سالم بن جخير في الأمير جلوي

[سعيّد ابوجعشه]

الشاعر / سالم بن جخير

قصيده في صاحب السمو الامير / جلوي بن عبد العزيز بن مساعد ال سعود . نائب امير المنطقة الشرقية

ياللي تحبـون الطواريـق الجـدد=اللـي تنومسنـي وتشهـر بسببـي
وان لاحت ابروق الشعر حن الرعد=تبرق وترعد كلهـا حسـب طلبـي
مدامنـي فيهـا وكـيـلا معتـمـد=ياشـرد القيفـان علـي واشربـي
والشاعر اللي مـا يبشـر بالسعـد=ماهوب من ناسي ولا ضمن اعربي
والشاعر اللي لا شكـر ولا حمـد=في مقرن الحجان يكتب لـه غبـي
وانا احمد الله يوم انا شاعـر بلـد=وفي كل دار اجيه مانيـب اجنبـي
مادام مـن جيتـه لقيفانـي شهـد=فالحمـد لله يـوم ماخـاب تعبـي
ترى البحر لاهاج يطلع لـه زبـد=ياكيف انا لاجيـت للحـر الأبـي
باشوش وابطش واتعزوا واستعـد=ويبين في عيوني شموخي ونسبـي
مادام راسي حي ماخـون العهـد=واجب وانا مانيب اخلـي واجبـي
يامرحبا بك ياجلـوي قبـل وبعـد=ترحيبتـن فيهـا شمـوخ اليعربـي
والمدح لك ولديرتـي دار السعـد=قبل امدح اهل دبي والا بـو ظبـي
من مبتداء عمري الى وقت اللحـد=والمملكة من عارضي حتى شنبـي
ياسيـدي حنـا ليـا حـان الوعـد=ناتيك لـو ناتيـك نرثـع ونحبـي
ياتيـك شايبنـا وياتـيـك الـولـد=واكبر دليل انا واخي فهـد وابـي
لك الـولاء منـي ومنهـم للابـد=مثـل ولاء اليثـربـي لليثـربـي
ياسيدي وانت الذرى وانت السنـد=الى اعتزن اهل الغطاوي والعبـي
مادام ابيك اللي على العليـا صعـد=وش عاد تبغي غير هذي وش تبـي
انا اشهد ان الشبل من ذاك الاسـد=اقولهـا مـن مشرقـي لامغربـي
انت كرمك ياتي مثـل زخ البـرد=كنك تقول لمزنـة الغيـم اسكبـي
منهو يحبك عاش في امـن ورغـد=ومن يكرهك من وقفتك يسبا سبـي
نظرتك مثل الحر في وقت الهـدد=وهيبتـك تربكنـي وتثـر فركبـي
لكـن راسـي لاخضـع ولاسجـد=وكانه سجد ماهوب راسي ويهبـي
يقولها اللي لابغـا الشـي اجتهـد=اليـن ياصـل مايشـاء ومأيـبـي
هـذا وباقـي شـي ماقلتـه بعـد=يا فكـرة الابـداع طبـي والعبـي
والله يالولا الواحد الفـرد الصمـد=وخوفي على ديني وسيرة مذهبـي
اني لاحلق لين اجـي قمـة احـد=واني لاقول انك نبـي وابـن نبـي

[بطاح]

الله لا يهينك والله يبيض وجهك يا سعيد

[عبدالله آل عامر]

جزل أبو نادر كما عوّدنا دائماً

صح لسانه وصحت يمينك يابو محمد على النقل الوافي

[الشيخه]

سعيد


بيض الله وجهك على ذا النقل الزين زان حالك

وصح الله اللسان ( ( ابو نادر ) ) دايم محتل الصداره

مدامنى فيها وكيلا معتمد

تحياتى لك

[فلاح بن ملبز]

ارحب يا سعيد انت وابو نادر

وصح لسانك على ذا القصيدة الجزلة

ويعطيك العافيه على ذا القصيدة الجزلة

ولاهــنـت

[خالد وبس]

شهادتي في ابو نادر مجروحه
صح السانه .. وتسلم يمناك يا سعيد !



تحياتي لك !

[سعيّد ابوجعشه]

المشاركة الأصلية كتبت بواسطة بطاح

الله لا يهينك والله يبيض وجهك يا سعيد

بطاح

الله لايشينك ووجهك أبيض يـ السنافي وحياك الله على المرور الرائع

[سعيّد ابوجعشه]

المشاركة الأصلية كتبت بواسطة عبدالله آل عامر

جزل أبو نادر كما عوّدنا دائماً

صح لسانه وصحت يمينك يابو محمد على النقل الوافي

صحت أبدانك يـ أبوسراج وحياك الله على المرور العطر

[سعيّد ابوجعشه]

المشاركة الأصلية كتبت بواسطة الشيخه

سعيد


بيض الله وجهك على ذا النقل الزين زان حالك

وصح الله اللسان ( ( ابو نادر ) ) دايم محتل الصداره

مدامنى فيها وكيلا معتمد

تحياتى لك

الشيخه

ووجهش أبيض وجعل يزين حالش وحياش الله على المرور الرائع

[سعيّد ابوجعشه]

المشاركة الأصلية كتبت بواسطة فلاح بن ملبز

ارحب يا سعيد انت وابو نادر

وصح لسانك على ذا القصيدة الجزلة

ويعطيك العافيه على ذا القصيدة الجزلة

ولاهــنـت

فلاح بن ملبز

الله يبقيك ويطول عمرك وصحت أبدانك يـ السنافي

وحياك الله على المرور العطر ولاشنت نفداك