طلاسم الالفيه الدموية

[ماجد حمد الزيد الخالدي]

ثلاث شهور في وادي ملوك الجن ثلاث شهور=ثلاث شهور وقدري يفور والدّْلَّات مركيه
ثلاث شهور لي نخّو شيوخ(ن)من بني عامور= ملوك شيوخ في حدِّي وحولي كل جنّيه
بوادي ديْس غربي الجوف 700 عن ابا القور=بحد البحر الاحمر والدلاله فيه عفويه
به اطياف(ن)شماليه لهم شرع ولهم دستور=على منهج بني مذحج ونا نهجي على النيه
عليهم ضفت حتى اسرفت امير ولا انا مامور=(غداي بدون )والجبّابة تصلالي بمصليه
عليها شعرن اطول من هموم الليل للمقهور=ووجهن مثل قرص البدر والوجنات ضاويه
اتت لي تلك قائلتن من اي الخلق يامستور=فقلت لها من أبناء الكماة وامي جبريه
فقالت مالذي أغواك في قفرن خلى من طيور=خلى خالي وجبل عالي به الاصوات عاويه
فقلت لها حبيس الهم وقلبي ساطره ساطور=ونفسي شامت عن الناس وعن كل دار كفريه
صدوق الجن لي صاحب وكاذبهم أُتي مخفور=ولا المؤمن كما الكافر وما العلوي كسفليّه
وما الخيّر بهم كالنجس يامن جئت تبغي الشور=فخذ قولي وما قولي بأهوائ(ن)وشركيه
وحق اللي لنوره ضائت الظلمات وشعّْت نور=بمن اوجد من اللاشي أجناسٌ حقيقيّه
بمن لرضاه كل يوم(ن)يحج لبيته المعمور=من الالاف سبعين(ن)ويردفهم سمائيه
فلا قبلي ابن انثى صحيح العقل او مسحور=رئا ماقد رأيت فلا رئا قبلي بن انسيه
قبل ختم العشر خطيت قافن ينّحت بصخور=به الحكمه به الاعجاز وفيه ايات كونية
وثم جاني عشر فيهن تعراني ملل وفتور=عزفت عن الشعر واطرقت باحوالن جنونية
ولكني بيوم امسن رأيت ايات بالديجور=نجم احمد ظهر واحمد من ابناء القريشية
سلاسة اكبر السبطين وجده احمد المشهور=تقارب نجمه البارح دلالة قرب مهدّيه
فزع شنجول جاه الهول والطابور كالطابور=تكرر كل عقد يجد جده هي بلنسيّه
محمد بن ابي عامر تلقب حق بالمنصور=ولكن يخلفه بالمجد من شنجول نوعيّه
هدم ماقد بناه الليث في سفه(ن)من اول دور=اماط المجد والعزه بذل(ن)مع فراغيّه
وعبد(ن)لقبوه اصْغير جاله دور وهد الدور=هدمها فوق اهاليها وسلمها بجاهيّه
الا فابكي كما تبكي النساء على ملك مهدور=على ملك(ن)تضيعه باسباب انهزاميه
تدور تدور والسنّه هي السنّه تدور تدور=بكل زمنن بني شنجول اتباع البيزنطيّه
ولكن قد ظهر نجم(ن)سيفعل بالامور امور=سيقلب كل طاولت(ن)على روس انبطاحيّه
قريبه صولة المسلم على الكافر وهدم الجور=قريبن يُكشف الطلسم قريبن فتح طاكية
قريبن نعبر الدنلوب على ظهور الجمال عبور=نوردها ضمائيه وتصدر منْه راويّه
قريبن وعد رباني على الفرقان جاء مسطور =قريبن نفتتح ارض(ن) بها الايات قدسية
قريبن نعبر الابينين لاتلاقى الاسد بالثور=يسوق الليث شعب ليوث من ابناء العروبية
قريبن ترتوي من الرين يابليهان يامعرور=قريبن فتح اندلس(ن) قريب وجل يغوريه
قريبن من جبل فارام يوقد بالجبل تنور=يشع النور والتنور يحرق كل ضلاليه
قريبن ينزل الجبريل وميكائيل واهل النور=على يمنى ملك يعرب ياويل الفيل والحيّه
قريبن يهطل من المزن دم(ن) مبتداه بصور=قريب(ن)حرب قرب اورغون تباح ابها الصليبيه
قريب(ن)شمسنا تاكل زحلهم والسفن ببحور=تستولي على قوة لها روس(ن) ثلاثيّة
قريبن يحشدون الف الف في موضع بشرق الطور=بدايتها ببيزنطه خراب لارض رومية
قريبن يخرج الدموي يزلزل بالفتن سابور=يقود الفرس ويا الروم واعراب الجهاليه
الأخوق اخو نيرونن بانجيل وصحف وزبور=يخرج بين نهرينن بخله بن يهودية
كما قال الحبيب احمد سيخرج فيكموا ويثور=سيخرج ذلك الافحج على غفله بشامية
يعيث ايمين وشمال(ن) رضاة الله على تيمور=فصبرا يابني مسلم سيعقبها بلائيه
سيقتل بعد عام وشهر واسبوع وشهر مقدور=بعد ختم الشهر بثلاثة ايام(ن) حسوميّه
ومن ثمّ تموج الارض هرج ومرج من مسعور=موجن لج يرجها رج شعوبن لانظاميه
تعيث تعيث لامن شيث لامن حام ولا ناحور=ولا من سام من يافث بعث نار(ن) حروريّه
قريب(ن) بعثهم والكون هارم ايل(ن) للبور=بدت تتساقط اياته بقى الصيحة الختامية
فقالت لي وقد صاحت اذن معذور اذن معذور=ونحن كذاك عُلمنا وايقنّا الفنائية
فطب نفساً ونار الحرب دعها تصطلي وتفور=تميز غيظها والناس في سفه الغيوائية
طلاسم في طلاسم في طلاسم بحرها المسجور=طلاسمنا حقيقيّه طلاسمنا يقينية
ماجد حمد الزيد=6 جمادى الثانية 1428

[مسعطر]

بوادي ديْس غربي الجوف 700 عن ابا القـور=بحـد البحـر الاحمـر والدلالـه فيـه عفويـه

ما شاء الله عليك تحدد المواقع بالضبط.

طلاسم في طلاسم في طلاسم بحرهـا المسجـور=طلاسمـنـا حقيقـيّـه طلاسمـنـا يقيـنـيـة

عز الله صادق طلاسم في طلاسم بس عند غيري أما أنا مهب طلاسم
بالنسبة لي.

صح لسانك يا ابو حمد تقبل تحياتي و أعجابي بالقصيدة.

[مهرة النسيان]

صح لسانك يابوحمد .. على ذا القصيد ..

ويعطيك العافيه ..

دمت بكل الود ..

[سعود الخويطري]

ماجد حمد الزيد الخالدي



صح الله لسانك مليار ولاهنت





قصيدة وأبداع متجدد وشامخه من راس شامخ




وسلم أبداعك يالخالدي



وتقبل سلامي واشواقي

[عـسـاه خـيـر]

ماجد حمد . . صح الله السانك ولاهنت على هذه القصيده الاكثر من رائعه.

[ماجد حمد الزيد الخالدي]

المشاركة الأصلية كتبت بواسطة مسعطر

بوادي ديْس غربي الجوف 700 عن ابا القـور=بحـد البحـر الاحمـر والدلالـه فيـه عفويـه

ما شاء الله عليك تحدد المواقع بالضبط.

طلاسم في طلاسم في طلاسم بحرهـا المسجـور=طلاسمـنـا حقيقـيّـه طلاسمـنـا يقيـنـيـة

عز الله صادق طلاسم في طلاسم بس عند غيري أما أنا مهب طلاسم
بالنسبة لي.

صح لسانك يا ابو حمد تقبل تحياتي و أعجابي بالقصيدة.

الاخ الفاضل مسعطر صح بدنك طال عمرك ووالله انك الكفو وتجيبها ولاتعسكرك طال عمرك
مرورك وكلامك هالطيب هذا نوماس لي يابن اخي اشكرك على مرورك
تقبل صافي الود والاحترم والغلا
اخوك ماجد الزيد

[بندر العجمي]

صح لسانك على القصيدة الجزلة




والله لايشينك وننتظر جديدك طال عمرك



اخوووووووووووكـ

[ماجد حمد الزيد الخالدي]

المشاركة الأصلية كتبت بواسطة مهرة النسيان

صح لسانك يابوحمد .. على ذا القصيد ..

ويعطيك العافيه ..

دمت بكل الود ..

صح الله بدنك واشكرك اختي الفاضلة على المرور
و الله يعافيك

[ابومحمد الشامري]

صح لسانك يا السنافي وفي انتظار جديدك

[محمد الغيثاني]

لاهنت يابوحمد وصح لسانك على القصيدة الجزلة

والله يعطيك العافية