مجالس العجمان الرسمي

العودة   مجالس العجمان الرسمي > ~*¤ô ws ô¤*~المجالس التاريخية~*¤ô ws ô¤*~ > مجلس أمراء وفرســــان قبيلة العجمـــــان

مجلس أمراء وفرســــان قبيلة العجمـــــان يعرض سير أمراء و فرسان قبيلة العجمـــان ومآثرهم

رد
 
أدوات الموضوع طرق مشاهدة الموضوع
  #1  
قديم 18-07-2005, 06:06 AM
ابومحمد الشامري ابومحمد الشامري غير متصل
ابوحمد الشامري ( سابقا )
 
تاريخ التسجيل: Dec 2004
الدولة: شـبـكـة مـجـالـس العجمـــــان
المشاركات: 19,136
معدل تقييم المستوى: 10
ابومحمد الشامري قام بتعطيل التقييم
اشهر مغازي ( طويل مغزى ) فهد الدامر ( ابل العقدا ) برواية فهد بن عجيمه



عندما سألنا راوية التاريخ فهد بن عجيمه عن اشهر مغازي الدامر اجاب وقال:



س: ماهي اشهر مغازي طويل المغازي ؟

ج: أشهر المغازي اسمها ( إبل العقدا ) كانوا العجمان على العيينة ، ونوى علي بن حسن بن حشه بالمغزى وهو عقيد من ال سليمان من ال عصيدان ، ويوم مشى بالغزو مشى معه ابن نقادان من ال مره ويمشي معه خالد بن فيصل بن حثلين اب ضيدان راعي العيينه ، ويركب معه علي العزب اب عبدالله العزب وجد مقدم البادية في الكويت حمد العزب، ويوم خذالهم يوم ويلحقهم فهد الدامر ومعه اهل ست ركايب من ضمنهم راجح الشقاوي من الشرافا دوسري عاني للعجمان وهو مع العجمان من يوم خلق ، وانا لحقت على راجح الشقاوي وكان يسولف على عبدالله الدامر ويقول: حنا لحقناهم وحنا حول ست ركايب ويوم وصلناهم الا هم عربٍ تمشي الارض معهم ! ، والعرب مدري وش هم قايلين ويقول ابن حشه يا فهد وش حنا قايلين ثم يقول فهد الدامر: أنا أبعطيكم شور ان وافقتوا عليه فأبرك وأن ما وفقتوا عليه فبصركم، أما انا يا الدامر معي ست ركايب اللي جاي أنا وياهم أخاشرهم في المغزى ، أما أنت يا ابن حثلين فمن كان موجود من ال معيض يتبعك ، وأما أنت يا العزب فمن كان من ال محفوظ حاضر يتبعك ، وأما انت يا ابن نقادان فمن كان من ال مره موجود يتبعك ، وأما القوم الباقين يتبعون علي بن حشه لانه هو من ثور بالمغزى وهو راعي المغزى ، فقالوا: إهدى ، ويحولهم فهد الدامر وهو دليلتهم على جو والعرب في الصفري فيه سبع إعدود واهلها عليه في الديار الشماليه ، وياخذونهم ولا إهنا إبل مغاتير ما قضبت لهم تحتها رجال وبنته ، ويقول فهد الدامر : يا هادي بن قذلان إلحق الابل معي وهادي بن قذلان من ال خويطر رجال طيب وشجاع، والابل راحت قال هادي: مانيب لاحق الابل الا كانك بتخشرني فيها فقال فهد : انت خشير والدامر خشير والدامر اب فهد كان على العيينه.
قال هادي : الدامرمانيب جافل من خشرته ، ويلحقون الابل ويردونها ويوم ردوا الابل الا هي خمسه وسبعين وضحا وياخذ ابن قذلان خمسه وعشرين وياخذ فهد الدامر خمسين، خمسه وعشرين له وخمسه وعشرين لابيه، ويقول راجح الشقاوي: يوم لحقنا فهد الدامر فقال يا خوياي: الابل الصفر والشعل اللي عندكم الله عطاكم إياها ما عادني بخالط مع المغاتير شيء ، والعقدا الباقين كلٍ عقيد خشر قوم ، والقوم الباقين تبع ابن حشه ، لان علي بن حسن بن حشه هو راعي المغزى وهذي من سلوم العقدا ، ان اللي يثور بالمغزى هو العقيد وراعي المغزا.
ومن مغازي فهد الدامر سنة من سنين وهم في المثامن من فوق جراره نوى بالمغزى وركبوا معه عرب واجد ولا علمهم وينهوا رايح ، وعقب يحول على الحساء ، وانفسخوا القوم اللي كانوا معهم ، وكانوا في وقت ربيع وفقعان ولا بقى معه الا 12 رجال من ضمنهم دوسري يقاله إدويش كان يحكي على الشيبان وانا لحقت عليه قده شويب خالص ، ويوم راحوا قالوا يا الربع في بير إن عيّناها فحنا جبنا الابل وان ما عيناها فرجوعنا مشكله ، ويروحون لين الله هقاه البير مدفونه إلها في عرق وقالوا احفروا ان كانكم عيّنتم الماء إن جيتوا جبتم الابل ومن عاينتوا الماء هلكتم ، ويحفرون يومهم كله الين الفجر ويرزقهم الله بلطخة ماء ، ويصبون على ذاك الجاعد تبرد ويصبون فيها ويشربون منها ، ويغزي الدامر ويطويها ويزينها ويشرب منها ، هذا يوم مغزى الظفره ، ويوم وصلوا العرب فياخذونهم ، وهو الله يرحمه كان يعقل على العرب لا خذ العرب عطاهم منايح وشداد ، وهذا مغزى ابل الظفره جنوب صوب عمان ويجيبون الابل من الظفره وهذا مغزى فهد بن محمد بن دغمان ، وهو رجل حط الله فيه ذكاء مع طيبه ومعرفته في الدلاله ، الارض اللي ياتيها ما يستنكرها ولا عيّن له رجال يوصف له الارض كأنه ساير فيها سبحان الله العظيم ، حتى انه لا حوّل له في أرض عرف ويشهي ودرى بالارض اللي هو فيها من تربتها.

 

التوقيع

 


تِدفا على جال ضوه بارد إعظامي=والما يسوق بمعاليقي ويرويها
إلى صفا لك زمانك عِل يا ظامي=اشرب قبل لا يحوس الطين صافيها
 
 

التعديل الأخير تم بواسطة : ابومحمد الشامري بتاريخ 25-07-2005 الساعة 06:45 PM.
رد مع اقتباس
  #2  
قديم 18-07-2005, 09:13 AM
الصورة الرمزية راكان اليامي
راكان اليامي راكان اليامي غير متصل
إداري مؤسس
 
تاريخ التسجيل: Jan 2005
المشاركات: 9,543
معدل تقييم المستوى: 22
راكان اليامي is on a distinguished road

لاهنت يابو حمد ومليون نعم في الدامر

 

التوقيع

 

مادمت بين العذارى صرت معشوقي=ارحب علي الحرام انها من اعماقي
 
 
رد مع اقتباس
  #3  
قديم 18-07-2005, 12:13 PM
ابومحمد الشامري ابومحمد الشامري غير متصل
ابوحمد الشامري ( سابقا )
 
تاريخ التسجيل: Dec 2004
الدولة: شـبـكـة مـجـالـس العجمـــــان
المشاركات: 19,136
معدل تقييم المستوى: 10
ابومحمد الشامري قام بتعطيل التقييم

مرحبا الف يا ابو سالم لا هنت على التعقيب والكلام الطيب ما قصرت يا السنافي

رد مع اقتباس
  #4  
قديم 24-07-2005, 09:08 AM
فهد ال هادي فهد ال هادي غير متصل
 
تاريخ التسجيل: Apr 2005
المشاركات: 503
معدل تقييم المستوى: 13
فهد ال هادي is on a distinguished road

تسلم يا ابو حمد وبيض الله وجهك يا القرم ونعم في الدامر

رد مع اقتباس
  #5  
قديم 24-07-2005, 09:10 AM
منصور الصالحي منصور الصالحي غير متصل
 
تاريخ التسجيل: Apr 2005
المشاركات: 289
معدل تقييم المستوى: 13
منصور الصالحي is on a distinguished road

ونعم في بعيد مغزى الدامر ولا هنت يا ابو حمد على العلوم الجزله

تحياتي

رد مع اقتباس
  #6  
قديم 25-07-2005, 06:40 PM
الصورة الرمزية الوافـي
الوافـي الوافـي غير متصل
 
تاريخ التسجيل: Apr 2005
الدولة: المملكه العربيه السعوديه
المشاركات: 2,251
معدل تقييم المستوى: 15
الوافـي is on a distinguished road

لا هنت يا ابوحمد و بيض الله وجهك على هذا الموضوع .

رد مع اقتباس
  #7  
قديم 04-08-2005, 12:48 AM
ابومحمد الشامري ابومحمد الشامري غير متصل
ابوحمد الشامري ( سابقا )
 
تاريخ التسجيل: Dec 2004
الدولة: شـبـكـة مـجـالـس العجمـــــان
المشاركات: 19,136
معدل تقييم المستوى: 10
ابومحمد الشامري قام بتعطيل التقييم

مرحبا الف بالاخ العزيز فهد لا هنت على التعقيب والكلام الطيب ما قصرت يا السنافي

رد مع اقتباس
  #8  
قديم 04-08-2005, 12:49 AM
ابومحمد الشامري ابومحمد الشامري غير متصل
ابوحمد الشامري ( سابقا )
 
تاريخ التسجيل: Dec 2004
الدولة: شـبـكـة مـجـالـس العجمـــــان
المشاركات: 19,136
معدل تقييم المستوى: 10
ابومحمد الشامري قام بتعطيل التقييم

مرحبا الف بالاخ العزيز منصور الصالحي لا هنت على التعقيب والكلام الطيب ما قصرت يا السنافي

رد مع اقتباس
  #9  
قديم 04-08-2005, 12:49 AM
ابومحمد الشامري ابومحمد الشامري غير متصل
ابوحمد الشامري ( سابقا )
 
تاريخ التسجيل: Dec 2004
الدولة: شـبـكـة مـجـالـس العجمـــــان
المشاركات: 19,136
معدل تقييم المستوى: 10
ابومحمد الشامري قام بتعطيل التقييم

مرحبا الف بالاخ العزيزالضاعني لا هنت على التعقيب والكلام الطيب ما قصرت يا السنافي

رد مع اقتباس
  #10  
قديم 04-08-2005, 01:21 AM
الصورة الرمزية monamora
monamora monamora غير متصل
إداري مؤسس
 
تاريخ التسجيل: Jan 2005
المشاركات: 2,107
معدل تقييم المستوى: 15
monamora is on a distinguished road

الله يعطيك العافيه يا بوحمد

رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى

المواضيع المتشابهه
الموضوع كاتب الموضوع المنتدى مشاركات آخر مشاركة
لقاء خاص مع راوية التاريخ فهد بن عجيمة مجالس العجمان مجلس اللقاءات والانجازات 75 02-10-2010 12:29 PM

 


الوقت في المنتدى حسب توقيت جرينتش +3 الساعة الآن 01:01 PM .


مجالس العجمان الرسمي

تصميم شركة سبيس زوون للأستضافة و التصميم و حلول الويب و دعم المواقع