ذكــريــات عـبدالعــزيز

[عبدالعزيز الحربي]

صد وتنكر عقب ذيك الرفاقـه .....
ياليتني عن رفقتي ذيك خيرت
اتلا العهد به يوم قطع العلاقـه .....
للغرب سيّر يوم للشرق سيّرت
قدمي طريق الخير واسع نطاقه .....
وإليا تغير صاحبي ماتغيـرت
طلعت سالم لو شعرت بحماقـه .....
مستني الطيره وانا ماتطيـرت
اللي علشانه كرهت الصداقـه .....
إلا صداقة واحدٍ فيـه نيـرت
ماعاد يحزني جفـاه وفراقـه .....
فرقاه عيد وعقبها ماتحيـرت
الله عطاني عقل فهـم ولباقـه .....
إليا بغيت اختار صاحب تخيرت

[عبدالعزيز الحربي]

ياساكن القلب قلبك مسكن لقلبي .... قلبك سكن قلبي وقلبي سكن قلبك
فيك الوفاء إيجابي ومنك الردا سلبي .... عنك الردا شد يوم الطيب نازلبك
ان كان لي حق عندك لا تماطلبــي .... شفني تحمّلت كل إيجابك وسلبك

[عبدالعزيز الحربي]

يازين سجّات الضمير اللي يسلّن الضمير .. لو ان بعض أحيان سجّات الضمير اتعذّبه
لكن لياجينا الصحيح الشر شر الخير خير .. مره تصير مناسبه واحيان غير مناسبه
وان كانها قامت على راسي تلف وتستدير .. الفكره اللي محتواها بين أكيد ومشتبه
ضربتها في حايط الذكرى يصير اللي يصير .. لا بارك الله في شجيعٍ مايقوم بواجبه

[عبدالعزيز الحربي]

يامختفـي عن عين غاليـك فتـره .... فترة غيابك خلّت الحيـل فاتــر
البستني من لبس الاحزان ستره .... لو كان ما في لبس الاحزان ساتر
الوصل ثوب وبشت أماره وغتره .... والهجر وصفه ماتشيله دفاتر

[عبدالعزيز الحربي]

يانجمـةٍ بين النجوم المضيئه ........... ضوّك يضوّي ضامي الشوق بدري
متلبّسـه بالجرم وانتي بريئه ........... من لبّسك في لبس الاجرام مدري!
الآدمي مهما أرتكب من خطيئه ........... لشاف مخطي قال ضيّقت صدري!

[عبدالعزيز الحربي]

شربت كاس الحبّ من كفّ ساحر ..... واصبحت من كاسٍ به السحر مسحور
راع الهوى منحور والحـبّ ناحـر ..... وانا الذي من دون سـكّـين مـنـحــور!

[عبدالعزيز الحربي]

ياطبيب القلب ماعندك دوا ......... يصلح لفؤاد مجروح الغرام
أشهد اني رحت في يدها هوا ......... ماصفالي لا شراب ولا طعام
من سرح بالقلب وابطى ماضوا ......... انتقم من صاحب القلب إنتقام
يامقــامـي يارفــيع المســتوى ......... إبق في موقعك الاول يامقام
كل ما ذيب الدهـر قدمــك عــوا ......... لد يم البندقيه والحزام
قــول ياسرحــان ملعــون الثـوا ......... كان تبغاها لعانه ياسلام
لو تبي نهرف سوا نهرف سوا ......... أو تبي ناكل بعض راي" تمام
من ورد حوض البلايا وارتوى ......... ماحسب للسقم بعد الإرتطام
جيت أعدل ساق بقعاء والتوى ......... ثم صار النور بعيوني ظلام
هو صحيح الصدر ولّع وانكوى ......... لاكن الصبر القوي فك اللحام
مايشيل الطور عن وادي طوى ......... غير من يحيي رميمات العظام
من قرا العنوان فهم المحتوى ......... غير دلخ" للفهم يحتاج عام

[عبدالعزيز الحربي]

يزعل عليّه واعتذرله واقول أنس ..... لا قدّر أعذاري ولا شاف طيبي
يامـحـترم ياشـيخ يامـير يابـرنـس ..... ماني بـ قايل سـيّدي ياصحـيبي
ترا إختلاف الطبع والحال والجنس ..... مايخلف شعور الغلا ياحبيبي

[عبدالعزيز الحربي]

عطني غلا واعطيك صدق وميانه ...... وازيـدهـن حـبٍٍّ يعـادل مـية حـبّ
أمّـا كـذا والاّ تـرا مـعـك أمـانــه ...... تبعد وانا أبعد لا مدايح ولا سبّ
الحـبّ له تخصـصـه وامـتـحـانـه ...... يعني مثل لو أطلـبك للطـلـب لـبّ
عندك ضمان الحبّ عندي ضمانه ...... وان كان ماعندك ضمان الهوى تب
الحبّ له عندي مقام ومكانه ...... والهجر عقب الوصل جرحٍ بعد طبّ
والقلب مركز والمشاعر كيانه ...... شيّد كيان القلب ياصافي القلب

[عبدالعزيز الحربي]

بكيت لين انه صفا راسي وجفّت دمعتي .... ما ردّلـي كـثر البـكـا غـالـي ولا عيّنت خـير
ياوقت سجّل كلمتي واكتب بقايا حكمتي .... هو منهو اللي رجّع المفقود بالدمع الغزير؟!!