منهج ومبدأ ومفهومي !

[مناحي الصميل]

السلام عليكم ورحمة الله وبركاته


مصافحه بسيطه الى قلوبكم الطاهره

يا عبيد فيني هموم الكون ملتمّه = لو منت اخي ؟؟ كان ما علّمتك علومي !
جعلك بعد راعي الهزلات والنمّه = اللي بفعل الردى بانت له نجومي
ناسٍ على طيحتي بالحيل ( مهتمّه )= تنطرني اطيح .. الا من زادت همومي
لو بيدهم حال ذا العربان والامّه = اطلق شنب حالته حاله ومضيومي !!!
بعض العرب انخلق .. والبغض ؟ .. في دمّه = مابه مشاعر ما غير عظام ولحومي
مات الضمير وتلوّث ذمّتي ذمّه = والخلق مابين يا ظالم ومظلومي
يا عبيد اوصّيك .. خلّك عالي الهمّه = لا تآمن دروب فيها شوك وسمومي
خاو الذي بالمراجل نافذٍ كمّه = وخلّك على (منهج) و(مبدأ ) و(مفهومي)
مبطي وانا اسمع كلام وحافظٍ صمّه = الخوّه اللي تنومس .. خوّة قرومي
وانا عيوني موصيها على القمّه = مبعد عن الكبر وسلومي هي سلومي
والناقص اليا حضرته قمت واتمّه = هذا فضل خالقي قوّا لي عزومي
لو زاد همّي علي بأستقبل اليمّه = وادعي لربي دعا .. وأبليس مرجومي

وسوالم

[مهرة النسيان]

صح لسانك اخوي وعلا شانك ..

ماشاء الله مبدع في شعرك على صغر سنك ..

الله يوفقك ومن ابداع الى ابداع ..

دمت بحفظ الله ..

[مناحي الصميل]

مهرة النسيان

حياش الله

وصح الله بدنش

ولا هنتي على مرورش الكريم


اخيش

[الفرس]

الله الله صح لسانك اخوي مناحي ..

وسلمت افكارك الطاهره وعساك ماتشوف من الرفيق اللا مايسر ..

[مناحي الصميل]

الفرس


صح الله بدنك

وسلمت على مرورك الكريم

تحياتي

[هداج تيماء]

صح لسانك يا ابن الصميل

[مناحي الصميل]

هداج تيما


صح الله بدنك يالسنافي


لا هنت على مرورك الكريم

[عـسـاه خـيـر]

صح السانك ولاهنت على هالقصيده يا السنافي

[مناحي الصميل]

عساه خير

صح الله بدنك طال عمرك

ولا هنت على مرورك الكريم

اخيك

[الشيخه]

اخى الكريم مناحى الصميل


صح الله اللسانك واعتلا شانك

ابيات رائعه توقعى لك بتميز رائع فى مجال الشعر

موفق خير انشالله لاعلى دائما

تقبل منى خالص التحيه