القصيدة النادرة للملك فهد بن عبدالعزيز

[عبدالله آل عامر]

هذا هى القصيدة النادرة لخادم الحرمين الشريفين الملك فهد بن عبدالعزيز طيب الله ثراه حبيت أنقلها لكم في مجالس العجمان
والقصيدة قالها عندما كان مريضاً في لندن في شهر شوال من عام 1385هجري حيث بعثها
إلى المرحوم الامير فهد بن سعد يشكو فيها قساوة المرض
حيث قال :



يابو سعد صارت على اخوك غارات ** شهرين اقاسي مـن شديـد الغرابيـل
سو المرض يحمل على اخوك حملات ** مافي يدي حيله ولا في يـدي حيـل
والله فزع من فوق سبـع السمـاوات ** وانا احمد الله يوم صـارت تساهيـل
ماينفـع الخايـف والايـام عجـلات ** الخوف ماينفـع ولا القـول والقيـل
حنا هـل العوجـا ولا بـه مـروات** شرب المصايب مثل شرب الفناجيـل
لاشك انا مشغول في كـل الاوقـات ** على الـذي حنـا بظلـه رجاجيـل
ماني على نفسـي كثيـر الحسافـات ** لاسلم راسه روسنـا رفـاع بالحيـل
حامـي حمانـا بالليالـي المخيفـات ** لـو صـار بالعالـم كثيـر الزلايـل
فخـر العروبـه بالعـدل والمسـاوات ** هذاك هو فيصـل ولا فيـه تشكيـل
يشهد له اللـي شاهـدوا منـه ليـات ** ويشهد له التاريخ جيـل بعـد جيـل


فأجابه الامير فهد بن سعد رحمه الله بهذه القصيدة :




يامرحبـا بكتـاب زبـن المـخـلات ** اهـلا هلابـه عـد وبـل الهماليـل
حمدت مـن زال الكـدر بالمسـرات ** فكاك مـن صكـت عليـه المحابيـل
فـزع لـك اللـي عالـم بالخفـيـات** مبري جروح ايوب غيـث المراميـل
لعل مايزعج علـى فقـدك اصـوات ** ولعلهـا لـك يابـو فيصـل تماهيـل
الله يجيرك مـن صواديـف الافـات ** عسـاك تسلـم ياعشيـر المشاكـيـل
ماانـت برخيـص ياربيـع القرابـات ** لو هي بالايدي كان دونـك حلاحيـل
ترا لنا بـك يافتـى الجـود هقـوات ** في وقتنا الحاضـر وباللـي مقابيـل
يفـداك ربـع قصـروا بالمهـمـات ** اللي علـى القـالات ماتنطـح الشيـل
بعض العرب حي ومن عرض الاموات ** مايرتجـي نفعـه بحـل المشاكـيـل
وفيصـل ذرانـا بالسنيـن المخيفـات ** هو درعنا الضافي الى ضدنـا الميـل
اللـي نقـل عنـا حمـول ثقـيـلات ** راس الحصيـل ان كملـن الحصيـل
وسلامتكم

[فهد بن محسن]

لاهنت ياعبد الله ال عامر

على نقل هذه القصيده النادره

للمرحوم الملك فهد


تحياتي لك

ولاهنت

[عبدالله آل عامر]

ولاندمت يابن محسن

تقديري لك