حنا اذا احببنا ذوات اللثامي=فكل الصعايب لجلهن والله تهون

[راكان اليامي]

بقول بعدك ياترفه ماعرفتي غرامي =ولا عرفتي من انا او من اكون
داري ماهم اللي سواتك كلامي =وماني بعينك سوى شخص مجنون
لكن ضروري تعرفي وش مقامي =والفرق بيني وبين منهم يحبون
حتى اذا في يوم عفت المنامي =وجيت اشتكي لك ضايق الصدر مغبون
تدرين باني شخص صادق وسامي=وان كلمتي ماتقبل شكوك وضنون
وان كان قلتي ليه بقول يامي=وان قلتي اش يعني بعلمك وشلون
يا آنسه حن غير كل الانامي=هرج صحيح وقولوا اللي تقولون
حنا اذا احببنا ذوات اللثامي=فكل الصعايب لجلهن والله تهون
نحب لآخر مرحله في الهيامي=ونموت دون احبابنا لجل يبقون
واكبر دليل اسمي براس الاسامي=عاشق ولكن هل بقى من يحسون
حبيت في وقت غشاه الضلامي=وضحيت بحساسي لناس يخونون
وعطيت حب الغيد كل اهتمامي =ولا لقيت إلا تجاريح وطعون
هم مادروا اني نسل قوم كرامي=ام لم يعد للحب داعي بذا الكون
فالحب يالترفه نهاية مرامي =وعرشي به اكبر شان من عرش فرعون
بحب حتى لو خفوقي يضامي=وبوفي ولو ما عاد به ناس يوفون
وبعشق وبغلي لين تدفن عظامي=وبحن لو مل الاوادم يحنون
وبهيم لو قلبي من الهجر ضامي=وبشتاق لين احباب قلبي يلينون
وان كان للمولى صلاة وصيامي=للحب انا حصلت ناس يصلون

مهدي بن سميطان اليامي

[ع ـقد م ـنثور]

حبيـت فـي وقـت غشـاه الظلامـي ..
وضحيت بآحساسـي لنـاس يخونـون ..

عـز الله صـآدق ..


صح لسسسآن كآتبـهآ ..


سلمت ..

[ناثرة الورد]

{{ راكــان اليــامي }}

,
,

يعطيكـ الف عافيه علي هالاختيار المميز
آآبداع غير مستغرب منكـ
دمـت بهذا الرقي

تقديري ..,

[راكان اليامي]

هلا وغلا فيكم واشكركم على الرد والله يعافيكم

[سمو الرووح]

والنعم والله يا أولاد يــام


لاهنت يا راكان اليامي على الاختيار الراائع للقصيدة الجزله .. ..

وصح الله السان الشاعر /مهدي بن سميطان اليامي كفا ووفى بكلامة

تقبل فائق التقدير والاحترام لشخصك الكريم .

[راكان اليامي]

هلا وغلا فيكم وارحبو وتسلمون على الردود