يقول الشاعر /غانم بن راشد القصيلي المنصوري
اطلب الله بالوسامي الى زل الخريف=رب بدو العذب تنجع لشوف بروقها
وفوق مرباع الحنازيب ينهل القنيف=يرتعونة بدوهم لي ربى زملوقها
عيني اللى في هواهم بلتني بالرفيف=ماهناني نومها والدموع تسوقها
ياعلي لطف الحشا ما لقينا لة وصيف=كود غزلان المها تشبهة بعنوقها
ظامر السرجوف والخد قرطاس رهيف=وان شبح بالعين نفسي خطير يبوقها
خف قلبي خف قرموشةِ راعيت سيف=يوم جاها القيظ قامت تلوج سبوقها
ياجماعة زود لقريت منة مستعيف=شايمن منها ولا ليب زود حقوقها
شف بالي داربِ سيرها يكفي الصفيف =بوصل اللي ثومة القلب زاد حروقها
رب داعي العين ينظر على حالِ صخيف=وينتظر في حالتن زاد منة عوقها
رد الشاعر/علي بن محمد بن محمد القصيلي المنصوري
هاضني قافِ سمعتة وانا قلبي طريف=من تماثيل المودة وجر طروقها
ورف قلبي رف حرِ يغاطي بالرفيف=شايفِ زول الحباري ويبغي لحوقها
وجر قلبي جر حبلِ على بسة خطيف=يوم طاب الولم وحروا بطيب وفوقها
وادبحت والولم تارس وللموجة وحيف=مايخاف اللي سندها تسلهم فوقها
وراكب اللي بالصريمة يديس بالصنيف=ما يبلهد بالهجيرة الى جا دوقها
ما نصوعة بالمكدة ولا ندنة ضعيف=والحزامي ملحقنة بساس عموقها
غانم اللي صاب حالك ومدعنة نحيف=ذاك لي صاد الضماير وصايب عوقها
*هذا مالزم توضيحة بناء على طلب الاخ المشرف حبيب
وللجميع الشكر والتقدير
مع العلم ان كلتا القصيدتين تم نظمهما في سنة 1956ميلادية
مبارك بن علي بن محمد القصيلي المنصوري
01-04-2006, 05:54 PM
العرض العادي
المواضيع المتشابهه
