ياقـلبي ســـــــلامات **

[الفرس]

	ذالليل كن نجومه شـوي واشتـات=من كثر مـا راقبتهـا قبـل ذالليـل فيها عن البـارح وقبلـه تفيـوات=عّدها مـن يـوم غيبـت ياسهيـل ذالليل لبسه صمت وفراشه سكـات=كنـه يشجعنـي لجـر المـواويـل لكـن يكـدر صفـوة الجـو دقـات=دقات منفصله وهي مـا لهـا ذيـل اروح ادورهـا بسمعـي تصـنـات=وتطلع عقارب ساعـة بايـدة حيـل مسيرهـا دقـات واكثـره وقفـات=هي ريضه وانا ارقب الصبح واخيل الزبده ان الليل ذا ما بـه اصـوات=كني لحالي والعرب من ورى النيـل الناس مدري وينهم كنهـم امـوات=كنهم تمالوا في وكنـي مـع سيـل سيل الهجوس اللي الى جاتني جـات=كتها على عقلي من الماضي تهيـل تظهر من الشاعر تنهـات وابيـات=واللي مهو شاعـر يظهـر مناديـل تعيد لـي ذكـرى غـرام البدايـات=وتحلل ايـام مضـت فيـه تحليـل قطعت من شانه طـوال المسافـات=الميل متر يسير لاشتقت لـه ميـل يشتاق لي مره وانا عشـر مـرات=ويعطي وانا معطيه هيـل بـلا كيـل اعرف قولة هاك ولا اعـرف هـات=ويخطي علي بالصد واصـد واشيـل عنده على تبريـر صـده مهـارات=وعندي لقبل اعـذار صـده تعاليـل حبه قعـدت ابنيـه عـدة سنـوات=وفرقاه في كسرة عصا دون تعليـل فجئه ولانـي بيـن دمـع وتنهـات=وقد كل ما قد فات ذكـرى واقاويـل وقعد بين اسج ..ما اسـج فتـرات=عقلي يحاسبني وقلبي مـع الخيـل قلبي يقول اللي مضى كذب ما مـات=لونه ميت ما قعـد جرحـك يسيـل يقعـد يذكرنـي ديـار ومـحـلات=ويعيد لي ما فـات جملـه وتفصيـل ويقول لي معذور والا انت بالـذات=مالك عذر في طيحتك في المحابيـل وعقلي يقول اللي مضى ماضي وفات=ما من ورى طرد المشاعر محاصيل اعطيته عيونـك وشـح بـتلفـات=وخلاك شربك هـم واكلـك بهاذيـل هيهات زيد تشوف له زول هيهـات=انـس المدابيـر وتلـق المقابـيـل اقنعنـي العـقـل بـكـلام ودلالات=اني علـى درب الخطـا والمهابيـل الحزن مـا يذبـح كـلام ودعايـات=هذا انا ما مـت فـي تالـي ابريـل والصد مهما كان حجمـه سلامـات=هذا البدو ما ماتـوا لغيبـة سهيـل للشاعر ذو الشاعريه الصادقه = محمد بن فطيس

[ملاذي]

نتفق....على إبداع...!!

وجهين لعمله...واحده...في هذه الصفحة...تحديدا"..!!

إن كان...بن فطيس....مبدع...((متفق عليه))..
فالنجزم....بأن ....من نقل....تلك الأبيات...!!
ذو...شيء....مخملي...رائع....وراقي...في ....إحساسه..!!
ينتقي...الروعه...من بستانه....ليعتمدها...قلمه....ليظهر....توقيعه...أسف ل صفحته...!!
نعم....قد علمتم....من هي...!!

انها.....((الــــــفرس))!!

تقبلي...مروري...وإحترامي لشخصك...ولقلمك...الجميل..!!

نعم..!!
قلبي يقول اللي مضى كذب ما مـات .,,..,,.لونه ميت ما قعـد جرحـك يسيـل

دمتي...لله اقرب..
اخوك..جلوي..

[&آهــــات الحــــزن&]

فجئه ولانـي بيـن دمـع وتنهـاتوقد كل ما قد فات ذكـرى واقاويـل
وقعد بين اسج ..ما اسـج فتـراتعقلي يحاسبني وقلبي مـع الخيـل
قلبي يقول اللي مضى كذب ما مـاتلونه ميت ما قعـد جرحـك يسيـل


صـــــــــح لســــــــانه ولاهنتي حبيبتي الفرس على الاختيار الاكثر من رائع ومميز

[الفرس]

الاخ جلوي اجزلت في مدح الشاعر وبالغت في الاطراء للناقل ..

اشكر كلماتك بحياء .. وامتن لها ..

وياهلا فيك في محل الشعر ..

[خالد وبس]

اختيار روعه يالفرس



صح السان شاعر الصدق / محمد بن فطيس



لاهنتي يالغاليه !

[مسعطر]

تظهر من الشاعر تنهـات و أبيـات=و اللي مهو شاعـر يظهـر مناديـل

/
/
/

تعيد لـي ذكـرى غـرام البدايـات=و تحلل ايـام مضـت فيـه تحليـل

/
/
/

عنده على تبريـر صـده مهـارات=وعندي لقبل اعـذار صـده تعاليـل

/
/
/

قلبي يقول اللي مضى كذب ما مـات=لونه ميت ما قعـد جرحـك يسيـل
يقعـد يذكرنـي ديـار ومـحـلات=ويعيد لي ما فـات جملـه وتفصيـل

هيهات زيد تشوف له زول هيهـات







صح لسااااان ابن فطيييس مليوووون ,,

قصيدة جميييلة من شاااعر قوي و مبدع ,,,

لامست >>
و أودعته خرابه




صح لسااانش يا الفرس ,, و من طوّل الغيبات جاب الغنايم

سجّلي إعجابي بإختياراتش

تقبلي مروري ,,

[فـارس]

الفرس

شكرا لش على الذائقيه الجميله في انتقاء القصائد .. والله يعطيش العافية

وتقبلي مروري

[مهرة النسيان]

بوحمد شاعر لن يتكرر شعره يلامس القلوب والعقول


ماشاء الله عليه ..


روووعه روووعه



تقديري لك

[الفرس]

الاخ خالد ..

تشريفك هنا .. يضيف للقصيدة رونق خاص لمتذوقي الشعر ..

يامرحبا بك هنا وهناك ..

[الفرس]

المتألق .. مسعطر يبدو لي من عباراتك شي من المكنون ..

ويسعدني انها لامست من اودعته خرابه ..