قصيدة في [ دمعة ] بدر صفوق ..!

[مسفر مبارك]

السلام عليكم ورحمة الله
واسعد الله أوقاتكم بالخير

.. هذه قصيدة للشاعر: مشاري الشليمي
كتبها في / بدر صفوق ..

.
.
علامك تترك دموعك على خد الورق تنساب ..!
علامك ما حبست الدمع بأهدابك عن أهدابك !!

علامك تقطع عروق القلوب بصوتك المرتاب ..!
علامك ما تشوف دموعنا سالت من أسبابك !!

أنا ما كنت أؤمن إن باقي للحنين أصحاب ..
إلين إني نظرتك تبكي الغيّاب من ما بك ..

تصدق !! عشت جوّك يوم شفت بعينك الترحاب ..
كأن ودك تطير بهالشبه بس الحيا صابك ..!

تحاول تملك أعصابك ولكن عيّت الأعصاب ..
تبي دمعك ينوّخ لك ولكن هج بركابك ..

تجي منا يجي منا .. عجزت وطارت الأسراب ..
إلين إستسلمت كل الجوارح له وغنا بك ..

عزف لحن الحزن للي قضى عمره ورى الأبواب ..
يولّع جمرتين وباقي أحلام و طرق بابك

يا عبدالله يا ليت إنك تجي وتناظر الأحباب ..
ترامى شوقهم مثل الصحاري و المطر جابك ..

غسلت قلوبهم من عقب طيف وهمهمه وعتاب ..
ونثرت دموعهم من عقب حزم وعزم وإعيا بك

تصدق يا بدر كل الكلام اللي إنكتب بكتاب
لقيت إن فيه بيتينٍ يوفّونك بما نابك:

بأني كنت ../ ما أؤمن بأنه للحنين " أصحاب "
إلين إني نظرتك تبكي [ الغيّاب ] من ما بك

لقيتك تترك ( دموعك ) على خد الورق تنساب
دريت إن [ الشعر ] يرقى على متنك / ويرقى بك
.
.
- قراءة رائعة للمشهد, ببوح جميل وعذب ..
صح احساس الشاعر وسلم

من/ شظايا أدبية

[خلاوي الشمالي]

لاهنت اخي مسفرر

[بو محمد الهتلاني]

لاهنت يا مسفر
صح لسان من قالها
تحياتي...............

[عبدالرحمن آل ضبان]

لاهنت أخي مسفر على نقل القصيده ودك ان بدر الصفوق طلب من المخرج انه يقطع هاللقطه

لكن الدمعه عزالله انها بتنزل غصب على افراق الأخ

قصيده عجيبه مشكوور

[@صدى الاهات@]

لاهنت يالسنافي مسفر مبار ك


صح الله اللسانه ابومطلق ولاهان على ذا القصيدة الجزله



تقبل مني خالص التحيه:

[مسعطر]

صح لسان الشاعر مشاري الشليمي ,,

لكن وش السالفة ..؟؟ وش فيه بدر .؟


ولاهنت يا ابو مبارك ,,

[خالد وبس]

مشهد مؤثر
وقصيده مميزه زادت الحزن حزن !؟


صح السان الشاعر
وتسلم يمناك يابو مبارك



تحياتي لك

[فهد بن راشد الشماله]

صح لسان الشاعر....


الله لا يهينك يا مسفر


كل الشكر والتقدير لك

[الغروب]

الأخ

مسفر مبارك لاهنت على القصيدة

وصح لسان شاعرها

تقديري

[شيخة الغلا]

يعطيك العافيه يامسفر

ولاهنت على نقل القصيده

وصح لسان شاعرها

تحياتي لك