كــــيـــف أصــــدق

[بخيتان اليامي]

أمرر هذه المتواضعه بين أيديكم وأتمنى أن تحوز على رضاكم جميعا.

تنشد عن أحوالي وأنا فيك مجنون = ياكيف أصدق قلبك اللي ذكرنّي
من بعد ما سويت في قلبي طعون = حسيت فيني يوم ربي رحمنّي
حبك ترعرع ثم سطى زعزع الكون = ما كنت أفكر يوم بيخيب ظنّي
وين أنت خمس أسنين ما هزك شجون = وين أنت يوم أنّي جريح ٍ وونّي
والله عجب لي قلت لي كنت مسجون = محروم من شوفك ومحروم عنّي
ما تنفع الأعذار لا صرت مغبون = ما تنقبل يا صاح منك ومنّي
حطمت قلب ٍ صار بالحب مكنون = وخليت شمات ٍ علينا يغنّي
وسمعت بي الحكاي واللي يعذلون = تستاهل اللي صار من دون منّي
ماهمني شكلك ولو كان مزيون = زينك بلا عقل ٍ حسايف فتنّي
هذا ضميرك مال في غفوة عيون = وهدمت قصر كان بالحب مبنّي
واليوم تاتيني تدور على عون = تبيني أرجع في هوى مستجنّي !
هذاك في وقت ٍ وأنا كنت مجنون = وقت أصدق فيه قلب ذكرنّي

[محمد الشامري]

ماهمني شكلـك ولـو كـان مزيـون *** زينـك بـلا عقـل ٍ حسايـف فتنّـي

الله عليك يابخيتان اليامي

صح الله لسانك

ولاهنت على القصيده الرائعه والجزله

[أبو محمد]

لاهنت يا بخيتان وصح لسانك يالسنافي

[راكان اليامي]

لاهنت يابخيتان على القصيده الرائعه وصح لسانك ياذيب

[حبيب]

لاهنت يا بخيتان وصح لسانك يالسنافي

تحيااتي

[بخيتان اليامي]

الأخ العزيز محمد الشامري،

صح الله بدنك والله لايهينك يامحمد.

يشرفني مرورك والله يحيّك أخي العزيز.

أشكرك على أطرائك وتعليقك الأروع، ولا عليك زود فيما ذكرت.

تقبل فائق تقديري وأحترامي أخي الغالي محمد.

أخوك:

[ابومحمد الشامري]

قصيدة رائعة يا بخيتان لا هنت على هذه الرائعة الشعرية صح لسانك يا السنافي

[المعنى111]

تنشد عن أحوالي وأنا فيـك مجنـون
ياكيف أصـدق قلبـك اللـي ذكرنّـي

من بعد ما سويت في قلبـي طعـون
حسيت فينـي يـوم ربـي رحمنّـي

حبك ترعرع ثم سطى زعزع الكـون
ما كنت أفكـر يـوم بيخيـب ظنّـي

وين أنت خمس أسنين ما هزك شجون
وين أنت يوم أنّـي جريـح ٍ وونّـي

والله عجب لي قلت لي كنت مسجـون
محروم من شوفـك ومحـروم عنّـي

ما تنفع الأعـذار لا صـرت مغبـون
ما تنقبـل يـا صـاح منـك ومنّـي

حطمت قلب ٍ صـار بالحـب مكنـون
وخليـت شمـات ٍ عليـنـا يغـنّـي

وسمعت بي الحكاي واللـي يعذلـون
تستاهل اللي صـار مـن دون منّـي

ماهمني شكلـك ولـو كـان مزيـون
زينـك بـلا عقـل ٍ حسايـف فتنّـي

هذا ضميرك مال فـي غفـوة عيـون
وهدمت قصـر كـان بالحـب مبنّـي

واليوم تاتينـي تـدور علـى عـون
تبيني أرجع فـي هـوى مستجنّـي !

هذاك في وقت ٍ وأنـا كنـت مجنـون
وقـت أصـدق فيـه قلـب ذكرنّـي


ممتاز.روووعه


لاعدمناااك
وصح.السانك.ولاهنت.اليامي

تحيااتي

[بخيتان اليامي]

الاخ العزيز أبو محمد،

صح الله بدنك والله لايهينك أخي العزيز.

لاعدمناك يابو محمد على المرور والتعليق.

تحياتي وتقديري لك اخي الغالي،

أخوك:

[بخيتان اليامي]

اخوي العزيز راكان اليامي،

ولا أنت ياراكان وروعتها بالفعل هو مرورك وتعليقك،

صح الله بدنّك والله يطّول عمرك .

تقبل فائق احترامي وتقديري أخي العزيز،

أخوك: