لاعاد تطريني ولاعاد بطريك ..
شي مضى خله يودع زمانه
ماعاد لي روح على البعد تبكيك..
ولاعاد لي قلب تدور حنانه
بعتك بعد مابعت مثلك أجازيك..
ضيعت عهدً في صدرك أمانه
راجع حساباتك علشان ترضيك..
واترك خيال الفكر يطلق عنانه
وأذكر من اللي ارخص الروح يفديك..
اللي دفع عنك العنا والأهانه!!
ضحيت لأجلك يومن الروح تغليك ..
واليوم مالك بين الاحباب خانه
ماعاد يعنيني ماكان يعنيك ..
أنسى الهنا والضحك وانسى الميانه
لا..لاتحاول تثبت أن الغلا فيك..
الحب مايسوى تضحي عشانه
وأسدل ستار الكذب خله يغطيك ..
وأجمع بقايا خيبتك والخيانه
وأرحـل عن أضلاع ماعاد ترجيك ..
ولاعاد لك فيها قدر ومكانـه
28-03-2006, 03:04 PM
لا عاد تطريني
العرض العادي
