تبصّر .. بدنياك - للشاعر حسن العتل

[راشد العتل]

السلام عليكم والرحمه

قصيده للشاعر \ حسن بن مبارك بن زهيّه العتل
بعنوان \ تـبـصـر .. بـدنـيـاك

قال الذي بالقول مازال او طاش=حيث انه من سنين جاوز به الطيش
جر القلم كنه على راس منقاش=ينقش ابياته من خوي الراس تنقيش
حيث الفكر والهم بالضيق مبلاش=وده يبلش في صفا الهرج تبليش
مافيه شي جاك ياصاح ببلاش=ولاتصبر بدنياك في قول مافيش
اترك هموم الوقت والهم واعتاش=ولاتسمع الشور لوكان تشويش
ترى الذي يهتم ياصاح ماعاش=لوكان تاجر والاّ كان هو درويش
واخص البنت بالذكر يابنت بانخاش=لاتقربين الرذيله وانا اخيش
واحسبي خطوتش واحسبي وين ماطاش=لاتتبعين الذي بالمال مغريش

.
.
.
صح لسان بومبارك

[راشد العتل]

للرفع والقراءة

[المناجي]

صح ألسااااااااانك ..

[علي العرام]

صح لسان الشاعر ولسان ناقلها ولاهنت وبيض الله وجهك قصيده رائعه


تحياتي لك

[راشد العتل]

المناجي
صح بدنك ولاهنت يالسنافي على المرور

علي يالله حيه منور حضورك ياطويل العمرك

[أبو مسعود]

صح لساااااااااان بو مبارك مليون

[راشد العتل]

ياهلا والله يابومسعود لاهنت على المرور

[سعود الخويطري]

ارحب يابومحمد وصبحك الله بالخير



صح الله لسانك ولسان حسن العتل



قصيدة رائعه ونقل من رائع وأسمحلي يابومحمد بنقلها لـ الشعر المنقول



تقبل سلامي واشواقي

الخويطري

[راشد العتل]

ارحب ياسعود منور انضمامك للمشاركه
ولاهنت على نقل الموضوع لمحله

[ابو فيصل الخويطري]

صح لسان الشعر حسن العتل

ولاهنت يالامير على النقله المميزه


تحيااااااتي وسلامي




الخويطري