قصيده للمرحوم:نافل بن مهدي العرجاني

[نافل العرجاني]

السلام عليكم ورحمة الله وبركاته

هذه اول مشارركه لي في هذا المنتدى الرائع الذي اتمنا
انني اكون عضو خفيف عليكم

ومشاركتي هي قصيده للمرحوم:نافل بن مهدي العرجاني رحمه الله واسكنه فسيح جناته

في هادي بن علي آل عامر واخيه مسفر بن علي آل عامر

يا حسن روح على البنز السمـاوي=عقب جيّة خبرةٍ تقضـي اللزومـي
جيتهم بالصـدر عقـدات ومـلاوي=كاثراتٍ بـه هواجيـس الهمومـي
رحت منهم ضاربٍ سوق المنـاوي=ضاربٍ سوق التّجر بيـعٍ وسومـي
رحت عقب الفقر من هادي غناوي=ومسفـرٍ لاعـل تفـداه الرخومـي
هاديٍ يا شبـه خطـوات النـداوي=نادرٍ سوه على الخـرب العزومـي
مضربه بالثّنـدوه ماهـوب يـاوي=صاملٍ ماهـوب مسّـاحٍ يحومـي
لا لفيتـه فـي لزومـي مايـراوي=هاديٍ لعـل هـادي لـي يدومـي
يوم جيته قـال ماتبغـي رهـاوي=مستعديـنٍ وبالـواجـب نقـومـي
ومسفرٍ راعي الاسم ماهوب غاوي=السفر في وجه مسفـر دام دومـي
قربهـم لـي مايجيلـي بالمنـاوي=احمد اللي قـرب الربـع القرومـي
صلب اخوي وصلب عمي لي يداوي=ارّثـوا ربـعٍ يـداوون الحثومـي
ارّثـوا ربـعٍ بعيديـن الهـقـاوي=رايهم بالطيب وافـي ومعصومـي
نـدّرٍ مـن نـدّرٍ تـرّث لـهـاوي=لازما العايل لقى لطـم الخشومـي
يقعدون من السطر من كـان داوي=في نهارٍ بـه تخيـلاف السهومـي
في نهـارٍ كاثـراتٍ بـه نخـاوي=جمعهم في ضدهـم سـوا ثلومـي
ضدهم من فعلهـم شـرب الاداوي=من شروب الصبر في كبده سمومي
من مشى عدلٍ مشولـه بالتسـاوي=ومن مشى بالضد عد انه معدومـي
والولد منهم مـن الهسّـه سحـاوي=قاضبٍ عـادة عزيزيـن السلومـي
قاضبٍ عادات جـدّ انـه ونـاوي=نـاويٍ يفعـل فعايلهـم لـزومـي
يابعد منهو مـن الطـولات ثـاوي=من فعول الطيب مفلس ومحرومـي

[ابومحمد الشامري]

الاخ العزيز نافل العرجاني في البداية مرحبا بك في مجالس العجمان وصح لسان الشايب ابو مهدي الله يسكنه الجنه ويستاهل المدح هادي بن علي آل عامر واخيه مسفر بن علي آل عامر

[الفرس]

نرحب بالاخ الكريم نافل ونسعد بوجوده .. ويامرحبا على مرحبا ..

وصح لسانه واسكنه في جنات النعيم ..


تقبلني بأزكى تحيه ..

[نافل العرجاني]

يامرحبا ومسهلابكم

وصحة ابدانكم

ولاهنتوا على مروركم الكريم

[&آهــــات الحــــزن&]

قاضبٍ عادات جـدّ انـه ونـاوينـاويٍ يفعـل فعايلهـم لـزومـي
يابعد منهو مـن الطـولات ثـاويمن فعول الطيب مفلس ومحرومـي

الله يرحم ابو مهدي

وصــــــح لســــــــأنك اخوي نـــــــــافـــــل وبيض الله وجهك

[نافل العرجاني]

يامرحبا يا آهات الحزن

وصح بدنك ولاهنت على المرور الكريم

[عـسـاه خـيـر]

الله يرحمه برحمته وصح السانه والسانك اخي الكريم ولاهنت يا السنافي على نقلها

[عيار خمسين]

قصيدة جزله .. صح لسان الشاعر ..

وشكرا لك الأخ نافل ولا هنت
ممكن تتكرم علينا بتعريف بالشاعر وتعريف بالأشخاص الموجه لهم القصيده لاهنت

شاكراً لك وتقبل مروري

[نافل العرجاني]

يامرحبا يا عساه خير
والله يجزاك خير ويقبل دعاك

ولاهنت على المرور




واخي عيار خمسين

صح بدنك وبيض الله وجهك على مرورك الكريم

واما عن الشاعر المرحوم فهو:نافل بن مهدي بن عايض آل قنيبر آل العرجا

واما الاشخاص التي توجهت القصيده صوبهم فهم:هادي بن علي آل عامر
واخيه مسفر بن علي آل عامر وهم عواني المرحوم

ولاهنت يالسنافي

[عيار خمسين]

شاكر لك تجاوبك يا نافل والله لايهينك ...

وشكل القصيدة لها موقف حصل بينهم ان كان ماعليك كلافه وانت تعرفه فتفضل علينا تفضل الله عليك ...

وربي يحييك ولا يهينك على كل حال