محمد بن عويضة وقصيدة هجائية في خاطفي الناقلة السعودية..!

[عبدالله آل عامر]

السلام عليكم ورحمة الله وبركاته..!
:
أترككم مع القصيدة..!
:

أقول فك الناقلة أنت ويّاه=شوفوا حركات الخوال نخبرها
ذي ناقلة من يرعب الليل طرياه=صقر العروبة وأشهد إنه فخرها
حليم لكن لو زعل خيرة الله=يا كم كبود ملوك ضاق وفطرها
أسيادكم عنده خدم تطلب رضاه=ما عاش من هو لهيبته يحتقرها
بأفريقيا ياما وياما وشفناه=دول عبث فيها غباكم .. عمرها
خيره غمركم بعد ربي ولو لاه=رحتوا ضحايا للمجاعة وأثرها
أرسل إغاثة تسبق البرق نفداه=من طيب راسه بالعطايا غمرها
هذا جزا المعروف للي عطاياه=لليوم وسط عروقكم تعتصرها
<ما هو ربع إنتاج يوم وخسرناه=الخير واجد بس ذي نعتبرها
خدش لكرامة شعب من هو تحداه=راحت عليه وما يكذّب خبرها
تبغون فدية بالملايين أجل .. هاه!=خمسة عشر مليون دولار أمرها
زعيمكم يا والله الثور وش جاه؟=لو قال باليورو ترى اليورو أرهى
وألحين فك الناقلة أنت ويّاه=ترى خرابيط الخوال نخبرها

:

الشاعر: محمد بن عويضة اليامي
:

[شيخة الغلا]

والحين فك الناقله انت وياااه = ترى خرابيط الخوال نخبرها

أشهد انه نقدهم على اعمارهم




صح لسان الشاعر اليامي

وصح نقلك اخوي عبدالله ،، ولا هنت


أطيب التحايا لك

[عبدالله آل عامر]

أنا أشهد
:
لاندمتِ أختي شيخة الغلا وتسلمين على مرورش..!
:
صورة للشاعر محمد بن عويضة:
:

[الغروب]

خيره غمركم بعد ربي ولـو لاه=رحتوا ضحايا للمجاعة وأثرهـا
أرسل إغاثة تسبق البـرق نفـداه=من طيب راسه بالعطايا غمرهـا

صح لسانك يايامي

والله يطول عمر ابو متعب

والف شكر للأخ / عبدالله العامر -- احسنت الاختيار

[ابوعبدالرحمـن]

وعليكم السلام ورحمة الله وبركاته

عجيــــــــــــــــبه لاهنت اخي / عبدالله آل عامر وصح لسانك ولسان الشاعر

[مسفر مبارك]

صح لسان الشاعر محمد بن عويضه ولا عدمناه طليقان ...!!
:
وتسلم يمينك يبو سراج وجعلك تحيـا...!!
:

[عبدالله آل عامر]

صحت أبدانكم جميع والله يعافيكم ولا يشينكم..!
: