مصافحه اولى [ الحقـوني ]

[محمد الناصر العجمي]

السلام عليكم ورحمة الله وبركاته

اول موضوع لي في هذا المنتدى الراقي

اتمنى ان تنال اعجابكم

[ قصيده كتبتها بعد الانقطاع الشعري سنتان ]

.

الحقوني والله انه الروح مدري وش بلاها
سالفه صارت لقلبي و الحكايه منذ مبطي

شفتها ويا ليتني ما شفتها تدرج خطاها
ما كأن الارض تحت رجولها لا جات تخطي

لا مشت و حركت وسط ٍ على عيون ٍ تراها
كنها بتقول يا [محمـد] ابيك تشوف وسطي

ماهي ببيضا صباح ولا هي بسمرا مساها
كل بشرتها حرير ٍ يندرج في [ لون حنطي ]

من تغنّجها تشوف ان الحلا فيها تباهى
ما خبرت ان الحلا سيده على الشريان يسطي

لعنبوها عذبت روحي و قلبي من حلاها
و اقطعت بي كل شريان ٍ و صمام ٍ اورطي

هبلت فيني و انا اللي ما اعرف درب لغلاها
بدوي ٍ قح حدي ضايع بسمني و اقطي

[ بندقي لو يرمي اللوعات يخطي ما رماها ]
ما خبرت ان بندقي رميه على الزينات يخطي

مير انا لليوم متشفق على نسمة هواها
ما نسيت السالفه رغم انها بالحيل مبطي

ويل حالي ما بقى بي صبر شيبت بصباها
الحقوني من قبل لا يرتفع هاليوم ضغطي

ادري يا قلبي طموحك توصل لنجمة سماها
و الحقيقه موجعه لا قلت لك يا قلب تبطي

.

و سلامتكم

الشـاعر / محمد الناصر العجمي
[ أسير الحرف ]

[محمد بن ناصر الغفيلي]

صح الله لسانك ياسميي
وسلم راسك على هالرائعة ولاتحرمنا الباقي

[أســـيــر الــقوافــي]

صح لسانك على القصيدة الرااائعة

[الملتاع]

قصيدة رااائعة صح لسانك يا محمد الناصر

[خاينتها دنياها]

صح لسانك وبالتوفيق

[شـاريـk]

صح ألسانك
وبانتظار جديدك