أجمل الغلطات

[عبدالله الصقور]

السلام عليكم
أنا استحيت
كل يوم اقرأ قصيدكم ولا أشارك معكم
اليوم كتبت لكم قصيدة من الأرشيف
لأني تحت الصيانة من مبطي
والله العالم يمكن ما عاد أصلح الى الأبد
وسامحوني على سوء التنسيق لأني ما أعرف له ،

أنا أدري ان البداية كانت الصدفة
أو غلطةًٌَ واجمل الغلطات في عمري
انا طلبت المحبة واطلب بلهفة
تسمح لدم المودة بيننا يجري
خيالك يزورني وافرح ولا اعرفه
لكن تأكد كلامك له أثر سحري
خلاني امشي بدرب الحب واكتشفه
ولقيته انواع واجملها هو العذري
وإلى سمعتك خذاني الخوف و الرجفة
وآقول تكفين حطي كفك بصدري
لو كان عندك ثبات ودي استلفه
يمكن ثباتي يصبرني على سري
وأبـ أنتظر لو يطول الصبر والوقفة
ولو كانت أقصى أمانيّك معي هجري
لا تعتذر عن سماعي وإرفع الكلفة
خل القوافي على طرياك تستجري
ولو جاك علمً وفيه أشجان مختلفة
مافيه داعي تخط اسمك على قبري
وصفت لك هاجسً صعوبته وصفه
بدايته أنت وآخرته معك 00 ماادري

وسلامتكم

[الاب الروحي]

صح لسااانك

لاهنت

ودعتك الله

[فـارس]

الأخ عبد الله

لا هنت على القصيدة الرائعه

وفي انتظار جديدك

وتقبل مروري

صح لسانك ولاهنت

سلام

[عبدالله بن شيبان]

صح لسانك وانشالله ما تبخل علينا بابداعاتك

[محمدالنادر]

شاعرنا عبد الله الصقور

صح الله لسانك

ولاهنت ع القصيده الرائعه

من شاعرها الرائع والمبدع

والارشيف يدل على شاعريه

مختزنه وابداع ملحوظ

ونتمنا ان نرى قصيده جديده

وتقبل تحياتي

مـحــمــ النــأأأدر ــــد

[عبدالله الصقور]

الأخ / الأب الروحي
صح بدنك وأشكر مرورك


الأخ / فارس
تسلم وأبشر بالسعد


الأخ /محمد بن دسمة
صح بدنك طال عمرك

الأخ / عاشق الريم
لا عاش من يبخل على شرواك

الأخ / محمد النادر
الله يبيض وجهك
والقصيد الجديد يبغى له قلب جديد
وأخوك بطارية قلبه لك عليها
وفي كل الأحوال أنا تحت امرك

[الملكة]

ابيات عذبة وشفافة..

عبدالله صح لسانك..

ولا تحرمنا جديدك.. ولا أرشيفك

[الرحال2006]

الصقووووووور
خلاني امشي بدرب الحب واكتشفه ====== لقيته انواع واجملها هو العذري

الله الله الله
عليك يا بو عابد
ابداع جميل جدا ولكن الاجمل منه ان لا يندثر تحت مظلة الصيانة
لا هنت
اخوك / الرحـــــــــــال

[عبدالله الصقور]

المشاركة الأصلية كتبت بواسطة الملكة

ابيات عذبة وشفافة..

عبدالله صح لسانك..

ولا تحرمنا جديدك.. ولا أرشيفك

الملكة : صح بدنك
وأبشري بالخير