((القضيه : قصة واقعيه))

[بن سعيدان]

بسم الله الرحمن الرحيم
هذه القصيده انولدت بعد ان جائني اتصال من شخص يروي لي هذه القصه المحزنه وهي قصه واقعيه:-

((عذرا على التأخير))

القضيـه مالنـا فيهـا ولا فـي سالفتـهـا=يابعد روحي لاتسأل عن تفاصيـل القضيـه
البدايـه نرجسيـه مـادرى باالـي تحتهـا=والنهايه صفقت الخديـن لاابـو النرجسيـه
خطة التفكيك جـات البنـت يمـه واتقنتهـا=ومن غبائه في البدايه مادرى بانهـا ذكيـه
حطة الي مايصير ونقطـة المـوت ابتدتهـا=وجالهـا كلـه وسلّـم مابجيـبـه للبنـيـه
مادرى هو مادرى هومادرى بانهـا نوتهـا=نيته وحـده وهـي قدامهـا عشريـن نيـه
كان في قمة سعاده مـادرى عـن خاتمتهـا=مادرى بانها بلاوي مـن بليـه فـي بليـه
واختتم كلش ودار العز جـا فـي طايرتهـا=ووالله ان المملكه منه ومـن اشكالـه نقيـه
وزوجته من حبهالـه ماتفـارق منظرتهـا=والهديه جـات ليـت الله ولا ذيـك الهديـه
وبعد تقريباً شهر تعبـت عليهـا حنجرتهـا=تعبت الزوجه وجاب علاجها من الصيدليـه
بس جاها رعشةٍ بالجسـم زادت كحكحتهـا=ليـن وداهـا لمستشفـى بقسـم الباطنيـه
واسحبوا من دمها من شان تضهر مشكلتهـا=والمصيبـه طلّـع التحليـل امـورٍ داخليـه
ايدز يعني ايدز والسستر بتكريـر نطقتهـا=ليه وش ذنب المسيكينه تجيـب لهـا اذيـه
وصاحت صياح الغرير ودمعة الحزن ذرفتها=وناظرت في زوجها نظرات حقد ومكرهيـه
ليه ياخاين تخون الزوجـه وتظلـم بختهـا=وليه يافيروس تدخل في جسد بنـتٍ بريـه
خرّب البيت العزيـز وحطـم آمـالٍ بنتهـا=اشهد انه ماعـرف يبنـي الحيـاه العائليـه
عودت للبيت تمشـي مشيـةٍ ماقـد مشتهـا=كنّها تمشي على جمر الغضا والنـار حيـه
وبنتها الي عمرها عامين عند الباب جتهـا=هـي وحيـدة والديهـا بالغـلا والمقدريـه
والبنيـه تبتسـم لـلأم سـاعـة قابلتـهـا=ومادرت تظحك لهـا والا تـدن الهاشميـه
وبعد خمس شهور جات البنت تمسك برقبتها=(ماما) بس الام ماتت يعني وافتهـا المنيـه
القضيـه محزنـه جـداً وهـذي سالفتهـا=ومن سألني قلت له هذي تفاصيـل القضيـه