لا قلّت الحيلة وثقلّن الاحمال = نصيت انا نور الرياض واميره
ابو فهد سلمان عدّال ما مال = في وقفته تخضع جبال الجزيره
بيته لنا منصى ومكتبه مدهال = ورّد وصدّر له اجموع ٍ غفيره
ينصاه شيخ ٍ عاجز ٍ لحقه الحال = وام ٍ بكت ضيم الليالي العسيره
ينصاه من حمله ثقل والصبر طال = ما صك بابه صامد ٍ للبريره
عون الضعيف اللي كهل ماله اعيال = فزعته تبري للعظام الكسيره
لو جمّعوا طيب العرب دق واجلال = ابو فهد طيبه غطى كل ديره
عدل ٍ حكيم ٍ للصعيبات حلال = صقر الجزيره منهج ٍ له وسيره
العود الازرق طيب تضرب به امثال = واسمه لنا طيب ٍ وعطر ٍ وجيره
لو هو حكى وادي حنيفه بالافعال = افعال سلمان ٍ تفجّر محيره
شجاعته تحكي بها اسلاف واجيال = وعطفه ومعروفه يسّطر بسيره
بالحق سيف ٍ يبتر ارماح واسلال = والى وهب ما مّن لو هي كبيره
تخضع اسود الغاب وتبّرك اجمال = عقب الهدير تحن هيبه و غيره
حكامنا ال سعود والعز يختال = ماهمنا ردح النفوس الحقيره
ورادتن للموت والدم شلال = نطاحة ٍ لوجيه قب ٍٍ امغيره
اخوان نوره للوطن ستر واهلال = الحكم شرع الله وسنة بصيره
هم عزنا عز العرب درع واظلال = ملاذنا لاشتد برد وهجيره
عسى السحاب اللي تحدر بهمال = يسقي وطن سيف الرياض بغثيره