خـاص لشعراء المنتدى..,,,

[العـــسر]

الله الله


الله لا يهينكم جميع أبدعتوا






بن لويف لي عوده

[محـMـد الـMـري]

حبل الوصل يابنت نبغيه مثلوث=من شان ماينقصّ ويصير بايط
شدي معي وآشد مانبغي الكوث=وراعي الحكي لاجاك قولي تلايط

[محمد بن غريب]

المشاركة الأصلية كتبت بواسطة محـMـد الـMـري

حبل الوصل يابنت نبغيه مثلوث=من شان ماينقصّ ويصير بايط
شدي معي وآشد مانبغي الكوث=وراعي الحكي لاجاك قولي تلايط

المري
لاهنت على كل حال
لكن يالأمير المجارات لازم تكون على عدد الأبيات يالأمير

[محـMـد الـMـري]

المشاركة الأصلية كتبت بواسطة العـــسر

السلام عليكم ورحمة الله وبركاته

صبّحكم الله بالخير جميعا ..
خطرت على بالي فكرة موضوع لا أدري هل أنا مسبوق عليه أو لا ؟

والموضوع هو مجاراه الشعراء لبيتين من تأليفي بحيث بعد كم مشاركة من أخواننا الشعراء تتكوّن قصيده كامله .
وعلى الأخوه المتابعين تقييم المشاركات وتزكية أفضل مجاراه
والذي يحوز على أكبر نسبة تصويت
يستلم جائزته من
إدارة المنتدى (دبّس)
ولكن هناك شروط:
ألا وهي :
1- أن يكون على نفس الوزن والقافيه ويتكلم عن الموضوع نفسه (غزل)
2-ألا تزيد عدد أبيات المجاراه عن خمسة أبيات .
3- أن تكون الأبيات متعوب عليها شوي .. حتى يستمتع المتابعين بابداعاتكم .


يقـــــول :

الله يجازيك يالمجمول بأفعالك=ولّعت قلبي على الفاضي وخليته
فاحت إدلالك .. وغيري ذاق فنجالك=وأنا .. قبل فوحة إدلالك .. تحريته

ولاشنت يامحمد
هذي الشروط فوق ولافيه تحديد للأبيات سوى انها ماتزيد على خمسه

وانا آسف اني دخلت بينكم طال عمرك

[محمد بن غريب]

هو صادق
معناه خمس ابيات يعني انت لك قصيده تبي تشوف من يجاريها بشرط انك تنزل قصيده ماتتعدى خمس ابيات
يعني مثال

انت نزلت قصيده خمس ابيات وانا جاريتها ببيتين؟...هذا غلط
المجارات وانا اخوك بشرط تكون على الوزن وعلى شعور الأبيات وعلى القافيه وفوق هذا على عدد الأبيات

[محـMـد الـMـري]

مالك لوى يامحمد

اقرأ الشرط الثاني من الشروط

يقول ابيات المجاراه اللي هي في وضعنا ابياتي ماتزيد على خمسه ولكنه ماحدد بعدد معيّن

كانك يايامي ماتبيني اجاريك ترى هذا حكي لايزيد ولا ينقص

أمسحه وفدوه لك وللطيبين

وسلامتك وطولة عمرك

[محمد بن غريب]

المري
علي الطلاق ماهي مدح سلطان الهاجري وجاريته
وابن الذيب وجاريته

ومستعد اعطيك ابياتهم ومجاراتي معهم

لكن ياخوك والله العظيم المجارات كذا غلط
ياخي الله عرفناه بالعقل
انت تجيب خمس ابيات قافيتها صعبه
واجاريك ببيتين؟ هذا ظلم بالقصيد
مايبين الشاعر الكايد الا لا جاب المجارات على عدد البيوت

[محـMـد الـMـري]

يامحمد انت كبرت الموضوع وهو بسيط ياخيك

انا ماتعرّضت شعرك بشئ عشان تقول لي جاريت ابن وسام وابن الذيب

انا اقول شروط الموضوع من اصله ان ابيات المجاراه ماتتعدى خمسه ابيات وليس هناك تحديد لعددها وبس

كانك تشوفه غلط فقله لصاحب الموضوع ماهوب لي

وكانك معسر القافيه وماتبيه يجاريك الا ناسٍ معيّنين فمسح ابياتي وانا اخيك - والله مازعل

وسلامتك يالغالي

[محمد بن غريب]

محمد
ياخي اعتبرها تحدي

[محـMـد الـMـري]

سلامة عمرك مانيب معتبرها تحدي

هذا موضوع كاتبه العسر وبشروط معينه امام الجميع

كانه تحدي حطها في موضوع بروحها