(في قسم لنعاش)..عايش على رجوى الأمل والمناعه

[" مــــابه جديــــد "]

السلام عليكم وصبحكم الله بالخير

ياكثر ماعنيت رجلي على ماش=لابه أمل ترجع ولابه قطاعه
خليتني بالحب في قسم لنعاش=عايش على رجوى الأمل والمناعه
رحتي وانا جالس هنا واتحراش=من يرتجي شوفتك يازين راعه
طبعش كذا بارد ولا ياتي اقصاش=أن كان مادقيت مابي طماعه!!!
من عقب طول اليوم كفي بيمناش=صار الرجى في شوفتش نصق ساعه؟
يالعنبا وقت(ن)جبرني لفرقاش=ضاق الفضى عندي عقب اتساعه
لونها بكيفي حشى ماتعداش=لاشك ذا حكمش ومني تباعه
مدام نفسش عايفه من تمناش=مالي على رد المقفى استطاعه
روحي فمان الله والله يقاش=نفس الذي جاله من البعد راعه

وسلامتكم

[ناصر الحميداني]

صح لسانك على القصيده الجزله

وننتظر جديدك

[سرالوجود]

قصيده جميله بالفعل

صح لساااانك ولاهنت وننتظرماهو اجمل من ابداعك..

[عبداللطيف أبوظهير العنزي]

يـــاسلاام عليـــك صـــح لســــــــانك مليـــــون ولايســــدووون ...

أبيـــات عـــذبه وبـــــوح راقـــــي ....

تحيتـــي وتقـــديــري

[مانع الوعيلي]

صح الله لسانك مابه جديد ويعطيك العافيه وفي انتظار جديدك

[ابونايف الوعيلي]

يالعنبـا وقت(ن)جبرنـي لفـرقـاش ضاق الفضى عندي عقـب اتساعـه
الله الله صح لسانك اخوي مابه جديــد

ومبدع نفداكــــ

اخووووك

ابونايف الوعيلي

[الغروب]

الاخ
مابه جديد
صح لسانك على الابيات الجزله
وفقك الله

[" مــــابه جديــــد "]

مرحبابك جميع وصحت ابدانعكم ولااهنتو على المروور


اسعدني مروركم