قصيدة خالد الفيصل ( قسوه )

[فيصل المخيال]

السلام عليكم و رحمة الله و بركاته
:
قصيدة ( قسوه )
للأمير خالد الفيصل
( دايم السيف )
:
إهداء لكم
أتمنى لكم الإستمتاع بها
:
:
ــــــــــــــــ

ليه أذا حبيتك أكثـر..زدت قسـوة=وأن دريت بحاجتي لك...زدت جفوه
وأن عطيتك من حياتي ما تريـده..=ما كفاك وتحسب أن الحب...نـزوة
والله أني يا أحـب الناس..أحبـك=والله أن الروح لو ترضيك..فـدوه
والله أني تارك(ن) غيرك..وجيتـك=مزعـل الزعـلان والعذال..عنـوه
كل دقة قلـب فينـي لـك قصيـده=تكفي الدنيا مـع الأحبـاب غنـوه
وكل هاجس ما يجيـب إلا خيالـك=سلوتي بالعمر في صحوة وغفـوة
أجمع إحساسي وأشواقي وأجيلـك=والبس ثياب الهوى والعشق كسوه
انتقيلـك مـن سواليفـي حسنهـا=والقصائد من غزلها...كـل حلـوه
وانثر العبرات والضحكـات عنـدك=تأخذ اللـي تلتقيلـك فيـه سلـوى
وأذكر الله كل ما شاهـدت حسنـك=أشهد إنك فوق عرش الزيـن ذروه

ــــــــــــــــ
:
:
لقلوبكم