خذني معك في تالي الليل شمعه( غزليه)

[حـمـاد الـصـيـفـي]

السلام عليكم ورحمةالله وبركاته
هذه ثاني مشاركه لي وأتمنى ان تحوز على إعجابكم

خذني معك في تالي الليل شمعه=تضوي طريق الحب لاصرت ماشي
أوإعتبرني داخل العين دمعه= تروي ظمأ ذيك الخدود الهشاشي
خذني بقايا هموم من حر لوعه= مرًت على طول الزمان إبتلاشي
أوإعتبرني بين أياديك صنعه=مثل الذهب منقوش فيه القماشي
جيتك شتات إنسان مافيه طمعه= القلب فيك يموت والراس عاشي
يامن غلاه بداخل الروح روعه= ترسم شعور إنسان بإحساس ناشي
عرفت كيف الود وإخترت نوعه=وأخترت شخصه داخل الروح طاشي
فيه التمرد والاساليب طبعه= سلطان حبه يظلم الروح كاشي
خلك معي صادق وأنا أعطيك سمعه=ترفع مقام الحب عن كل واشي

وسلامتكم أخـــوكـــم أبـــوحــــزام

[الملكة]

عرفت كيف الود وإختـرت نوعـه ---وأخترت شخصه داخل الروح طاشي
صح لسانك.. حمــــــاد الصيفي..
قصيدة جميلة.. ومعانيها اجمل..

[حـمـاد الـصـيـفـي]

صح بدنش أختي الملكه وشاكر لش المرور على الصفحه ولاهنتي


تقبلي تحياتي

[راشد العتل]

خلك معي صادق وأنا أعطيك سمعه=ترفع مقام الحب عـن كـل واشـي

صح بدنك يابوحزام وبيض الله وجهك
على طرح هذي القصيده الطيبه

تقبل تحياتي واعجابي

[فريج المرر]

عرفت كيف الود وإختـرت نوعـه..وأخترت شخصه داخل الروح طاشي
فيـه التمـرد والاساليـب طبعـه..سلطان حبه يظلـم الـروح كاشـي
خلك معي صادق وأنا أعطيك سمعه..ترفع مقام الحب عـن كـل واشـي


صح الساااانك اخوي .,.

\

[مسفر مبارك]

صح لسانــك وجزله من رجال جزل

[العجمي بدر]

صح السانك يا حماد ولالالاهنت
ابيات طيبه من شاعر يستحق المتاعه


اسلم وسلم

[عـسـاه خـيـر]

صح السانك ياابو حزام ولاهنت على هذه القصيده الجزله.

[حـمـاد الـصـيـفـي]

هلا والله بالحبايب

راشد العتل - فريج المرر - مسفر مبارك - العجمي بدر
والأخ عساه خير


الله لايهينكم كلكم وصحت أبدانكم وشاكر لكم مروركم على الصفحه

وبيض الله وجيهكم

تقبلوا تحياتي