ناصر السبيعـي في
(قصيدة نـــوت وملوك الجـن)
----------------------
السلام عليكم ورحمة الله وبركاته
هذي قصيدة اصبحت حديث المنتديات الخليجية بل وبعض العربية والمجالس الشعبيــه والمجالس العلميــه وتداولهــا
اأهـــل العـلــم والأســـاتـــذه وهي معجـزه من معجـــزات هـذا الشاعر الكبيــر وهي لامبراطور الشعر واستاذه ناصر الفراعنة السبيعي
أبـــو فـــــارس
والقصيدة شدت انتباه كثير من اساتذة علم التاريخ والادب ووقفـوا أمـامها كبار شعـــار الجزيره العربيه لما فيها من غموض وغوص في اعماق المعاني والتاريخ ببحور لا يعرفها الا اهل العلم وزيادة الكلام فيها نقص لأنها فوق كل كلام وفوق كل اطراء
فوق كل ثناء واجلال .وخلاصتها انه استفسر منه احد اكبر شعار الكويت عن حقيقة نوت التي وردت في بعض قصايده في قصيدة طويله كان فيها يشيد بشاعرية ناصر الفراعنه السبيعي ويمدحه ويمجده وهو الشاعر الكبير :احمـــــد الخيــــــــاط.
--------------------
{----:يقول ناصر:----}
--------------------
علـى قبر اليتيمه نوت ثـوبـي بالـخـلا شقّـيـت.
ذكرت الله وشبّت في ضلوعي حربٍ أهليّـــــة.
عقب وِتْــر السبـــع والخمـس والتسبيـح والتسميـت.
طيور المــا على سلمى تغنّي (طــاق طاقـيّـة).
على باقي عـــــرَق ســــاقي زجاجة كاهنٍ شمّيت.
عـلـى قِـرْنة حـجـاجـه نـجـمـة الـسِـبْـط اليـهـوديّـة.
على الجنب التهامـي لبّسوني خرقـةٍ فـي زيـت.
تـلالى مثل واري جمرةٍ في حـوض صـفـريّـة.
علـى ساقـة ملـوكٍ مـن بـلاد الرافدين أضحيت.
أركّب سنّ واقلع سنّ لو مالــه ولا لــيّــه.
وفي ريشـة جنـاحٍ مـن حمـام الأخشبيـن ادويـت.
امّذْرِع شان واقرع شنّ وآبرقع نـصـيـريّـة.
وعلى ظهــــر النعامة سافروا بي سبعةٍ من هيت.
إلـــى أعـتــى شعوب الأرض الادنـيّــه والاقـصيّة.
ذبحت العبد الادريسـي ونِـجْـل الطاغية (حِبْـرِيت).
بأرض المغرب الأقصى طبخت مــن اللـحـم نـيّـة.
على تابوت نـوت احيـا وامـوت افنيـت مـا ابقـيـت.
ضربت الطار واجتاحت عـبـيـد الــــزار كـونـيّــة.
علـى قبـر اليتيمـة نـوت أجـدّد حسرتـي لا جيـت.
وأقبّل ضاحكات الموت تـحـتيّة وفـوقــيّــة.
على شــانك يانـــــوت اعميت خطلان البشوت اعميت.
أقارع كل ذو سِدْنٍ وذو خِــدْنٍ وكـوفــيّــة.
على شانك ينـوت ادميت روس الخاينيـن ادميت.
أسرّج مِـــرْج أمـــرّج سِــــرْج عـلـويّــة وسـفـلـيّـة.
على شانـك ينـوت اضـرب بحدّ مْصـقّـلٍ إصليـت.
وكدنا ننتهـي لــــولا خـيـانــة عــيــد الألـفــيّــة.
خبيثٍ من بني قومـي سقانـي حامـض الكبريـت.
قرَت وسطه عجـوزٍ مــن ذوي حـضـرم ظـفاريّة.
وبسم اللي لهــــول اسمـــــه تزلزل منبر السوفيت.
نـحَـرهـا اعـلى ظهرها جُـبّــةٍ بـالـسـمّ مـطـلـيّـة.
ثلاث دهور اصــارع نـافـثـات الـزرو مـاذلّـيــت.
أغيّب شـمـس وادفــن رمْــس والأصـنــام مـرمـيّـة.
ثلاث ازمان أداقش مسرجـات الجـانّ فـي تكريـت.
ثلاث ازمان تمْرخ لي مـلــوك الـجــانّ رجـلـيّـة.
ثلاث سنيـن اعـافـر نـافـخـات الـطـيـن مـاولّيـت.
ثلاث سنين أكــفّـن قــاريــات الـتـيــن بـيـديّــه.
وثلاث شهور ألاعــي نــازلات الـطـور مــا ملّـيـت.
اجــاوب جـنب خيمة ضـاربــات الـطـنـب طبـلـيّة.
وثلاث ايّام تنعـانـي سـرايـا يــام لـين اصغيـت.
أقدّم كوع اوخّر كوع يابــيّــي ويــــا بــيّــه.
لذي الفيـــــروز سادن معبــد النيروز مالبّيت.
لغير الواحد المعبود ما أبديـت مــــا فــيّــه.
بوادي برْك طارت بـي حرايـر تُـرْك يـوم امسيت.
أعاشر ليـــــل عاشــر كـــل ذي حــمــراً نـمـيـريّـة.
طبـــاين سبْك تدبْك دبّك ســاع اقبلـت سـاع اقفيـت.
لسرْدٍ شرْد جرْد مــرْد اصـيّــح كـــل قيـسـيّـة.
ببطن القِرْش اعشّـي حايمـات العـرش ماغدّيـت.
وحرْش الطرْش اورّدها قليـب الـهـرش عصـريّـة.
بوجـه الحوت جلّ اللي خلقني ضيغـمٌ صنتـيـت.
هِـزَبْــرٍ ماتحــرّك مـنه ساكـن ألـــف سكـنـيّـة.
ورب البيت ما خلّيت منهم بيـت مــاهـدّيـت.
أهدّم دور وابني دور والآيــات مـتــلــيّــة.
هل المزمـار عـبّــادة لـســان الـنــار والبـاكيـت.
بـني الإفْرَنْج قومٌ من فـــروج الـزنْــج مبـلـيّـة.
بكى سابور ذو الأكتاف فـي قصـر الملـك بلْهيـت.
على نَـيْـكـل سقـيـفـة عـابــد الهـيـكل ضـحاويّة.
تغطرس بِطـــرس النقــــرس وجينا له على التوقيت.
مــن ارض الفـــــرس وارض الروم جبنا القوم منهيّة.
بعمّا والنبا والخمس من سورة سـبـأ شـدّيـت.
بقوّة ما تواتــر فـي الـلـيـال الـعـشْــر مـكـيّــة.
أقمنا دولة الأيتام مــن حِـلّــي إلـــى حِـلّـيـت.
وآخر عـهــدنــا مـــــا أورَدَتْ لـيــلــى الأخـيـلـيّــة.
وانا مـا هاضنـي فيمـــا علـى بيض الورَق خطّيت.
شجاعٍ لقّبوه (أحـمــــد) ولــه شـلـفـا وشـبـريّــة.
أعرف (أحمـــد) إلى جاء جاء وانا لا شلت مـاحطّيـت.
تحامينا على وضــــح الـنـقــا والأرض مـحـمـيّـة.
26-02-2007, 05:20 PM
العرض العادي
المواضيع المتشابهه
