القصير

[بن جوخه]

هذه القصيده قلتها والمناسبه ان كان فيه رجال يوصف رجال وعقد يوصفه بقصره ويحقره

وانا اعرف الرجال الي ويوصفه ونعم شراوكم

وجادت القريحه
واعذرونا على النقص
تونا نتعلم

قالوا قصير قلت ما عذرب راكان = كم واحد قصير معذب شيخ وقبيله
وكم قصير صفوا له طوابير الشجعان = وكم قصيريسوي الهوايل المستحيله
وكم طويل الطول طول بس كرعان = وهو لاجاء القاء طاح قلبه بشليله
يازين لا يغرك الطول وان زان = الرجل بافعاله واشهد انها دليله
اكبر دليل خوف الترك من راكان = عسيرالمواجه وياكودجابوه بالحيله
كم ارهب من دوله وشيوخ وفرسان = من ضنا مرزوق عريب الجد والسليله
كم يفتخر بفعله من صديق وعدوان = والخيل لا شافته دايم مستشيله
قالها الله اتق قريب الارض وان شان = محد اعلم من الله عليه الف تهليله
هذا بعد ولافي الطول عيب ونقصان = بس الي يحقرون القصر ما هي جميله
هذه خلقت الله وله الحمد والشكران = والانسان على خلقت الله والفطرة السليمه
والختام صلواعلى محمد نبي الرحمان = شفيع الخلق بيوم مايفيد الحليل حليله

[رامس]

صح السانك وعلى الاخرى عانك تسلم تسلم

[بن جوخه]

رامس منور بردك لا هنت ياغالي

[عبداللطيف أبوظهير العنزي]

صـــح لســـــانك ولاهنــــــــت يابن جـــوخه ..

والانسان على خلقت الله والفطرة(( السليمه))<<<< ياليت انتبهت لهذا الشطر وكملة على نفس القاف يالذيب

ملاحظه أرجو انهـــا تفيــــد لا اكثـــــــــر ولك كل التقديــــر يالغالي ..

تحيتي ..

[بن جوخه]

ابو ظهير مشكور والله يا غالي والله على التنبيه

وترى حنا تونا وهذه من اول كتاباتنا واعذرونا ونوعدكم بالجديد الرائع

[العـــسر]

الله الله
صح لسانك
ما شاء الله عليك بدايه قويه
ولكن حاول تلحين القصيده قبل نشرها
تبي لها شوية تركيز على الوزن وتطلع كذا

تقبل مروري

[سعود فهـد آل قـذلان]

لاهنت وبيض الله وجهك
صح السانك على ذا النص الجميل
تقبل مروري
ودمتم في طاعة الرحمن

[ليــه يازمـــن]

صح الله لسانك على هالقصيد الطيب