إيه ابدوي..؟؟؟؟

[سمو الرووح]

ايـــــــه ابــــدوي ,,,,؟؟؟

ايه ابدوي وافخر وربعي عزيزين ,,,,,,,, وتاريخنــا منحوت فــي كــل ديــره
حنا هل الشيمات والصدق والدين ,,,,,,,, وحنا هل الناموس واصحاب غيـره
اهل الادب والمجد والمنطق الزين ,,,,,,,, نمــوت من دون الشـرف والقصيره
وألفــاظنا ياصاح مسك ورياحيـن ,,,,,,,, ولهجـــات اهلنــا ماش فيـها معيـره
وكلمة بعد حيي تداول من اسنين ,,,,,,,, ماهي نشـــاز انقــولها بكل ســـــيره
مانقولـــها الا للــربوع العزيزين ,,,,,,,,, من نبض قلب انسان صافي ضميره
نقــولها في كل موقف فــخورين ,,,,,,,,, ماهي جـــديده يالوجيــــه الســـفيره
حــنا نوايانا سليـــمه من الشين ,,,,,,,,, ماهـي على ظنك وشكك .؟؟ خـطيـره
وبنقولها باكـر وعقبه وهالحين ,,,,,,,,, ولاهمنــا منقـــود ســـمرا وســــميره
وان عــودت للطـــيب حنا غنيين ,,,,,,,,, ويا كثـــر ما بالكــون زينيــن جيـره
لكن انا بنصحك نصــح الوفييـن ,,,,,,,,, فكـــر ابدربــك زيــن قبل ان تســيره
وفر نصيحك وارســله للغشيمين ,,,,,,,,, وانا اعنــي اللي تاه وافـخت مسـيره
ايـه , بدوي ولادرست القوانيـن ,,,,,,,,, لكـــن تعلمتــــــه ابـعــــرف العشـــيره
تجري بنا الشيمات مجراالشرايين ,,,,,,,, ما دام روحـــي ما لفـــــاها مــصيره
هـذا الوكـاد ولاذكــرناه تخمــــــين ,,,,,,,, ونعلن بها للناس ماهــي ســـــريـره
نحفظ مبـادينا على العسـر واللين ,,,,,,,, ونصبـــر ولاكـــن مانتحمـل كثيــــره
كل شي؟ ولا التجريح لنا شريفين ,,,,,,, ما نــرتضي به لو تــطول الجـــريره
ورثً عن الاجداد ماهيب ذا الحين ,,,,,,,, ســـلومً حــموها بالسيوف الشـطيره
تاجـــد لهــم في كل ديره عناويـن ,,,,,,,, من شــامها لبـغداد لارض الجـــزيره
تعوذ من ابليس وانحا الشـياطين ,,,,,,,, ان كان تبـغى تســتمر المســــــــيره


محمــد بن سـوعان الربيٌـع

ممــا قراءة واعجبني .. ويا لبا البدو والله.

[مخاوي النشاما]

صح لسانش ولسان قايلها ولا هنتي يا سمو الروح على النقل الرااائع

[فــزولــهــآ ❗]

صحح الســان محــمد .. وبيــض اللــہ وجهــش ع النقــل
جعــل يمنــاش سالمـــہ ..

[سمو الرووح]

صح الله بدنك مخاوي النشاما

وشكرا لك على المرور الكريم وياهلا بك.

[سمو الرووح]

صح الله بدنكِ يالغلا

فزولها

شكرا للمرور المميز ولاهنتي.