يا فهد بن محسن

["بدر العجمي"]

يافهد وين انت ماشوفك هنيا=غبت عنا ياعسى فالامر خيره
بينى وبينك صداقه فالعليا=والعشير اليوم يسأل عن عشيره

[حبيب]

الله الله يابدر واصلوو وحنا متابعين

بدر قريت لك تقول تبي ترسل رساله وماتعرف

اذا كان تبي ترسل رساله

اضغط على اسم العضوو
مثلاً اضغط على اسمي وتطلع لك عدة خيارات من ضمنها ارسال رساله خاصه لحبيب

اضغط عليها وتطلع عندك صفحه اكتب اللي تبي فيهاا واكتب العنوان فووق في محل مخصص للعنوان وارسل

واسف على الخرووج من المحاوره

["بدر العجمي"]

هلا ومرحبا بحبيب لاهنت طال عمرك ومبارك عليك الشهر
لايهمك عادى وانا خوك كل من له ظروفه الخاصه

[فهد بن محسن]

الاخ \ بدر حياك الله يالغالي ,, واستلم لاهنت ..

مرحبا بك يابدر سمح المحيا = وبيض الله وجه من يفقد قصيره
والله انك يابدر غالي عليُا = غبت لظروف الحياة المستديره

تحياتي لك

["بدر العجمي"]

السما ماله غنى عن الثريا=وانت نور المنتدى وانته مديره
شبت منها يافهد وانته صبيا= كل ما خليتها جاتك امغيره

[حبيب]

الله يبارك فيك يابدر

بدر انا اقول رساله خاصه ماهيب ظرووف خاصه قصدي ترسل رساله خاصه للعضوو اللي تبي

وانا ارسلت لك رساله خاصه اللحين

["بدر العجمي"]

هلا حبيب ادرى طال عمرك وانا يوم اقول كل من له ظروفه الخاصه اقصد يوم تقول عن خروجك عن المحاوره انت اتمون طال عمرك
رسالتك التجريبيه وصلن وسويت رد عاد مادرى اوكى ولا لا
لاهنت طال عمرك

[حبيب]

وصلت يابدرر ورديت عليك شيك وتلقاهاا

[فهد بن محسن]

استلم يابدر طال عمرك

كل رجلٍ يابدر عنده حميا = والله اني اقدره في كل ديره
وش نسوي في الغراب وفي الحديا= الصبر !!من عقبه السيف وجفيره

تحياتي لك

["بدر العجمي"]

ويش عندك من سواليف(ن) تهيا=يوم نوخ راعى الطرقه بعيره
ويش علم الطير فى ذا الوقت ويا=منطلق ولا يسحب فى جريره