مجالس العجمان الرسمي

العودة   مجالس العجمان الرسمي > ~*¤ô ws ô¤*~المجالس التاريخية~*¤ô ws ô¤*~ > مجلس أمراء وفرســــان قبيلة العجمـــــان

مجلس أمراء وفرســــان قبيلة العجمـــــان يعرض سير أمراء و فرسان قبيلة العجمـــان ومآثرهم

رد
 
أدوات الموضوع طرق مشاهدة الموضوع
  #21  
قديم 11-04-2007, 08:47 PM
عاشق العليا عاشق العليا غير متصل
 
تاريخ التسجيل: Jan 2007
العمر: 35
المشاركات: 411
معدل تقييم المستوى: 11
عاشق العليا is on a distinguished road
رد: اشهر مغازي ( طويل مغزى ) فهد الدامر ( ابل العقدا ) برواية فهد بن عجيمه

وسبعين نعم ببعيد المغازي ابن الدامر

معروف ببعد المغزىومن الفرسان المشاهير في يام

 

التوقيع

 



شكراً للأخت يوران على التصميم والإهداءالرائع
 
 
رد مع اقتباس
  #22  
قديم 27-04-2007, 10:51 PM
ابومحمد الشامري ابومحمد الشامري غير متصل
ابوحمد الشامري ( سابقا )
 
تاريخ التسجيل: Dec 2004
الدولة: شـبـكـة مـجـالـس العجمـــــان
المشاركات: 19,136
معدل تقييم المستوى: 10
ابومحمد الشامري قام بتعطيل التقييم
رد: اشهر مغازي ( طويل مغزى ) فهد الدامر ( ابل العقدا ) برواية فهد بن عجيمه

الله لايهينكم يا الربع على المرور الطيب ما قصرتم

 

التوقيع

 


تِدفا على جال ضوه بارد إعظامي=والما يسوق بمعاليقي ويرويها
إلى صفا لك زمانك عِل يا ظامي=اشرب قبل لا يحوس الطين صافيها
 
 
رد مع اقتباس
  #23  
قديم 27-06-2007, 09:15 PM
الصورة الرمزية تاهـ فكريـ
تاهـ فكريـ تاهـ فكريـ غير متصل
 
تاريخ التسجيل: Jun 2007
المشاركات: 238
معدل تقييم المستوى: 11
تاهـ فكريـ is on a distinguished road
رد: اشهر مغازي ( طويل مغزى ) فهد الدامر ( ابل العقدا ) برواية فهد بن عجيمه

لاهنت موضوع رائع

 

التوقيع

 

 
 
رد مع اقتباس
  #24  
قديم 18-04-2013, 03:32 PM
عبيد القحطاني عبيد القحطاني غير متصل
 
تاريخ التسجيل: Apr 2013
المشاركات: 51
معدل تقييم المستوى: 5
عبيد القحطاني is on a distinguished road
رد: اشهر مغازي ( طويل مغزى ) فهد الدامر ( ابل العقدا ) برواية فهد بن عجيمه

اقتباس:
المشاركة الأصلية كتبت بواسطة abdull مشاهدة المشاركة
السلام عليكم ورحمة الله وبركاته

الله لا يهينك يابو حمد على اهتمامك في ايراد سيرة ابناء القبيله وشيوخها..

وعلى سيرة الدامر حبيت أشارك باللي اعرفه عنهم..
فأنهم اثنيين فهد ابن محمد الأول اللي غزى (وادي فاطمه) في مكه وجاب أبل (الأشراف) وفهد الثاني مسمى على اخيه الأول ويسمونه (الأعرج) عشان يفرقون بينهم وسبب اصابته في غزوه على قحطان في الجنوب ..وكسرو رجله وقعد باقي حياته كلها (أعرج) ويغزى ويروح وياخذ الابل وهو اعرج ...حتى الفرس مايقدر يركبها لين يلزها أو يقربها من مكان عشان يركبها...ومع هاذا كله يقولون مابعد عقرة ذلوله او فرسه طول حياته...
وعرف عنهم بعدهم في المغزى... وذاع صيته وشهرته حتى بدا الناس اذا احد زعل على احد دعوا عليه بالدامر..يقولون (جعله يغزيكم الدامر)

وفيه قصيده للشاعره نزيله الظامر من العطون من الجعفر من شمر وهي زعلانه على ربعها تقول:

عسى يصبحكم الدامر=يجي الضحى ماانجلى كونه
اللي كسيرٍ مهو جابر=واللي قتيلٍ ينيحونه
وايضاُ شاعر شمري يدعي على واحد من ربعه عشانه مازوجه بنته يقول:

ياعونة الله يابوثامر=ياجعلك العوق ياللوفي
جعل ياخذكم الدامر=ياخذ ضعنكم وانا اشوفي
اما بالنسبه للسؤال اخوي (هوجاس)


كل ال الدامر الأولين ماتو قتل يعني مافيهم احد مات موته طبيعيه(الله يرحمهم)
بالنسبه لفهد اللي قتلوه ناسٍ من قحطان (حنشل) تقريباٌ سنة (1897م) وفي ليل رموه بالبندق وهو على ذلوله وهم مايعرفونه وهو يمشى قدام ربعه وجاوه القحاطين وخذو (جوخته وفتخته وبندقه) وبعد فتره طويله راح واحدٍ من ال وعيل جنوب ولقى له رجال وشاف فتخة الدامر(خاتم الشيخه)
مع الرجال وقام عليه وذبحه وجابها لعواله عبدالله وعبدالرحمن ووراهم اياها وقالوا شوفها بس تراني بحتفض فيها عندي...
هاذا اللي يحضرني الان واتمنى اني قدمت مايجاوب تسأولاتكم
تقبلو تحياتي..

(الظاعني)

تعقيبا على ردك فالدامر لم يقتل بالطريقه اللي انت ذكرتها

لان الدامر اصلا كان غازي ديار قحطان واذا جبت لكك مصدر من منتدانا بتقول محرف ومن الكلام هذا فانا اختصرتها وجبتلك مصدر من روايه احد من شيان العجمان

http://www.alajman.ws/vb/showthread.php?t=15166

اقرا السطر الخامس وراح تعرف انه اصلا غازي ديار قحطان


اما الروايه الصحيحه فهذه راح ارويها لك


غزا الدامر بقبيلة العجمان وكان معه رفقة من الدواسر الربع الخالي واخذو اابل الصيعر ودهم وسارو بها حتى نزلوا بديار يام بالقرب من يدمة وستضافهم ذيب المهان وابن دعروم

واقبلو على يام بهذه الابيات وهي للامير الدامر:

ياما قطعنا دونها من خريمـه = من دونها تتعب اركاب المعايير
وليا ركبنا مانجيـب الهليمـه = لا من ركبنا فوق مثل العياطير
ياما فجعنا من هجوع مقيمـه = ناخذ دبشهم في ليالي المخاضير
وياما فجعناهم صبـاح بثليمـه = وعدونا نركي على كبده الكيـر


وكان المهان وابن هيا ينتظرون الفرصه لغزو قبيلة قحطان ، فحرضوا الدامر على غزو آل سعد الجحادر قحطان وبالتحديد ال شايب
فقرروا غزوهم اليوم التالي برفقة الدامر وقبيلة العجمان والدواسر

وكانوا ال شايب نازلين في "منقع الحمام" وهي ارض مستوية تقع شرق جبال القهرة وشمال جبل واسط.

المهم قرر الدامر بدء الهجوم على ال شايب وقت الظهر بسبب البرد

فنصحه احد كبار اليامية بأن يكون الهجوم "هجاد" او "صباح" بدلا من غزوهم في الظهر.

ولكن الدامر أصر على رأيه وقال: " والله لغزيهم ظهر وضويهم شابة)

وفي ظهر اليوم التالي غزا بعيد المغازي بالعجمان والدواسر ومن لحق بهم من يام على قبيلة ال شايب ال سعد قحطان ....

علمو ال شايب بالغزو وتلافوا وحدثت المعركة بين ال شايب ومن معهم من ال سعد وبين القبائل الغازية وطالت المعركة بين الطرفين

الا ان الفارس الشجاع ذيب بن سعيد ال خميسة ال شايب الملقب "ذيب الرجاجيل" قد حسم المعركة لصالح ال شايب ومن معهم من ال سعد

حيث قام بقتل الشيخ الفارس فهد الدامر امام الجموع وقام بقص اصبعه واخذ الخاتم ( الفتخة) واخذ سيفه ودربيله

فانهزمت العجمان والدواسر ومن لحق بهم من يام بعد مقتل قائدهم الدامر وغيره من الفرسان .

وهرب ابن هيا وهو من قام بتحريض الدامر على غزو ال شايب بعدما قتل اخيه محمد بن هيا ومقتل الكثر من يام والدواسر والعجمان .


وهذه القصيده اللي قيلت

قال الصبي الى على الرجم بادي = يبدع من زين المعاني ندورهــا

الى مهيضني جموع مغيــره = ونمرا إمجرٍه وتعاقب سبورها

هجنا عليهم بالتفق والمارتين = وشلفٍ يبين وقعها في نحورها

ذيب ضرب بعيد المغازي فالنحر = وابن هيا رجله تشضت كسورها
رد مع اقتباس
  #25  
قديم 18-04-2013, 11:41 PM
المؤرخ المؤرخ غير متصل
 
تاريخ التسجيل: Jun 2005
المشاركات: 148
معدل تقييم المستوى: 13
المؤرخ is on a distinguished road
رد: اشهر مغازي ( طويل مغزى ) فهد الدامر ( ابل العقدا ) برواية فهد بن عجيمه

يا القحطاني الشيخ الفارس فهد الدامر غزاكم اكثر من غزو وسموه بعيد مغزى ولاهيب الغزوة اللي انت حاط رابطها اللي ذبح فيها ولكن الشيخ فهد الدامر غزى قحطان وعودوا مناكيف لديرتهم ومنهم من يام الفارس الشيخ ذيب المهان عود مع ربعه صوب ديرتهم وعود الدامر صوب ديرته وكان ذيب بن سعيد آل خميسه القحطاني يلاحق فهد الدامر يبغي منه غره علشان يذبحه وشافه مقيل تحت ظلال اصخرتن كبيره ويقوم ذيب بن سعيد آل خميسه القحطاني ويثور فيه ويذبح الدامر وياخذ فتخته وجوخته وبندقه اذبحه غدر ماهوب في مواجه مثل ما ذكرت ويحلف الشيخ الفارس ذيب المهان الفطيحي اليامي انه ياخذ بثار الدامر ويذبح القحطاني لان الدامر ابن عم المهان ورفيقه في المغازي ويغزي الشيخ ذيب المهان قحطان وذبح في ذاك النهار ذيب بن سعيد آل خميسه القحطاني اللي غدر في الدامر واللي اذبحه اخو رفعه الفارس ناصر بن دعروم آل دبيش آل فطيح واخذ فتخة وجوخة وبندق فهد الدامر من القحطاني ولا هالحين موجودة في نجران محتفظين فيها.
اما كذبكم يا قحطان في منتدياتكم فواجد في ذا القصة وغيرها و اجيبوا قصايد شامية عامية اتلقطونه منا ومنا وتركبونه وتقولون ان حنا ذبحنا فهد الدامر اصلا من كذبكم لو ان ذيب بن سعيد آل خميسه القحطاني ذبح فهد الدامر في مغزى ومواجه كان افتخر بذا الشي بقصيدة ولكن هذا شرف لا يدعيه لا ذيب بن سعيد آل خميسه القحطاني ولا فريس قحطان في ذاك الوقت اما انتم يا التالين تدعون بشي ما سبقكم عليه الاولين من شيبانكم.

 

التوقيع

 

بين الظفيري والمطيري وعساف= ننزل ولو جانا النذر والزحامي
وبيوتنا تنبى في طويلات الاشراف= أيضا ولا يبنى وراها إخيامي
 
 

التعديل الأخير تم بواسطة : المؤرخ بتاريخ 18-04-2013 الساعة 11:45 PM.
رد مع اقتباس
  #26  
قديم 19-04-2013, 01:36 AM
عبيد القحطاني عبيد القحطاني غير متصل
 
تاريخ التسجيل: Apr 2013
المشاركات: 51
معدل تقييم المستوى: 5
عبيد القحطاني is on a distinguished road
رد: اشهر مغازي ( طويل مغزى ) فهد الدامر ( ابل العقدا ) برواية فهد بن عجيمه

اولا ردي لم يتم فيه التقليل في اي شخص ولا في قبيله العجمان وانت شوف ردك استهزاء في

قبيله وكانها ليس لها تاريخ فالعالم تعرف من هي قحطان ولا ردوا لك شور ولا عبروا لك هذا عن اول شي

ثاني شي انا كاتب ردي وادري بجي ناس صاحبه عقول متحجره وبتنفي هذا الشي وبتقعد تجيب روايات

زبده الحكي انا جبتلك القصايد وانتي ماجبت شي وجبتلك روايه شايب من شيبانكم ولو تبي تطابقها مع روايتي

راح تكتشف انها صارت في نفس الوقت وانت قاعد تفتر في محلك وتالف من عندكك وانا ذكرتلك اسباب المعركه

ووين صارت وانت لم تذكر شي عن الغاره اللي فعله الدامر ضد ال شايب قبل مقتله يعني انت ماتبي تصدق وهذا شي راجعلك وحر فيه

بالاخير زوار الموضوع هذا راح يقرون ردي وردك وهم اللي راح يعرفون من اللي فينا اللي يحرف



تحياتي

رد مع اقتباس
  #27  
قديم 19-04-2013, 03:59 AM
المؤرخ المؤرخ غير متصل
 
تاريخ التسجيل: Jun 2005
المشاركات: 148
معدل تقييم المستوى: 13
المؤرخ is on a distinguished road
رد: اشهر مغازي ( طويل مغزى ) فهد الدامر ( ابل العقدا ) برواية فهد بن عجيمه

من فتح الباب بيلقى الجواب وهذا الصحيح ماهوب حكيك اللي انت نسخته من منتديات قحطان وحطيتها لنا

هذا وجه الصحيح ولا على وجه الصحيح غبار @@ حقيقة ويتمعنها اللبيب بكامل شعوره

رد مع اقتباس
  #28  
قديم 27-12-2013, 02:31 PM
عبدالله المري_1 عبدالله المري_1 غير متصل
 
تاريخ التسجيل: Dec 2013
المشاركات: 52
معدل تقييم المستوى: 4
عبدالله المري_1 is on a distinguished road
رد: اشهر مغازي ( طويل مغزى ) فهد الدامر ( ابل العقدا ) برواية فهد بن عجيمه

بيض وجهك يابن عجيمه يوم قالت ان ال عذبه من ال مره كانوا مع العجمان وال عذبه من الماضي اهل الفزاعات والشهامه العقيد ابن نقادان يوم فزع اللطويل من العجمان

رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى

المواضيع المتشابهه
الموضوع كاتب الموضوع المنتدى مشاركات آخر مشاركة
لقاء خاص مع راوية التاريخ فهد بن عجيمة مجالس العجمان مجلس اللقاءات والانجازات 75 02-10-2010 12:29 PM

 


الوقت في المنتدى حسب توقيت جرينتش +3 الساعة الآن 06:11 PM .


مجالس العجمان الرسمي

تصميم شركة سبيس زوون للأستضافة و التصميم و حلول الويب و دعم المواقع