( خلف المشعان .. بدر الظاهري ) اين الحس الاخوي ؟؟

[الشاعر المبدع]

حبيت اعلق على الموضوع قبايل عنزة ماحصلت من يمثلها به

[الشاعر المبدع]

والحروب برضوا شاعرهم مايمثل قبيلة مثل حرب ...اختيار اللجنة لهم من البداية غلط

[الدهمي 91]

عز الله انك صادق اقسم بالله مافيهم شيمة الرياجيل زميلهم المفروض يراعوا شعوره قاموا يترقصون كنهم ........... هذولا ماعليهم شرهه ماعندهم اسلوم القبايل واعرافهم مافيه عرب مثل اهل الجنوب اهل السلوم والعادات
ولاهنت يابطاح علا الموضوع اشهد بالله انك رجال تستنكر الغوى اللي يدوس بالراس

[عبدالله بن شيبان]

والله المفروض من الرنامج انهم ما يحطون الاغاني و واحد من المشاركين بحالة عزاء
والمفروض انه ما يشارك و ينسحب من اللقاء والله يعوضه
والمفروض ما تشرهون على احد

وشاكرلكم جميعا ردودكم

[بطاح]

لا هنتوا جميعآ وبيض الله وجهيكم على التعلقيات وعز الله انها في محلها ..

[بل بشسع]

ياخوي انتم ليش معميكم التعصب

الحين بدل ماتقولون ( مهدي ال حيدر) ماعنده سالفه و المفروض ان حزنه على اخوه ينسيه البرنامج ... تقولون (خلف و بندر ) ماهم رجال لانهم مايحترمون حزنه ( ياااخي حدث العاقل بما لايعقل فان صدق فلا عقل له) قبل شوي و هو بالمسرح و موسيقى و احتفال و شرايك بعد يمنعون الموسيقى احتراما لحزن ال حيدر ...
اقول الله يلعن الشهره و حب المال اللى خلى الشلهوب يروح مع المنتخب و امه توها متوفيه و يروح مع الهلال و ابوه تو متوفي ويقولك وطنيه الا والله حب الدنيا .... و ال حيدر مهو بعيد عنه

[زورو]

وش تبي تقول وخلف المشعان يعرف يحس ولا يقدر الرجاجيل , بس أنا أقول الله يرحم موتانا وموتى المسلمين

[أبو ناصر]

ياجماعه الإنصاف شوي


مهدي جا للبرنامج وأخوه توه متوفي يعني الرجال تجاوز المرحله والدنيا ماوقفت وأنا

من رأيي إنه لو أنسحب كان أفضل له وتوفيراً لتصويت ربعه والعذر قيده معذور

أما إنتقادكم المشعان والحربي لانهم عرضوا ولاراعوا مشاعر مهدي فليس من حقكم

يعني يحق لكم تعتبون بس ماتسيئون لهم بسبب هذا الفعل كما فعل بعض الأخوه لأن مهدي جا وعنده خبر إن فيه وصله ياغنائيه يارقصه شعبيه في البرنامج

[غزال وحشيمة]

اولاا حبيت اقووول


لشاعر مهدي ال حيدر عظم الله اجرك في فقيدكم وجعل جنة الفردوس داره وجعلها اخر ااحزانكم ياال حيدر

ويشهد الله اني من شفت اصراره ومرثية في أخوه كبر بعيني و عجبني وشد انتباهي اكثر من غيره



ثانيااا : لاحظت اغلب ردود الاخوان تذم البرنامج << هذا البرنامج ماشي ماشي بموت اخو الشاعر ولا موت الشاعر بنفسه ولي يشره على برنامج يوم حطى اغاني في وقت حزن مهدي << وحزن مهدي مر عليه اكثر من 5 ايام

اجل وش تقولون بالشاعر لي مات ابووه ونسحب ومشي برنامج عادي << حتى ماحد سئل عن نقص عدد شعراء بالحلقه الثانية عشر ( لي بها شارك محمد الكعبي + بدر الحربي + عبدالله السميري ) << نقصها شاعر كويتي وبرنامج ماشي بكل احوال

برنامج له سياسه محدده مايغيرهااا << لو غيرها كان غير الوقت ويوم العرض




اللوم والله ثم والله على لي عرضوو << اولهم انه سعودين من نفس دارمهدي
ثانيا هم شعراء وخوان له بمشاركه << حتى لو ماانهم سعوديين مفروض يحسون باخ لهم اجتمعو معه بيوم من ايام الله


واصلن ليه قامو يعرضووون << ماضني حد قالهم قومو اعرضووو

وعرضتهم ماهي لله << وراها شي وكل عارف وش القصد

لكن وش تقووول بلي ناقصين عقل


ماقول غير ربي سترك وعفوك وعن الخطايا جنباااا




مشكور اخوي بطاح على موضوع

ولا تحرمنا من جديدك


غزاااااااااااال وحشيمه

[همـــــــاليل]

مرحبا ..


اللي اشوفه برأيي ..

مع احترامي للشاعر مهدي الحيدر .. بما ان اخوه متوفي وهو يعلم بحجم البرنامج .. المفروظ ما يشارك ..

وحتى ولو شارك واتى وتكبل عناء الحزن .. لايشره على اخوانه ..

بجد ماله داعي .. اللي يبي يحزن ..

لا يحمل الناس حزنه ..

المشروه لو جاوه بيته وقعدوا يغنون ..

الحق حق ..

والعنصريه مالها داعي في مجال الحق ..


هو عارف ان البرنامج في من الاغاني والطرب ..

يعني عنده خبر ..

انا لا انتقد مجيئه .. ان انقد على زعله .. ماله حق في تصرفه ..


تحيه ..