مجالس العجمان الرسمي


مجلس تاريخ قبائل يـام الــعـريـضـة يعنى هذا المجلس بأنساب وبطولات فرسان وأمراء قبائل يام الـعـريـضـة

رد
 
أدوات الموضوع طرق مشاهدة الموضوع
  #41  
قديم 06-11-2011, 02:44 AM
علي505 علي505 غير متصل
 
تاريخ التسجيل: Jul 2010
المشاركات: 4
معدل تقييم المستوى: 0
علي505 is on a distinguished road
رد: يال عرجا عطونا علمكم يوم ذبحتو شيخ ال عاطف قحطان

اقتباس:
المشاركة الأصلية كتبت بواسطة عـســاف مشاهدة المشاركة
سلام عليكم

ياعلي ياخوي ابي اعرف ليه تشتت الموضوع دخلت في هيه ووراها هيه ودخلة ببحثلين وبن هادي وقبلها حطيت العرب اسماعلين

تدري ان التشتت هذا يضيع الموضوع او الهيه خاصه
تدري انه حجة الضعيف الي مايقدر يثبت الهيه هل هي له او عليه
لاكن احمد الله ان ربعي كل مايكنبون موضوع يثبتونه بوثيقه او بقصيده تثبت الهيه او غزوه
لاكن انصحك تفتر في التاريخ العجمان في نفس المنتدي بتلقا الوثائق موجوده
علي اغلبية المواضيع .
ياخوي ياعساف انا ماشتت الموضوع انتو تستشهدون بقصيدة شاعركم فقط الي تكررونها كل مره وانا اثبت وقايع ال عاطف باكثر من قصيده مذكورة في موضوعي الاصلي وقايع حقيقيه معروفه لاكن انتو مثل البعير الي مايشوف عوجة رقبته
ثانيا المذاهب ماتطرقت لها .شرحت معنى البيت الي يقول شفت الكفر في عرقة السر طيحان فقط
ثالثا انتو بديتو بخطى تهايطون في النت عطونا ذبحت شيخ ال عاطف وعطونا وعطونا كان من المفروض الي بيسال يسال في مجلس خاص ماهو يهايط يعني اني
وبعدين خواله عمامه فاكينه علينا يهايط قله وينهو يوم صبحوهم ال عاطف في الحصي ولا ناسين منهي له قبل ال عاطف يوم يقول محمد بن جروان العلياني

حنا بلدنا السابقة غـرب القهـر ... منها الخوايس والحجـر وذمـار.

ثم انحدرنـا فـوق كل شمـره ...يقصم عضود عنانهـا محشـار.

خيلٍ عليها ركب كـل مجـرب ... كـل ابلـج قحطانـي مـغـوار.

وهجناُ تحس أحبالها مـن قفلهـا...وشجعان فوق محطمـة لاكـوار.

ثم انتحـوا مـن ديـرة ملوهـا ...يبغـون نجـد واسـع الفقار.

تحدروا تطحـن رحاهـم حبهـا ...بسيوف هنـد تقصـف العمـار.

كنهم مـزون مـردف ربابهـا ...اوسيل يجور يركـب الجـوار.

ثم حولوا يـم الدويـش بديرتـه... جنوب صبحـاء يمـة الزبـار.

خيال مهاوية الجمل ذي عزوتـه ...يوم أغتشاء روؤس الهضاب قتار.

جيناه جهر ليـن اخذنـا حلتـه ...ثم جندلـوا وطبـان بالمصـدار.

سقناه لين حنيضل جـاء دونـه ...واللي سمع فينـا وراهـم نـار.

ثم التفتنا صوب يام بالحصي ... ومنها حدينا يام بالاجبار.

ثـم التقينـا بالزحـول عتيبـه ...حرار قطع مـن فـروخ حـرار.

معهم سنين والقنا يقـرع القنـاء... شجعـان لكـن وقتهـم منهـار.


سقنا حليمه ليـن جـاوا الحـره... اللي على لطم الحفيـف جسـار.


من نجـد عديناهـم ولاياتونـه ...إلا بعـد جـاه وسـوق مهـار.


ولا هم الهيلا مدابيـس الوغـاء ...وأفعالهم غنـت بهـاالاطيـار.


واليوم يعرف حدهم مـن حدنـا...ومـن بيننـا مامونـه لاسفـار.


ياويل من بنحورنا مـن ضدنـا... لما قـدح خشـم الزنـاد شـرار.


جحـادر وهـواجـر وعبـيـده...حصون حرب عاليـت لاسـوار.


وضياغيم مثل الاسـود الكسـر ...ياويل مـن هـم يطلبونـه ثـار.


وحبـاب لـرد البـرا حربـيـه ...سيفـاُ صقيـل ساطـي بـتـار.


هم درعنـا مـن يمـه الياميـه...ضلعان شمـخ راسيـت لجـدار.


حنـا قحاطيـن لنـا موقفـنـا ...عند الخوي والجـاروالخطـار.


لاقول حن فـوق القبائـل كلهـم...كـلاُ بــدوره والفـلـك دوار.


كلاُ علـى حقـه ودون العانـي ...والخلق فيمـا يملكـون أحـرار.

انا ماهضمت حق احد ولكن لاحد يهضم حقنا بالمهايط على النت وهو لو انه حاضر الهيه عودت عشره ثمان
رد مع اقتباس
  #42  
قديم 06-11-2011, 05:06 AM
عرجاني وافتخر عرجاني وافتخر غير متصل
 
تاريخ التسجيل: Feb 2011
المشاركات: 4,417
معدل تقييم المستوى: 11
عرجاني وافتخر is on a distinguished road
رد: يال عرجا عطونا علمكم يوم ذبحتو شيخ ال عاطف قحطان

^
^

القصيدة حشو وكلام فاضي ولاتخلو من الهيــــاط الـــزائد
تطرق فيها الشاعر إلى نجد والدويش ومن ثم لقبيلة يام وعتيبه دون إثبات أو نفي معركة مخيبيه ومقتل شيوخ آل عاطف على أيدي أبناء قبيلة آل العرجاء وهذا هو محور حديثنا ..!!
وهذا دليل واضح على تخبط الناقل للقصيده وإعتماده على النسخ واللزق
ليعلم الجميع أن النسخ واللزق آفة هذا العصر ويجب علينا جميعا التصدي لذلك
على طاري نجد ذكرتني بالشيخ تركي بن حميد الله يرحمه

سبحانك اللهم وبحمدك استغفرك واتوب إليك
رد مع اقتباس
  #43  
قديم 06-11-2011, 10:36 AM
خوالي عمامي خوالي عمامي غير متصل
 
تاريخ التسجيل: Jan 2006
المشاركات: 133
معدل تقييم المستوى: 12
خوالي عمامي is on a distinguished road
رد: يال عرجا عطونا علمكم يوم ذبحتو شيخ ال عاطف قحطان

اقتباس:
المشاركة الأصلية كتبت بواسطة علي505 مشاهدة المشاركة
خواله عمامه
انت تطامر الحمض الله يصلحك. القصص الي انا ذكرتهامعروفه ولايجحدها الا ظالم وانشد شيبانك ويعلمونك مانجحد فعل ال العرجاء ولكن ذبحتهم للشيخ بن سعيدان سواد عليهم ليوم القيامه واعلم ان الى ذبحه بزيه ولد اخته سود الله وجهه في خاله وش فيك تصد منها يعمامه خواله وهيه حريه من يجحدها وان كان ماتسمع بها اسال عنها وعن هيه قنافذ هو رجع منهم احد والا لا ومع ذلك ال العرجاء نشهد لهم بالشجاعه وكل فيه حق يايامي
اما التحريف الي تقوله في قصيده ابن حثلين فلا اعرف شي عن التحريف ولاكن كل يعرف قصايد ابن هادي وابن حثلين وهم شيوخ كفو مايحتاجون منا شهاده وابن هادي مايحتاج يحرف له قصايد ولا ونع ابن حثلين من الهواجر لين حول بن هادي وكل خابر فلا داعي تكبرها بالرقع
وانا ماحب المهاترات على النت ولكن جبرتني على ذلك ويام فيها حقها مانظلم الاجواد

!

أجل تقول ما تحب المهاترات!

ما قريت لك رد وافي حتى الآن

الأوله قمت تعطي غزيلات وتبهت المسلمين وكشفنا سردك هداك الله وجبنا تاريخ المعركة
والثانية تجيب قصايد لمعارك وهمية .. وتقول بليه وجحران ال العرجا!

شوف بختصرها لك ترى مخيبية ما لحق ال عاطف إلا ( خبرة) من ال مرهم وملوا الشعب خيلا وصبيان !
يعني ما يحمل يجمعون ال العرجا لآل عاطف ولا غيرهم من دون قصور بالأجواد

ما تسمع المذحن وش يقول

ها ثم تبشربا بالخبر صوب حرقان=اللي على الفرقا يسوق البشاير
قله(الخبره) اللي فرعوا علمهم بان=علم(ن )يعلم به معا كل ساير
يوم بجال مخيبيه ثار دخا ن =لعيون خلفات(ن) عليها ضهاير
كله لعينا ناصر ذيب الاقران =انا جعنا عند ذوده عثاير

يعني ما غير خبرة رجاجيل من ال مرهم ولاهم كل ال مرهم بعد!
حديتنا نقولها

وبعدين تقول ابن حثلين ونع من بني هاجر علشان محمد بن هادي الله يصلحك!
شكلك متأثر بخماريط منتديات قحطان

اللي يقول لإبن هادي
أقبل وحنا نسويلك كرامة .... شلفن على شهبن سريعات الأولام
يحرم عليك النوط فكة بلامه...ما دام فيها واحدن من ضنا يام !

اللي ونع اللي هون عقب ذا الرد ودحر ابليس

.

ونا ملينا الشعب خيلأ وصبيان=وعيرات النضا مايلات الحصاير
رد مع اقتباس
  #44  
قديم 28-12-2011, 01:03 AM
فاهم فاهم غير متصل
 
تاريخ التسجيل: Dec 2011
المشاركات: 1
معدل تقييم المستوى: 0
فاهم is on a distinguished road
رد: يال عرجا عطونا علمكم يوم ذبحتو شيخ ال عاطف قحطان

السلام عليكم ورحمة الله وبركاته

مساكم الله بالخير ياللي تبون الخير واللي يبي الشر جعله يواجهه

جلست لي مع شايب يامي كفو وفيه خير وعارف المهم نسولف في العلوم الطيبه اللي دارت بين يام
وقحطان وعلوم النسب والعنوه والجيره ومزارق الطيب وبحثت في النت لعلي اجد شي منها عشان انشد
هذا الشايب منها ولقيت هذا الموضوع وقريته للشايب وقال ياولدي الموضوع هذا كل كتابه اللي يكتبون فيه
منبشة جحره وثعاله ولافيهم خير واذا جاء يوم الصدق والعزاوي جعله مايجينا جميع عودت عشرهم ماهيب ثمان
عودت ولاشي اللي تعود عشره ثمان بعد اشلاء شوي

اللي انا اشوفه ومتأكد منه ان كل اللي كتبو هنا اطلق واحد فيهم سواء قحطاني أو يامي أو اللي هو انه فاضي
وإن معرفته في المكياج وحوايج النسوان أكبر من معرفته لعدود القبايل وعلوم شيبان ماتوصلون مواصيلهم
ياميهم وقحطانيهم

أركدو وانا اخوكم وأذكرو لنا شي نفتخر فيه جميعاً اختراع والا علم والا خدمة دين وأتركو شي ماتقدرونه ولاتستطيعونه

والشرهة والله على ادارة المنتدى اللي تسمح بتفاهات الأمور

رد مع اقتباس
  #45  
قديم 04-02-2016, 07:55 AM
ذيب الروقي ذيب الروقي غير متصل
 
تاريخ التسجيل: Dec 2010
المشاركات: 41
معدل تقييم المستوى: 0
ذيب الروقي is on a distinguished road
رد: يال عرجا عطونا علمكم يوم ذبحتو شيخ ال عاطف قحطان

بالله عنوان الموضوع كاتبه رجال ؟ والا مره في فراشها ؟

لكن ماتنلامون هذا مجد لكم حتى بخسارتكم لاانكم قتلتم فارس وشيخ بحجم بن سعيدان المعروف بـ ( ابا الذموم ) مايعطي الحق طلابه .
وفخر لكم خسارتكم قدام ال عاطف مابعد حد تجرا على القوات العثمانيه في الحجاز الا صبيان ال عاطف ( صاملين الهــدات )
لكن الكذب الي ماينبلع في قصتك الخنفشاريه تقول:
تقابلوا شوي من ال عرجا مع ال عاطف كلهم
بعدين تقول تقابلوا شوي من ال عرجا مع قحطان كلهم الا احسن قل تقابلوا مع حلف النيتو هههه.
عشان مانخذ وقت ولاني فاضي لمجادلتك ياراع العنوان و لا الي تحته ذكر القصه الخنفشاريه هذي معركة ( سر المدبغ وانتصروا قلة من ال عاطف عليكم ل) هذا الصحيح ان بغيته ولاهو بلازم
اما مقتل بن سعيدان فمار راح هباء والكل يعرف وحتى لو ماتعرف من الله كذ الناس تعرف اي قتيل من قحطان مستحيل يروح دمه الابثار واليك الوقعه التاليه :
اطير علمني بملحاق العاطفي ال عاطف = علم الحياء والكاينات جياد
راعي آركٍ جاهم على زلافه = راعي آركٍ في شوره السداد
يوم شار شايرهم وشار أمشيرهم = وما منهم اللي شار بالعوّاد
يتلون هذّاب السرايا مجرّب = هذال حامي وانيات اسناد
ويتلون حزام قوّاد نمرى = دايم على راس الحفيف يذاد
ويتلون عاطف سعد الابل = ليا من ارزمت تبغى المقاد
نشد عليهم نايف ٍ من ذاهبه = وغدالهم في ذكرهم نفاد
طق ابن سجوى يوم سمع اعزاهم = ولابد صيّاد الفهود يصاد
كله لعينا ملهيٍ ومسفر = وجرمان اللي طاح في الميراد
وكله لعينا أهل مخيبيه = اللي مفرشٍ وملحفٍ بوساد
وكله لعينا جادل ٍ طاح سترها = وتقول تكفون يا الاجواد
برى الصدى من كبد كل مجرّب = والكبد طابت واشرعت للزاد
## [ هذال ] هو الشيخ الفارس هذال بن مسفر بن هادي بن سعيدان شيخ آل عاطف في زمنه.
## [ حزام ] هو الشيخ الفارس حزام بن مسفر بن هادي بن سعيدان .
## [ عاطف ] هو العقيدالفارس عاطف بن مبارك بن سعيّد .
## [ نايف ] هوالشيخ الفارس نايف بن مناحي بن جرمان بن عويضه بن سعيدان .
## [ ابن سجوى ] الشيخ الفارس محمد بن سجوى شيخ آل العرجاء يام .
## [ كله لعينا ملهي ٍ ومسفر **** وجرمان اللي طاح في الميراد ] المقصود إن جميع القتلى من قبيلة يام في معركة " سر المدبغ " هم ثار للشيخ الفارس مسفر بن هادي بن سعيدان وولده الشيخ الفارس ملهي بن مسفر بن هادي بن سعيدان والشيخ الفارس جرمان بن هذال بن جرمان بن عويضه بن سعيدان الملقب بـ [ صلف ] وقد قتلواالثلاثه في معركة " مخيبيه " بين آل عاطف و و يام سنة 1328هـ
والشيخ الفارس مسفر بن هادي بن سعيدان يقول فيه الشاعر:
ليا سندت لاخوان دقله قزا الخيال = على الرآية العليا مقاييد سلفاني
[ اخوان دقله ] هي عزوة الشيخ مسفر بن هادي بن سعيدان وأبنائه.
ومن أحدياته قبل إحدى المواجهات بين آل عاطف ويام مهدداً بأخذ ثار الشيخ الفارس ناصر بن مجدل بن سفران شيخ الخنافر الذي قتل من قبيلة يام يقول الشيخ مسفر بن هادي بن سعيدان :
يحرم عليهم منزل ٍ بفروان = لو كان منا شايب ٍ قد مات
والله إن أعديهم ورى الحدان = من فوق خيل ٍ ما دغلها افلات
[ فروان ] جهة الصوق وهو حد قحطان مع يام.
[ شايب ] هو الشيخ الفارس ناصر بن مجدل بن سفران شيخ الخنافر قتل في معركة " هضان " بين آل عاطف والخنافر ضد قبيلة يام.
وهذه الابيات قالها الشاعر والفارس ابن حبشه آل فهاد يام بعد إحدى المغازي بين آل عاطف على قبائل آل فهاد يام وقام الشيخ الفارس مسفر بن هادي بن سعيدان وكسب من آل فهاد أبل واجد منها أبل الشاعر والفارس ابن حبشه آل فهاد يام يقول ابن حبشه آل فهاد يام :
يســـــقي تقورا مدلهم رزينــي = منه الشفاء وسدير ويسيل فروان
حيثه مربّ لكل عشوا ســميني = عز الله انها ذمكم ياآل .......
اللي خذاها الشيخ ذرب اليميني = عيا عليها غصب ترثة سـعيدان


وبالمختصر :
مع احترامي لمحلف والله ان تبطي بكبرها توقف نـد للجحادر لوحدها والا عبيده لوحدها والا الحباب وفعولنا معروفه
وين انتوا يال عرجاء والعجمان من نجد يوم جاتها الجحادر ؟

وهذي ابيات / بن جروان العلياني القحطاني

والفتنا صوب يام بــ الحصي ****** ومنها حدينــا يــام بالاجبــــــار

ولانتوا بالحالكم قد حدينا قبلكم قبايل

ثانيــا : وين شيخكم بن حثلين مايترجم وعيده للهواجر بفعل ؟
يقول :
ان كان تبغا سابقك والسلامه *** فلاتحول بالجحـــادر علي يام
ثم اهدى خيوله وطلب الصلح

الكلام يكثر لكن عشان كاتب الموضوع يعرف حده عن عزوة مظيم مانتوا باطلق من شيخكم وزيزوم يام كلها راكان بن حثلين الي اهدى خيلين لابن هادي يطلب رضاه ويرجع بالجحادر الى نجد بعد ان وصلوا الاحساء

اهديت لك نور السلف والجهامه *** باغيك ذخر في مقاديم الايام .
هذا تاريخ الجحـــادر دوله لحالها في نجــد قبل نزول عبيــده ..وعبيده دوله فعلهم من سد مارب لي نجد لي شط العراق ..ومنها عبده شمره ..وحكامها ال رشيد ..

اما اذا تبي تعرف اكثر عنا قحطان فخذ :

هذا رد دولة الشريف على (سلطان نجد) ابن قرمله :

جانا جواب معرب الجد معـروج = ومعوسـر لكـن حـنـا فهمـنـاه
من عند من ياخذ على نجد مخـروج = ياخذ على من حل في نجد الشـاة
محمد اللي له حوالات ورموج = بعيد بعزم رايه وبارياه
وهذا دليل كبير على ان ابن قرمله كان يحكم نجد وياخذ الاتاوه على القبائل .

وله مراسله مع الامير عبيد الرشيد الذي قال هذا البيت :

جانا جوابك يالشجاع ابن هادي = تقول لي بكـروش عنـدي مثانـي

هذا اعلاه جـــواب حكــــــــام تدعمهم دول لحكــــــــــــام تذعن لهم القبايل

رد مع اقتباس
  #46  
قديم 04-02-2016, 09:34 AM
ذيب الروقي ذيب الروقي غير متصل
 
تاريخ التسجيل: Dec 2010
المشاركات: 41
معدل تقييم المستوى: 0
ذيب الروقي is on a distinguished road
رد: يال عرجا عطونا علمكم يوم ذبحتو شيخ ال عاطف قحطان

عرجاني يحبيبي من حر ماتونس من قحطان جبت عتيبه وهي ماهي فالموضوع لكن ماناحانا يبشر بلطمه ..
بيسدك اللي فوق بخصوص اهداء بن حثلين لابن هادي خيول وبخصوص طردتكم من نجد والا خذ معه التالي :
اول شي احب اذكرك ان منازلنا في نجد من القويعيه الى الحصاه جنوب الى الدوادمي شمال الى الى وادي لبن وبنبان الرياض هذي ديارنا وحن حكام نجد الصيرميه الي الانس والجن تخضع لها ولو لا الله ثم اخوان نوره وحكمهم كان مدري فيه قبايل فالمملكه والا مافيه
البدايه يقول بن هادي بعد ان حاول بن حميد التمرد على حكمه بدون دفع جزيه :
ياتركي بن حميد وان كنت صادق = فارجع بقومك لاتولـي دبورهـا
فإن كان يابن حميد ماطعت ناصح = فترا الوعد لا من ركبنا ظهورها
بني مظيم وان تولـوك ساعـه = يشدي ليوم الحشر نفخات صورها

وفعلا بدأ التاديب .
ماسمع الكلام تركي بن حميد حتى وصل به الامر الى ان يصيح فالقبايل :

الله ان ترحم اللي وحدوبه جنوده ******** احدن صلح واحدن حدر على السيف

نزلت يم الهضب بأوسط نفوده ******** وأصيح (للغلبا) بروس المشاريف

الى ان قال :
يوم الحويه ما امنتكم عهوده ***** امسى وصبحكم جموع مراديف .

هذا دليل ان ابن هادي يغزو الحجاز والشرقيه لتاديب من خرج عن حكمه ..
ابك حنا عزوة مظيم يامال السيل لو بوك وجدك احياء كان لفجوك بمخمس

وبعد ماتكرر صياح تركي بن حميد بالقبايل زاد صاح في هذي الابيات :

اربع سنـين ودمع عيني اماريس ************** اساهر الليـل وكن فيها هزومي
ازهم الي يطلبــون النواميــــــس ************** منا الادنين واقصـــى اللحومي

ماسده صياحه في سبيع في وقت من الاوقات حدته بقعا يصيح في كل القبايل ( منا الادنين واقصى اللحومي )
في مطير وسبيع والبقوم وحرب والشلاوى ودولة الاشراف الي هزمتهم قحطان في معركة تين .
ازيد غبنك والا اهدي ..


ويقول الشريف بعد غزو ابن قرمله للحجــاز بالجحادر وعبيده والهواجر على جيشه ومن معه من قبائل الحجاز تتقدمهم عتيبه :

الله لايسقـي نهـار علـى تيـن = يوم خذينا يـا بديـع بهـا اقطـاع

يوم التقينا مع خيل القحاطين = كلنا لهم بالمد واوفوا لنا الصاع

الى ان قال :
ياليت حنا ماحربنا القحاطين = ياما وطوا فينا على صحصح القاع


طهيف الدوسري في رده على عتيبه :
ولاخضعنا للجحــادر تسعيـن عــام *** يوم العتيبي داوم عيارها كلها

ويقول طالع بن صايل الحربي شاعر حرب رحمه الله في رده على احد شعراء عتيبه :
وان كان تذكر خضعنا للسلاطين **** فانتم خضعتم لامير اقحطــانا
تسعين عام تحت حكمهم مستذلين **** غير الطيب ينكسبك حســانا


يسدك ياالعرجاني المتيم والا ازيد ؟؟؟


يقول ابن حميد يستضعف امام ابن هادي لانه عرف حجم قوه الجحادر(ماقلت قحطان والا لو كانت قحطان كامله في نجد ماجا ذكر لعتيبه لو معها 60 عتيبه ويام)
شيخ نشا بالطيب من روس قحطان ****** عاداتهم فاللقا فك النشب والعواني
مطلوبكم ياشيخ بـــه زود حقــــران ****** والــــذل مايرضابــه عريب المجاني
لو ان مطلوبكم ياشيخ مثل ماكان ****** خفت مدرايـــــجه علينا وهـــــاني
ويقول تركي بن حميد :
ملفاك شيخ بالقسا يذبـح الكـوم = شيـخ وشيخـان القبايـل تدلـه
تلقى محمد زبن من جاه مظيـوم = زبن الذليل اللـي مخيـف محلـه
شيخ على الشيخان له حق ورسوم = تخاف من غيضه وتمشي رضاً له
جانا من الشايب مكاتيب وعلـوم = حي الكتاب اللي لفى حشمـة لـه


ركز على البيت الثالث (شيخ على الشيخان له حق ورسوم = تخاف من غيضه وتمشي رضاً له)

منصاك ابن هادي ريف هشالة الخلا = ريف الهجافا في ليالـي عسورهـا
في مجلسه تلقـا علـوم طرايـف = وحيلٍ تطاهـا كـل يـوم قدورهـا

يقول احد شعراء عتيبه :
نجــد(ن) عليه من الطنا سور ***** عليه من اسباع الجحـــااادر مهـــابه

يقول ضويحي الفهر عبيده :
جـــحــــااادر ليا فزت على ظهور الخيل *** عدوها يشوف الموت قبل اندفاعه

( طبعا ولاعليهم زود بني عمنا عبيده سقم العدا لو ما تولت بعض القبايل العتيه ماحكمنا نجد , واول نزولهم في قرارة نجد كان لطم الشيابين والدعاجين وذبح امير الشيابين مصلح ابن فهيد الشيباني وذبح اشجع فرسان عتيبه شليــويــح العطــاوي على يد الفارس زيــد بن شفلـــوت واسترداد الفويلق وجو والسيباني والبديع والهياثم والجافوره بعد مغادرة القوات العثمانيه وبعد نزول الجحادر قبل نزول عبيده واسترداد زعامتها )


يقول سلطان نجد ومسواطه ابن هادي وذلك قبل وفاته بسنتين :
نجــد (ن) خذيـتـه بالشلف والدفافيق ***** وخيلن تعاقــب مثل طابورر رومـي


ويقول قبل وفاة ابن حميد وفي مجلس الامام وابن حميد وبن حثلين من ظمن الحظور مجلس الذين حرضوا الامام لحرب قحطان والتي باءت بالفشل ( لان قحطان هي التي اسست ودعمت دوله بن سعود ودعوة الشيخ محمد بن عبدالوهاب )

شـــد العتيبي من ورا كشب خايف **** ولايحدر كود يبرا له القود
لي لابتن ماجمعت بالحلايــف ****** من نسل قحطان وتعزا على هود

ويقول في تحدي الامام والقبائل التي معه بما فيهم العجمان وعتيبه الذين كانوا اول المطبلين لحرب قحطان :

ما نشتحــن من حرب كل الطوايف *** وربعي تطاوعني على الهون والكود

الى ان قال :
لي لابتن تروي حدود الرهايف **** لاجا نهار فيه حاوي ومردود


وفعلا صدق بن هادي يوم قال ..


الله على شمة عسام الطرادي ******** وان حججت مع الذرا كل مشوال

مع حرب والغلبا وسبع البوادي ******** والا ..........حاسبينه من المال

عليه وسم للجحادر وكادي ******** يزول نجم سهيل والوسم مازال





ويقول بن هادي :
لي لابتـن لاقلـت للخيـل رده = ترايعوا للهوش مثـل الجمالـي
وفعولنا بـا لضـد كـلٍ يعـده = يعـده الاول لنسـل التـوالـي
ربعي لي اطوع من محب لـوده = وانا لهم اروف مـن مربي العيالـي
اتبع مصالحهـم بليـن وشـده = و اكسر بهم عظم الحريب الموالي

ويقول رحمه الله :
ديارنا كل العرب عنه عاجزين = والا ترى قومي غدوا به طماعة
يبرى لها قب سـواة الشياهيـن = قب الى هد القواصـر قطاعـة


ويقول عايض بن فهيد الرشيد للامير خليل بن قرمله :

تهدا عليك مقاضعـات الحديـدي = وأهدوا على جدك جميع البوادي
اقول هرجي ولي الله شهيـدي = ولا اقول انا هرجً على غير قادي

ويقول مسلم آل عليان في محمد ابن هادي :

يتلون زعيــم السرايا محمد ****** أخــو منيـــره زبــن كـل ذليـل
مايركب إلا فوق كل شمره ****** إصيـل ولا يعتـلي إلا كل اصيـل
والله ياشيخ ان يعاند محمد ****** إن ذاك من بد الشيوخ هبيل

وقصيدة للشيخ ابن ريفه عبيده :
قلته وأنا من روس ربعٍ مشاكيل= اللي خذوا علمان نجـدٍ قلاعـه
آلاد قحطانٍ كما دافـر السيـل = اللي ظعنهم للمعـادي مراعـه

يقول الشاعر ضيدان بن عبدالله الروقي القحطاني :

ياشايـفٍ نفسـك ترانـا قحاطيـن = من شاف نفسه تحت الاقدام دسنـاه
من خلقت الدنيـا وحنـا سلاطيـن = كم عـز قـوم بالمعـارك كسبنـاه
يشهد لنا التاريخ يـومٍ علـى تيـن = عز الشريف وقوم ابن ضاري هدمناه
حنا بنجد المجـد عالعـز راسيـن = والسيف فـي دم الاعـادي سقينـاه
تاتي لنا الجزيه من يسـار ويميـن = تاتي لبن هادي على جـال مركـاه


ويقول الجضعي الفهري عبيده :

ياراكب وجنا تبـوق المراهيـق = كنـه ظليـم حاديتـه الخشومـي
تنصا لنا شيخ دلاله علـى سيـق = محمد ولد هادي مـرد العلومـي
يعطونه الاجناب قـب ملاويـق = وخذا الاصايل من الاحفة رسومي


ويقول تركي بن جليغم الفهر عبيده:

لما تقهوا روحـه لابـن هـادي = مادام راسه بدت الناس ماجـود
ياما حكم نمرا تخفض الفـؤادي = مسواط نجد إلى غدا نجد مرجود
يتلاه من قومه سوات الجـرادي = كم واحد في دقلهم شيف مـردود
يعطونه الحكـام قـب جيـادي = وسروال تومان مع جوخ ماهود

وقال محمد بن عديله العاطفي في الامير خليل بن قرمله :

شيخ ولـد شيـخ سلايـل كحيـلان = حصان الصرايم بالرسـن فيـه زودي
كم جاه من قحص الرمك علط الارسان = يازينهـا قــدام بيـتـه تـحـودي
نـادر حـرار ماكـره راس مـابـان = مـا يبـدي الا عاليـات الـرجـودي
بديع السوابق يدعي الريـش نثـران = مثـل الاسـد مايلطـم الا الخـدودي

ويقول محمد بن رثوان الروقي قاصدا ابن قرملة :

خله يامن لـه ويـوم غـدا لـه = من فوق مطوي الحشا كنه الذيـب
ملفـاك شيـخ ماتونـي دلالــه = تلقا العوادي وسط بيتـه مراقيـب


مدح السلاطين وأمراء القبائل والمؤرخين والشعراء للأمير محمد بن هادي بن قرمله :

يقول دولـــــة الشريف في الأمير ابن هادي :
جانا جواب معرب الجـد معـروج = ومعـسكــر لكـن حنـا فهمـنـاه.
جواب من ياخذ على نجد مخروج = ياخذ على من حل في نجد الشـاه.

وهذه اكبر شهادة من حاكم دولة الحجاز الشريف على اخذه قحطان الجزيـه على من يدخل نجد.


يقول الامير عبيد ابن رشيد في ابن هادي :
جانا جوابك يالشجاع ابن هادي = تقول لك بكروش عندي مثاني


وقال الامير ابن رشيد في موضع آخر مخاطبا عباس باشا :

يابيه انا لكروش لااهدي ولاابيع = قبلك طلبها فيصل وابن هـادي


الشطر الثاني من البيت يدل ان الذين طلبوها حكام ولهم مكانة في الجزيره العربيه ( طبيعي لانهم حكام ( فيصل وبن هادي )


وقال الامير تركي بن حميد ممتدحا الامير ابن هادي :

يا راكب من فوق سلسات الاقـران = فج العضود وساسهن من عمانـي
ملفاك من يروي شبا مقدم الـزان = عيد الركاب اللي بها الحيل وانـي
شيخ نشا بالطيب من روس قحطان = عاداتهم فـك النشـب والعوانـي

يقول ابن شافي امير الهواجر مستفزعاً بابن هادي :

ملفاك شيخ بينات علامه = شيخ ورمحه في هل الخيل ملحام
منصاك ابن هادي كبير العمامه = مكدر الصافي بعجات الايـام


ويقول عيسى بن حصن الشرافا الدوسري :

يا راكب من فوق درم الخفافا = ما فيهن اللي مابعد شق نابه
تلفى على شيخ فعوله تشافا = مشيدن بيته تخالف ركابـه
عليه شيخان القبايل تلافـا = ذا ناقلن هدوه وهذا كتابـه

يقول مسواط نجد الله يرحمه لراكان بن حثلين قبل الهدو :
لابـــد من يــوم نثـــور قتـــامه *** اما على المطران والا على يام
والله ياذا البهم ان تباري العدامه ** لين تغدي بين صفوى والاوجام



ويقول الشيخ راكان بن حثلين بعد إرساله الهدو لابن قرمله :

ملفاك ابن هادي كبيـر العمامـه = شيخٍ ورمحه مع هل الخيل مرسام
اهديت لك نور السلف والجهامـة = باغيك ذخرً فـي مقابيـل الايـام

المعذره ( هذا قول مسواط نجد )



ولو نذكر الباقي يبي له صفحات ومجلدات تغبن الخصيم ..لكن هذا لعيون بعض العينات الطيبه


التعديل الأخير تم بواسطة : ذيب الروقي بتاريخ 04-02-2016 الساعة 10:20 AM.
رد مع اقتباس
  #47  
قديم 07-09-2016, 01:38 PM
فيصل بن محمد فيصل بن محمد غير متصل
 
تاريخ التسجيل: Apr 2005
المشاركات: 440
معدل تقييم المستوى: 13
فيصل بن محمد is on a distinguished road
رد: يال عرجا عطونا علمكم يوم ذبحتو شيخ ال عاطف قحطان

يحرم عليك النوط فكه بلامه... مادام فيها واحد من ضنا يام

رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى

 


الوقت في المنتدى حسب توقيت جرينتش +3 الساعة الآن 05:38 PM .


مجالس العجمان الرسمي

تصميم شركة سبيس زوون للأستضافة و التصميم و حلول الويب و دعم المواقع