المري...رحمه الله

[بدر العرجاني]

أبو راشد المرى


نهـــــــــــــــار ثالـــث


نهار ثالث عقب عيد رمضاني ............ ناس عطاها الله وناس محرومه

أحدن قضى عيده سلام وتهاني ............ وأحدن توصله الكواكب همومه

صادفت صدفه من صدوف الزماني ............ منها قوي الحيل تفتر عزومه

هذا زمان الهم والإمتحاني............ وقت على قلبي تعاقب سهومه

الأوله كامل جميع المعاني ............ مزبّن المضيوم شرع الخصومه

محمد اللي في القسا واللساني ............ عقبه سمايه غايبات نجومه

والثانية بأقرب قريب وداني ............ خامس عيالي يوم جتني علومه

قالوا مابين الخاصرة وحلباني ............ ولدك مات اللي ترجى قدومه

جاء يومه الموعود بأربع ثواني ............ قلت السبب قالوا دنا منه يومه

علمن على الكبد الصخيفه كواني ............ كية عطب ماتنشكى للحكومه

تهشمت كل الضلوع المحاني ............ مفجوع والمفجوع محدن يلومه

أخذت لي ساعة وأنا في مكاني ............ حسبت لي عشرين طيحة وقومه

وليا بغيت الهرج ييبس لساني ............ والذاكرة عندي تقول معدومه

قمت أتلفت وأتسمع بآذاني ............ من شاف حالي ماتهنى بنومه

مما بقلبي رحت بالليل عاني ............ للموتر اللي مابقى الا رسومه

عن روحتي ياليت ربي نهاني ............ ولا شفت دمّه سايح في هدومه

قمت ودفنته والله المستعاني ............ في خرقتن بيضاء عليه محزومه

يم القويعية بلاد اقحطاني ............ والحر غير لون وجهي سمومه

وأقفيت من عنده وعشري ثماني ............ مثل المصبح والبلاد محكومه

والله لولا إني وسيع البطاني ............ لاصكها مثل أشقر الريش حومه

طاوعت نفسي مير عقلي قواني ............ عن الخطا مافيه نفس معصومه


أدخل على الرابط وإستمع

http://www.upqtr.com/user/2006/3/12/...c27013ba9b.zip

[((الذيــبـــه))]

تهشمت كل الضلوع المحاني ............ مفجوع والمفجوع محدن يلومه

أخذت لي ساعة وأنا في مكاني ............ حسبت لي عشرين طيحة وقومه

وليا بغيت الهرج ييبس لساني ............ والذاكرة عندي تقول معدومه

قمت أتلفت وأتسمع بآذاني ............ من شاف حالي ماتهنى بنومه

مما بقلبي رحت بالليل عاني ............ للموتر اللي مابقى الا رسومه

عن روحتي ياليت ربي نهاني ............ ولا شفت دمّه سايح في هدومه

قمت ودفنته والله المستعاني ............ في خرقتن بيضاء عليه محزومه

يم القويعية بلاد اقحطاني ............ والحر غير لون وجهي سمومه

وأقفيت من عنده وعشري ثماني ............ مثل المصبح والبلاد محكومه


تسلم وصح اللسان من قالها

وتسلم يمناك لا عدمناك

وننتظر جديدك

تقبل مروري

[بدر العرجاني]

الذيبه

تسلمين والله على المرور الأكثر من رائع

لا عدمناش يالذيبه