حلمت بنومي (صوت وصدى)

[حمد الدليهي]

سـلام الله سلام(ن) .. مابعـد قبـلـه سلام(ن) .. سـيـق=سلام(ن) .. مايـسـاق الا عـلـى منّْـهـوُ يهليـبـه
خذى له مدة(ن) .. خلف المحانـي لـه سنيـن يِّويّْـق=وُدورات الفلـك دارت وُبـان اللـي لــه ابديـبـه
على محمدخلـف سقتـه سلامـي والسـلام يِّليّـق=على محمـد يليـق وُماطـرى لـي غيـرهَ انويبـه
رفيقي وان نسيته بالرخاء يطـري علـي بالضيـق=ذراعـي تـاج راسـي والشـداد اللـي أماريـبـه
صخرت القـاف وامثالـي لغيـره مالهـن توفيـق=بغنـه وازهمـنـي والـزمـن عاش(ن) .. تجاريـبـه
عطاشـا مالقـن عد(ن) .. ينابيـعـه تـبـل الـريـق=عطاشـا سقتهـن سـوق وردتهن جمـة مكاتيبـه
بكت ليلى وغيـره قيـس ليلـى ترفـض العشيـق=وغيره قيـس ماتقبـل ولـو ..كَثّْـروُا.. خواطيبـه
بضاعـه والبضاعـه عنـد غيـره مالهـا توفيـق=لحنهـا .. عازف المزمار يبـطـي مايغنيـبـه
تمعـن يامحمـد وانتبـه يبـغـى لـهـا تدقـيـق=تراهـا (لغـز) لامنّـك عرفـت الـحـل لاتجيـبـه
على البث المباشـر وانقـل الصـوره بـلا تعليـق=تخفـى فـي هـدب بيـت القصيـده قبـل ترتيبـه
تخفـى لاتعـرض للسهـوم ولجـنـة التحقـيـق=وابـو مشعـاب لايومـي علينـا فـي مشاعيـبـه
حلمت بنومي وحلمي غريب وشفـت فيـه طويـق=جبل عملاق لكن صـار فـي كفـي وانـا أوميبـه
رميته من ورى (الخفجي) جنوب وصار شرق (بقيق)=واشوف الناس من حولـه تقـول مصيبـه مصيبـه
بعضهـم شامـخ القامـه يدنـق للجبـل تدنـيـق=أحد راضي (وحـد) قـال الجبـل ماهـو بّْراضيِبـه
أوادم عرقهـا ينبـض لقيـت قلوبـهـا ماتفـيـق=يطول إبهـا الزمـن والا قصـر ماروسهـا هيبـه
واشوف بحلمي الغبـه وُيحدقهـا (مية100)حديـق=واشوف أطـراف ساحلهـا شبيـه الذيـب يمشيبـه
واشوف الناقـه الزرقـاء بحلمـي والبعيـر زريـق=تفلـي فـي مفاليـه وتشـرب فــي مشاريـبـه
والا يامفسـر الأحـلام طـبـق حلـهـا تطبـيـق=وحلمـي هـات تفسيـره وانـا بيـنـت تركيـبـه
توكل واركـب الميـراج حلـق بالفضـاء تحليـق=وخـذ لـك بالفضـاء مـرواس تشريقـه وتغريبـه
وصفـق للقصيـده كانهـا تستـاهـل التصفـيـق=لـزوم الضيـف يذكـر مايواجـه مـن معازيـبـه

رد/الشاعر محمدخلف

هلابك ياقصيد ٍ كنه الهيل النقي لاذيق=صبغ بالجاش صبغة زعفران الهند ابوشيبه
لفاني في غياهب عالم التجميع والتفريق=تحلا بالوقار وحشمة التقدير والهيبه
قعدت اسرج ظهور السابحات وكل حرفي شيق=وقف وقفة شجاع ٍ ماتعذر من مواجيبه
بوادر عيطموس ٍ طرقت برموشها تطريق=ليا شميت نفحه من شفاها قلت ياطيبه
أخذ منّي لها سبع الحلوف وكلمة التوثيق=تقبلها خفوق ٍ مايعرف الشك والريبه
سبايك من ذهب عبدالغني مالفقت تلفيق=تلد إلّها العيون وتوفي الطالب مطاليبه
بعد شهد عليها شاهدين وقاضي التصديق=تخازرني بسود عيونها والطرف تغضيبه
حمسها اللي حمسها لانياه ولابها تحريق=وخذت منّي عهد ماثوق يوصابه ونوصيبه
وراك تحدني للهضبه اللي مابها تدريق=وقفت بجالها والجال ممحلة ٍ مجاذيبه
هلك فيها غداريق الحمام وجافلات الهيق=عساي ابنيبها اللي جودت كسره مكاريبه
انا كيف اتسلق هالجبل وصعوبة التسليق=جبلها لوتعداه المعدي مايعديبه
عسى صوت الكمنجا مايخرب طارت التخفيق=عسى اللي حالم ٍ بالنوم حلمه مايهذريبه
بعد فكوا .. سناح أرواقها ماينفع الترويق=اشوف الصافنات احصانها عجله مهاذيبه
تروث من عيون ٍ دمعها يقطع ضما .. ويريق=مثل وادي حنيفه يوم سيل الغيث ينحيبه
وانا ماني مسبق بالكلام وكلمة التسبيق=وخيمه عاقبتها والزناد أحفظ مضاريبه
تحرص من رفيق يظهر الفزعه وفيه عريق=كلاليبه تضيع بحزم كلاب وكلاليبه
يهدونه زريق أن قطبت عيونه هل التزريق=شبكته تطرح الفرخ الوحش لادلة مخاليبه
تثور اللي تشيل أماتها لاعشقة تعشيق=يطيح اللي يطيح وصدفة الأقدار ترميبه
حشاي اللي هجوسه خرقت رمانته تخريق=وانا قبلك مجنب وادي الشعر وهناديبه
عليه بالثلاث الحارمات وكلمة التطليق=إليا ماجاك ردي لَهمل الشعر مناديبه

[مسفر مبارك]

بيــض الله وجهـك وصح الله لسانـك ولسـان الشاعر محمد خلـف ولا هنتـوا على الرديـة الجميلـة ،،

تحياتي لكـم

[حمود بن فطيس]

صح السانك ياحمد والسان ابو خلف



قصايد وافيه من رووووووس وافيه



تقبل تحيات مودعك


حمود بن فطيس

[عـسـاه خـيـر]

الاخ حمد الدليهي صح السانك ولاهنت على هالنص الرائع

[هداج تيماء]

قصيدة رائعة صح لسانك يا الشاعر المبدع حمد الدليهي

[الفرس]

اخوي حمد ... قصيده وافيه وقافيه احلى وبداية ترحيب اجمل .. وتعابير قمه ..


ورد الاخ محمد خلف يناسب قمة الجماليات في القصيده ..

تقبل اعجابي ..

[محمد الضاعني]

قصيدة جزلة من راس جزل صح لسانك يا الغالي

[الشيخه]

اخى الكريم والشاعر المتالق / حمد الدليهى


صح اللسانك مليون ولا هنت على القصيده الرئعه

ولا احلا من الصوت الا الصدى

تقبل منى خالص التحيه

[حمد الدليهي]

المشاركة الأصلية كتبت بواسطة مسفر مبارك

بيــض الله وجهـك وصح الله لسانـك ولسـان الشاعر محمد خلـف ولا هنتـوا على الرديـة الجميلـة ،،

تحياتي لكـم

وبيض الله وجهك ايضاً

وصح الله بدنك ولاهنت على تواصلك

[حمد الدليهي]

المشاركة الأصلية كتبت بواسطة حمود بن فطيس

صح السانك ياحمد والسان ابو خلف



قصايد وافيه من رووووووس وافيه



تقبل تحيات مودعك


حمود بن فطيس

صح بدنك وماعليك زود في كل ماسطرته