الشاعر\ منصور محمد بن منيخر

[فهد بن محسن]

اعضاء مجالس قبيلة العجمان ,,,,,,, اسعد الله اوقاتكم بكل خير


عندما نتكلم عن الشاعر
منصور بن محمد بن منيخر

يكون للابداع معنى اخر ,, وللكلمة صدى .. وللحرف معنى .. وللقصيدة تاثير

الله يعز شعار نخله وسيفين = ديرة هل التوحيد والعلم شاره

عندما تسمع جزالة هذه الابيات ومعناها .. تشتاق للمزيد والمزيد من الدرر المكتوبة للشاعر منصور بن منيخر.. التي لايجيدها سواه

وحنا بدار مرجحين الموازين = فيها عزيز القوم ماصك داره
تلقى الكرم والطيب والعز والدين = عند العرب موجود في كل حاره

نعم .. كيف لا وانت تعيش في ارض الحرمين الشرفين .. وشعب من افضل شعوب المنطقة في كل الامور من الكرم والطيب ,, والدين وغيره من الصفات الحميدة

حكام نجد العادلين المسمين = هل الحكم ماهوب ضحك وعياره

هذه كانت ابيات من قصيدة للشاعر منصور ,, تستحق القراءه والاشادة ,, ولا نقول الا صح الله لسانك يابو محمد على هذه القصيدة الجزلة .

وإليكم القصيدة كاملة

البارحة مابين وحدة وثنتين = هواجس تقبل علي بحراره
تحز وسط الجوف حز السكاكين = مابين هداج الضماير وناره
وتطوي ظلام الليل والناس ممسين = وتخيل في المشرق بداية شراره
ترقص على رؤس الشيوخ الشياطين = والرجل يعرف موقفه من قراره
نعمٍ بذكر الطيب سبعه وسبعين = لوكان دحدر فوق ددسن غماره
تكفخ قرانيس الهدد والشياهين = ولا كل قاره من وراه زباره
والصيد كله في حلوق السراحين = والبيت ألأبيض من عناله وزاره
وضيدان لو يملك قصور وملايين = سلطان بشرني وهاك البشاره
نبي نزوره ياصعوط المجانين = لوكان من كفه عماره دماره
يمنن بسطها لضعوف المساكين = يفرح به العاني وضيفه وجاره
والعذر مايقنع وجيه الديايين = يقنب قنيب الذيب ليله نهاره
وحنا بدار مرجحين الموازين = فيها عزيز القوم ماصك داره
تلقى الكرم والطيب والعز والدين = عند العرب موجود في كل حاره
دار الملوك العاكفين المصلين = فيها ضعيف الناس ماراح ثاره
حكام نجد العادلين المسمسن = هل الحكم ماهوب ضحك وعياره
وياالله تعز شعار نخله وسيفين = ديرة هل التوحيد والعلم شاره

منصور بن محمد بن منيخر