سلام الله عى كل الغفالا((فهد الفوزان العجمي))

[محمدعبدالرحمن]

الشاعر الكبير فهد الفوزان الشارخ العجمي لة قصائد كثيرة جدا منها قصائد مغناة ومشهورة
وقصائد اجتماعية
ومدح
تاهل في شاعر المليون ولكنة لم يكمل المشوار وانسحب

يقول في احد قصائدة التي القاها في احد الزواجات

يقول

سلام الله على كل الغفالا عزوة العجمان=سلام الشاعر اللي من خفوقه ينظم ابياته
رجال وارثين المرجله من شيخهم راكان=قروم سطر المجد اسمهم في بيض صفحاته
هلا بضيوفنا واللي لفو مع باقي الاخوان=يزين العرس فيهم وابرك الحزات حزاته
وابارك للعريس اللي تربع كنه السلطان=عسى ربي يبارك له ويصلح كل نياته
اهني خالد بعرسه واقدم له من الوجدان=تحيات الموده والغلى باصدق عباراته
واثنيها واهلي ثم ارحب في رفيع الشان=هذاك اللي نحبه كلنا ونحب جياته
هذاك الفارس اللى لالقى الفريس بالميدان=وكل فوق خيله مبعد شوفه وهقواته
برز من بينهم مثل الصقرلافز بالجنحان=يجيب الفوز من قبل السبق يعلن بدلياته
هذاك اللي وفاه لديرته مايلحقه نقصان=رفع اسم الحزم فوق السحاب وسد عوزاته
عطى من ماله وقته ولا يرجي وراه احسان=لجل الرس واهل الرس يضحي برتباطاته
يقول ويفعل ويبني ويفتح للفخر بيبان=ويرفع فوق رايات الصخا والطيب راياته
عليه من التواضع والعطى والمرجله نيشان=فريد نايف غالي بجيــــاته وغيباتـــــــه
شجيع ناقش اسمه بصفحة سيرة الشجعان=بميدان التجاره والرياضه حط بصماته
اللي الا منه وعد يوفي ولا منه وعد ماخان=ولا منه فزع ماحد يجي مثله بفزعاته
اقوله ومدحه ماهو رياء وافعاله البرهان=ونشهد كلنا لابو الوليد بصدق وقفاته
وانا مهما كتبت وقلت شعر بخالد البلطان=فهو اكبر من الشاعر ونظم الشعر وابياته

منقول من تسجيل فيديو

[فالك طيب]

صح لسان الشاعر فهد الفوزان الشارخ

شاعر غني التعريف وبيض الله وجهه علي

هذه القصيده الجزله

وفالكم طيب