ربعي صلب يام.......

[محمد سالم الشاعر]

مرحبا باللي ذكرنا وخص ربعي صلب يام=مرحبا وعداد ماهلت مزون(ن) مستسيله..
من ذكرنا ما جهلنا يبشر بعز ومقام.=ومن جهلنا ما عرفنا نفرسه وسط القبيله..
كل من عرقه يمده بين مذكر أو هشام=كاسب علوم المراجل وافي بحق الثقيله..
شكري ياللي تلومنا بشين وتذب الكلام=إن اتت مذمتي من ناقص(ن) هذي جميله..
ربعي اللي مزرجين الريش من ريش النعام=ينطح الفريس منهم راعي الساق الطويله..
يزبن المجرم علينا كان هو يبغي السلام=لاركوله ربعي اللي سلمهم زبن الدخيله.
ربعي اللي يلحقون القوم تسعه بالتمام=يومهم تسعين فارس دونوها بالفتيله..
يوم توخذ إبلهم والموت داهمهم وحام=فكو الملحا وجونا فوقها كسب(ن) وشيله..
لا نوو بالشر ربعي حلفي يتليه الحرام=ما يفكك يا خصيمي غير موته لك بخيله..
الوريعه شاهده إلنا أمتلت عظم وهشام=هي قضا حمى لشيخ(ن) انعوج عدلنا ميله..
نجزي السيا بحسنا ولعبنا دق العظام=إن كفاه الدق والا نطحنه وإن بيد جيله..
لاتحسب إني يا ناصر وافي أبحق الكرام=هذا غيض(ن) من فياض(ن) بس قلت أذكر قليله..

وسلامتكم