عنوان ( نجـران ) :

على طاري الشهامة و البـدو و الخيـل و الخيـال = لفيتـك و القصيـده مهـرة ٍ تقـدح حوافـرهـا
فهقت الغيم عن وجه الجنوب وجيت لك مختـال = معي عقـد ورسالـة عاشـقٍ بالحـب عطرهـا
اغني للسحابة يا لـلا .. يـا لالـلا .. يـا لال = واناجيهـا بعـزة تربتـك وتـهـل ماطـرهـا
إلا يا ديرتي يوم انحنى غصـن القصيـد ومـال = رفعته لجل عينك واسقتـه روحـي مشاعرهـا
قصيد ٍ من شموخ ( العان ) اخذ مجده وقال وطال = رقى سلم ضلوعي لين نـادى بإسمـك آخرهـا
سرى فوق الحنايا مثل برقٍ هـل مـاه واسـال = على بيض الـورق يـا ديرتـي كنـه يبشرهـا
تذكرتك .. حشا .. لا والله انك دايمٍ فـي البـال = تهزين المشاعر لا .. غفت في عيـن شاعرهـا
نبت في داخلي لك زهرتينٍ فـي طـرف شـلال = من أول ما حبيت وهـي تسامرنـي واسامرهـا
اسافر وابتعد واشتاق شوق اللي عشـق بهبـال = واناظر داخل عيوني واشوفـك فـي محاجرهـا
عروس من هوسها ما تغطـي راسهـا بالشـال = تناظر للسمـا والريـح تلعـب فـي ضفايرهـا
ليا صاحت بأهلها وانثنوا عند ( ابرق الفنجـال ) = يبيعـون العمـار ويرخصـون الـدم لخاطرهـا
رجال ٍ في ( الغريميل ) طعنت وجه الظـلام وزال = سلام الله على اللي في اللقـا تلمـع خناجرهـا
صحيح ان المواقف ثابتـه يـا طيبيـن الفـال = يرددهـا البعيـد وصفحـة التاريـخ تذكـرهـا
وانا ما جيت افاخر .. جيت لك شوق وغلا وآمال = الـوّح للنجـوم الـي تبسّـم لـك واسايـرهـا
على وضح النقا ياديرة اهـل الخيـل والخيـال = لفيتـك والقصيـده مهـرة تقـدح حوافـرهـا

[راعية اطيب قلب]

تسلـــــــــــــــم ياسعود على هالقصيده
الاكثر من رائعه
وتستاهل نجران واهلها، المدح....
والفخر.......
والطيب........
وتقبل مروري

[عبدالله آل عامر]

رحم الله شهداء المعارك المذكورة ونجران وأهلها يستاهلون
:
صح لسان ابن عبيان وصحت يمينك يا سعود على إيراد القصيدة
:

[سارونه الـ ع ـجـ م ـي]

صح لسان قايلها وكاتبها لاهنت اخوي سعود الخويطري على هالقصيده الراااائعه ويستاهلون اهل نجراان كل الطيب

تقبل مروري
سارونه الـ ع ـجـ م ـي

[محمدالعتيبي]

صح لسان ابن عبيان وتستاهل نجران ومن سكنها المدح

ومشكور على هالطرح

[بندر العجمي]

لاهنت على النقل الله يعطيك العافيه

لك مني أجمل تحيه

[مسعطر]

ليا صاحت بأهلها وانثنوا عند ( ابرق الفنجـال ) = يبيعـون العمـار ويرخصـون الـدم لخاطرهـا
رجال ٍ في ( الغريميل ) طعنت وجه الظـلام وزال = سلام الله على اللي في اللقـا تلمـع خناجرهـا

الله الله ,,

تستاااااااااااااااااااااهل نجران ,,

هي اللي كانت الملاذ و المنصا للعجمان في اكثر حروبهم ,,



صح لسان الشاعر المبدع عبدالله عبيان اليامي ,,

و صح لسانك يا ابو محمد ,, اينما تتواجد يتواجد الإبداع ,,

تقبل مروري ,,
أستودعك الله ,,

[راكان الحثلين]

صح لسان بن عبيان على الابيات الجزله

[سعود الخويطري]

المشاركة الأصلية كتبت بواسطة راعية اطيب قلب

تسلـــــــــــــــم ياسعود على هالقصيده
الاكثر من رائعه
وتستاهل نجران واهلها، المدح....
والفخر.......
والطيب........
وتقبل مروري

مرحباا ومسهلا والله يحيك



وشكرا لمرورك وحضورك الرائع



وتقبلي سلامي

[سعود الخويطري]

المشاركة الأصلية كتبت بواسطة عبدالله آل عامر

رحم الله شهداء المعارك المذكورة ونجران وأهلها يستاهلون
:
صح لسان ابن عبيان وصحت يمينك يا سعود على إيراد القصيدة
:

ارررحب يـ عبدالله العامري والله يحيك



وشكرا لمرورك الطيب وتواجدك الاطيب



وتقبل سلامي واشواقي