اطرف شاعر يقلط

[طلال سيف]

سلام الله سلام (ن) يشمل الحضار عرض وطول .... يعم المنتدى واللي ورا الشاشات يقرونه

نبيع ونشتري حاضر بحاضر مانبيع بحول .... واعرف الدين مايملا بطن تجار يهونه

[ابن افنيس]

يامرحبا بالشاعر اللي بستقبله بطق الطبول ,,, حظك لقيت الشاعر اللي في قصيده مرونه

ورني بضاعتك يالقرم تيك اللي ماتباع بحول ,,, يجوز في تالي زماني اشريلي زيتونه

[سعود بن تركي ( العديم )]

طلال سيف


حللت اهلا ووطئت سهلا



وباذن الله نسمتع بمحاوره راقيه



أخـوك

[جعفر]

هلا يا مرحبا بك ياعميل الخير ويش آقول = هلابك عرض مدري طول مدري وش يسمونه
تبيع ونشتري حتى يبين الشاعر المجهول = تقول الدين ماتدري كثير الناس مديونه

[جعفر]

ابن فنيس الله لا يهينك انا استأذنك فاللعب مع الاخ__طلال

[ابن افنيس]

جعفر الساحه لك يا طويل العمر : ) , ومتعونا فالمحاوره , متابع .

[طلال سيف]

يدوم إلك البقا والليل لو طوّل لزوم يزول .... ونور الشمس ياجعفر لزوم الناس يلقونه
ابحشم لحية العاقل وابنتف لحية المهبول .... ومن يبلا العرب ياصاحبي لابد يبلونه

[طلال سيف]

تصبحون على خير

[ابن افنيس]

ساري في خير , جعفر قطع الرديه الله يصلحه ولا كملها , عموما ً تشكرون جميعا ً , وسلام .

[سعود الخويطري]

صح الله لسانكم ولاهنتوا



وبيض الله وجيهكم جميعا





وطلال مرحبا في محلك وعند ربعك


وجعفر لاتقاطعنا بتواجدك يالشاعر



تقبلوا سلامي واشواقي