أهدافنا في الحياة

[الملكة]

السلام عليكم ورحمة الله وبركاته

كنا في محاضرة للدكتور محمد الثويني وكانت عن الأهداف ونيل السعادة في الحياة
وأول ما بدا الدكتور محاضرته سال : ( شنو أهدافكم بالحياة ، يعني بعد 50 سنه من الحين شنو تفكر انك سويت هدف تسعى لتحقيقه )
طبعا الإجابات كانت : دخول الجنة.. رضا الله سبحانه وتعالى.. رضا الوالدين ( كان الدكتور يرد عليهم ويقول هذا شي مفروغ منه .. ولازم عليكم ..شي عملي .. هدف ملموس )
أما اغلب الإجابات الثانية فكانت عن الزواج والستر وتكوين أسره صالحة .. مما اجبر الدكتور أن يغير محاضرته من الطموح والأهداف إلى شروط ومواصفات اختيار كل من الزوج والزوجة ( مجبور يقول محاضره ويش يسوي ):0071:
المهم من وقت المحاضرة إلى الحين و أنا اقلبها في بالي ، شنو الأهداف و وين الطموح
وبالنسبة للطموح فانصدمت انه نادر ويكاد ينعدم بالمجتمع وذلك لملاحظتي الناس والمحيطين
فما رأيت.. غير .. رسوب وتسرب من الدراسة.. ضياع أوقات.. تخبط..فشل.. وبطالة
الوضع الصراحة مأساوي .. ولازم حل جذري ..وإلا ضاع الشباب .. وتدهورت الأمة
انتم أعضاء المنتدى.. شريكم بالموضوع.. وشنو أهدافكم بالحياة ( طبعا غير الستر والعافية .. ورضا الوالدين ..الخ )
مثال: بالنسبة لي : فانا قعدت اقلبها في بالي .. لقيت انه من أعظم طموحاتي.. أني أصير بمركز قيادي كبير:3rbe2: ( طبعا مهوب درجه وزيره ).. لأني عارفه نفسي..خير من يخطط ويضع الأمور بنصابها.:3rbe63:
شي ثاني بالنسبة للأهداف:
فيه فرق بين من يتمنى وبين من يوجد لديه هدف ويسعى لتحقيقه..
ولا تنسون ..ترى حنا نسل ناس عطروا التاريخ بأمجادهم:3rbe15:
أتمنى لكم التوفيق في الدنيا والآخرة... و دمتم سالمين

[مبارك الجوفان]

الاهداف كثير وعاليه والمتنيي يقول
إذا غامرت في شرف مروم ؛ فلا تقنع بما دون النجوم

انا بصراحه طموحي اصير رئيس دوله عظمى وياويلكم عاد لا تزعلوني من الحين اخذو حذركم تحياتي لك يالملكه والله يجزاك خير ويجزا الشيخ خير

[الملكة]

ماشاءالله يا مبارك
دوله عظمى مره وحده -------> شرايك بالاتحاد السوفيتي جمعه على بعضه ونافس امريكا
واذا محتاج مساعده-----------> حنا برسم الخدمه :3rbe35:
شاكرين لكم مرورك 0 0وبالتوفيق

[عجميه الرس]

ما شاء الله عليك مرة اعجبني اسلوبك في الكلام
واذا على الطموح والله صدقتي الحين تشوفين العالم كلهم انواع التحطيم
اللي مايبي يكمل دراسه والا قاعد
والا مايصدق على الله يخلص من الجامعه وبس هذا همه اهم ماعليه يكون معه شهاده جامعيه وبس
وبعد زين اذا فكر يكمل في الجامعه او يدخلها :0085:
بالنسبه لي انا حاليا
طموحي اني اخلص الجامعه وبعدين عاد الله يحينا حياه طيبه
والله يعطيك العافيييييييييييييه على هالموضوع الحلووو :005:

[فهيد الكفيف]

نعم لا بد من طموح وهدف في الحياه لان الفرق في نظري بين الانسان الحي والميت بعد عباده ربه طبعا وجود طموح وهدف يحيا لاجل تحقيقه.

بالنسبه لي طموحي ان يذكرني التاريخ (فلست اقل ممن ذكرهم التاريخ ولا تنقصني العزيمه رغم كل المثبطات التي تحاول ثنيي عن ما اقوم به واتمنى اني اسير في الطريق الصحيح لتحقيق هدفي)

الملكه اشكرك على موضوعك الرائع


تحياتي لك...

[سعيّد ابوجعشه]

طموحي أولاً رضا الله والوالدين

ثانياً طموحي إن ماأحد في الدنيا يشل في خاطره علي

أو يزعل مني لأني إنسان ما أحب يجي في خاطر أحد علي


الملكه


اشكرك على موضوعك الرائع وأسلوبك الراقي في الطرح



تحياتي لك...

[الملكة]

اشكر لكم مروركم العذب...
عجميه الرس. . حياش الله..وانشاالله تخلصين الجامعه بتفوق ..ومن اللحين حطي في بالك .. ماذا بعد الجامعه؟...
فهد ..ان يذكرك التاريخ.. هذا شي عظيم..لكن..كيف؟..هل خططت لعمل انجاز ما؟00اتمنى لك التوفيق
سعيد ابو جعشه.. شرفني مرورك..اهدافك وجدانيه انسانيه..باذن الله تكون راضي ربك ووالديك ويحبك الناس ولا يزعلون عليك..
ودمتم بحفظ الرحمن