السلام عليكم ورحمة الله وبركاته:
حسيبي علي من سفّهت بي ما بين الناس=أسولف وصلفات الهواجيس تسرحبي
خفوقي يلبّي كل ما صوّت الهوجاس=صغير(ن)علي صوت الحانيه يحبي
لك أشواق قلبي تدّرج به بدون قياس=وعقلي معك ومنين ما رحتبي رحبي
تسلهم بنجل(ن) رمشها يكتم الأنفاس=دخيل العيون الناعسه لا تشرشحبي
وجودي وجود الزير سالم علي جساس= يضيق الفضاء لو كان جو الفضاء رحبي
هواجيس قلبي من خطرها يدوخ الراس=ويا عيد من ليلي ومن جورها شحبي
ومن يفعل المعروف والطيب والنوماس=علي قربها يا طيّب الراس يربحبي
وش الراي عجّل به يا عريب الساس=وأذا ناحت الورقاء علي صوتها نحبي
ثلاثين ليل وخاطري عقبها منحاس=ويا عيد وأن هوجست قدم العرب صحبي
يسريبي الهوجاس لأوطانها عساس=لو أخطاي بعض أمرار يا عيد تجنحبي
ويشبح بحور(ن)تذبح الناظرين أنعاس=ويغمي علي يا عيد من يوم يشبحبي
ولكن يا الهاجوس وأن زرتها لا باس=ولو ضعت يا الهاجوس من دربها طحبي
أوقّف علي طيف الكري والعرب جلاس=ولا يا بشير الخير لا عاد تفضحبي
تجدد علي جروح في ضامري دراس=وذكراه وسط القلب يا عيد تجرحبي
أمانه معك والسر يدريبه البلاس=علي العهد لو أنّه من الدار ينزحبي
وأنا ذاخرك للكود والموقف الحساس=هذا عام وألا أقل من عام تنصحبي
وعندي خبر وقلوب بعض العرب محماس=وأنا لك نهار الموقف الصّعب ترجحبي
ندوس الخطر لو كان للغير ما ينداس=أنا أنطح بك الأعداء وللقوم تنطحبي
وفعل(ن) لنا يذكر علي الجيش والأفراس=وقوم(ن)نحاربها وقوم(ن)تصالحبي
وللحق طلابه وللمشكله مقباس=وخذني معك لأشملت من دونها أمرحبي
وجودي كما سعدون وألا وجود دباس=علي شوفته نمسي وفي الصبح يصبحبي
وشوفه دوي للقلب وعروقه اليباس=وصدّه وهجرانه لهب نار ينجحبي
وتراك أنت من بيت الشجاعه وقو الباس=وأذا مت بأسبابه خذ الثار وذبحبي
وبرق(ن)تلالا في السماء كنّه الأقواس=علي دارها تهمل هماليها السحبي
تناوبّني الذّكري مع الغيم والنسناس=وأذا لحت يا البارق علي دارها لحبي
وحوت البحر في قاعته يغرق الغطاس=وأنا الحوت والمرجان واللول يسبحبي
وسوق الجواهر ما به ألا الذهب والماس=وسعر الدرر غالي وأذا جيت يفرحبي
زبون الرخيصه فود ربحه تنك ونحاس=وسوق الثمينه كل ما أقبلت يمدحبي
خيالي لها يرسم عجب والفكر كراس=وما خرب من بعض القواصيد يصلحبي
يعانق نجوم(ن)ساريه لين حد الياس=وتضوي جزيلات القوافي وتسرحبي
حروف الجزيله في ضميري لها حباس=وميرادها هداج تيما وينضحبي
عليه الورود أكداس والصادرات أكداس=ويضرب عددها بي ويجمع ويطرحبي
وخيل القصيد أطيار من لمسة اللماس=وأنا أيمينها وأيسارها ساع تجمحبي
وفنجال(ن)أشقر من خوي الراس ضد أعماس=ولا خير في رجل(ن)من الميد ينسحبي
وعدد ما كتب من حرف في صفحة القرطاس=صلاتي علي المعصوم والآاال والصحبي