المحاورة(الثانية) بين صاحب السمو الامير متعب ابن ثنيان ابن محمد آل سعود ونجل شاعر يام

[عامر الحجرف]

وكما وعدناكم ونأسف على إطالة الوقت

وهذه المحاوره الثانيه بين صاحب السمو الامير متعب ابن ثنيان ابن محمد آل سعود
وبين الشاعر نجل شاعريام :مبارك ابن علي ابن بلال

الامير

سلامي على رجل ٍ يسـامر نجـــوم الليل ،،، ونصف النهـار ايقـوم مــــرهـق وتعباني
انا بنشـدك عــــن واحــدن وافــيٍ بالكيل ،،، شجــاعٍ على الشــــدات فالحرب شـيطاني

مبارك

هلا مرحــبا بك وانت قولك ونهــر النيل ،،، تســــاوت عذوبه وانت للطـــيب عنواني
ابشــــرك طيب وانت للناس مثل سهيل ،،، ماننســــاك دام الارض للناس مـــيداني

الامير

ترا فيه رجــــالٍ وفيه اخــــــر ٍحـلحـــيل ،،، وترا المعركه بين الاســــــــــد والكليباني
قريت الخبر والناس تمشي على التهويل ،،، وانا ماعرفت اللــــــــي حصل للعريباني

مبارك

يقولون راع الحيل لازم يشــــــــــد الحيل ،،، ومن صد عن شــــــــرواك ماهوب ربحاني
علوم العــــــــرب تاتيك مابين حط وشيل ،،، لكن علمي اللـــــي جاك من قلب ولساني

الامير

تغيب صديق القــــوم عن واجب التكميل ،،، وانا محتويت اعلوم حضــــــــــر ٍ وبدواني
انا اشره على الطيب واسامر على القنديل ،،، وادور صــــديقن يكـــــــــرم افلان وافلاني

[مانع الوعيلي]

الله الله
ولاهنت اخوي عامر الحجرف على نقل المحاوره الرائعه ويعطيك الف عااااااافيه

[يامي وربي الله]

لاهنت وال بلال فطاحله

[ابوعبدالرحمـن]

السلام عليكم ورحمة الله وبركاته

عامر الحجرف

لاهنت على إيراد المحاوره

وبيض الله وجهك

:

[هادي بن فهاد]

ياسلام ياسلام


الأخ العزيز عامر الحجرف تسلم يمينك على الإيراد المميز

شكراً لك وتقبل مروري

[نسل يام]

لاهنت يالحجرف على النقل..!

[فـهـيـد الــHــتــلانــي]

لاهنت اخي الكريم على نقل المحاورة من ناس فطاحلة من شعر المحاورة ولاهنت مرة ثانية ..

[سهم المنايا اليامي]

محاورة رائعة وشاكرللاخ عامر الحجرف على النقل وصح لسان الشاعرين لكن اشوف المحاورة الاولى بين الشاعرين اقوى واوضح واعجبني البيت شجاع على الشدات فالحرب شيطاني والله ان ابوسلطان شجاع وحاوي العلوم الطيبة كلها