محمد الذيب والشاعره النود مجاراها

[الخديدي]

هذه مجاراه بين الشاعر الكبير محمد ابن الذيب
وشاعره ياميه اسمها النود


يقول محمد

تسمعوا يوم أجر الصوت =ياهل القلوب الهواويه
الهجر بين العرب ممقوت =والوصل ياحيك وحيّه
ياهاجسي قبل يفوت الفوت =عندي رساله خصوصيّه
علم هل المغرب وبيروت =حتى بنات السعوديه
واللي ورى الكوت واهل الكوت =والمسلمه والمسيحيه
وضحى غلاها ترى منحوت =بين الضلوع الشقاوية
منها يغار الشهد والتوت= وازهار الأرض الطبيعيّه
والدر واللولو والياقوت =تعيبرة ان البنت حوريه
بعيونها العاشقين تموت =وتقول للموت ياحيّه
وشلون ماأفخر واجر الصوت =وانا متيّـــــم بعجمـــيّه

ردت الشاعره النود وتقوول

ياذيب يومك تجر الصوت =وتقول ميت بعجميّــه
تبي الخبر يوصل لبيروت =وحتى بنات السعوديه
ياذيب حنا بحور الموت =لهل القلوب الخلاويّـــه
صعبين وأثمن من الياقوت =مثل الذهب صعب مشريّه
نظراتنا سهمها موقوت =والموت بعيون نجديّه
غزلان منها تعاف القوت =ترعى النفل كل وسميّه
منا يغارون اهل الكوت =واللي مع البدو طرقــيّه
حتى الزهر والعنب والتوت =وبنات لندن وتركـــيّه
ولو جبت وضحى وهند وقوت =خسّرتهم ألف بالميّـــه
أقولها لك واجر الصوت =وأفخر وانا بنت ياميــــــــّه

وسلامتكم حبيايب البي


الخديدي

[&آهــــات الحــــزن&]

لاهنت اخوي الخديدي على هالمجااااراااااااه

ولاهنت وبيض الله وجهك

[عـسـاه خـيـر]

صح السانك يا السنافي ولاهنت على النقل المميز

[مسعطر]

منّا يغـارون أهـل الكـوت=و اللـي مـع البـدو طرقيّـه

صح لسانها و لسان محمد ..

و صح نقلك أخي الخديدي..

تقبل مروري .. أخيك ..

[مهرة النسيان]

صح لسانها مهيب هينه ..

تشكراتي يالخديدي ..

[مسفر مبارك]

الله الله مجاراه جميلـه جـداً من أبو هنـد صح لسانه ولسان الشاعره النود


وصحت يمينك يالعتيبي .


تحياتي

[صـــبـــــــــآ]

صـــــح لسااان ابن الذيب
وصح لسان الشاعره النود على مجاراتها
لاهنت اخوي الخديدي على طرحك

[@صدى الاهات@]

مساك الله بالخير أخي العزيز : الخديدي

صح الله اللسان ابوهند واللسان الشاعرة النود ولاهانت على ذا المجاراة الرائعة
والله يكثر من امثالهم


ولاهنت على ذا الاختيار .الرائع والمتميز
بنتظار جديدك دايمن


تقبل مني خالص التحية:


أختك:

صدى الاهات

[الخديدي]

آهات الحزن

يشرفني مرورك الف شكر لك

[الخديدي]

عساه خير لاهنت على مرورك لك كل التحيه