عجمي وفيني للحميه تزلزال

[جراح بن ضيدان العجمي]

السلام عليكم
مصافحه اولى ارجو ان تنال اعجبابكم
ولكل شي ٍ حدث ...



من القلب الى الشخص



0
0
0ياللي جهلت الميمنـه والشمالـه
ودرب ٍ سلكته ياخبل عنـك ميـال
0
ياماشي ٍ بالهرج صـوب الظلالـه
اوزن كلامك واعتبر صبري ان طال
0
ياغـادي ٍ بالقـول خـذ ذا بدالـه
واترك كلام ٍ قلـت ياخيبـة البـال
0
ياعـارف ٍ مجـد ٍ وكـلا قرالـه
يشهد لنا التاريخ في كـل الافعـال
0
محنـا بقـومٍ راح يـوم ٍ مشالـه
وذكرنا مـازال لـو الدهـر شـال
0
ماهزنـا ريـح ٍ وحنـا جبـالـه
ومن طيبنا يضرب علينا بالامثـال
0
سقنا المراجل والشجاعـه خيالـه
ماهمنـا مـن قدمنـا كـم خيـال
0
دسنا الوعر في وقت كلـه ثقالـه
وكم خصيم ٍ قد غدى فيـه ولـوال
0
وكم عقيـد ٍ قـد قطعنـا حبالـه
وكمٍ نهار الكون نكسبـه برجـال
0
ولا انت ياللي ضايع ٍ عن خوالـه
يامفلس الحشمه كما العير حمـال
0
واللي عرف ساسك مشى عنك داله
وخلاك في همك على الضيم شيال
0
لا ترتكب عيب ٍ طريقك سعى لـه
ادله بدربك واترك القيـل والقـال
0
وصغير قومي تلتطـم لـك نعالـه
ياتايه الخطـوه بالاقفـا والاقبـال
0
انا ضنى يـام وشموخـي رجالـه
عجمي وفينـي للحميـه تزلـزال
0
وصبيان يام ٍ تـاج راس الشكالـه
وصعب ٍ على شرواك تنقاس بريال
0
ماهوب هرج يـالا لا لـه ولالـه
ماللردى فينـا مجـال ٍ ومدخـال
0
ولا انت قدرك يالردي في الزبالـه
ساسـك عقيـم ٍ مايقـدر بمثقـال
0
ماهمّنـا ماقلـت يابـن الحثالـه
يـام العريضـه ماتلفّـت للانـذال
0
حنّا المراجـل والوفـا والشكالـه
وحنّا هل الفزعا ليـا كلّـخ الفـال
0
عدوّنـا لامـدّ تقـصـر حبـالـه
وحنّا نقول نطول ونطول لـو طـال
0
مثلك على كـلّ الرجاجيـل عالـه
مثل <<......>> اللي تدوّر للابدال
0
صبيّنـا يفطـم بكسـب الجمالـه
وشيبّانّا مثـل النصايـح للاجيـال
0
نشرب ذحاح الموت شرب البيالـه
وانشد ملوك الأرض تعطيك الاقوال
0
ان كنـت تبغـا حربنـا استحاالـه
العنز ماينطح مـع قرنـه جبـال
0
ياليتهم سمّوك ياهيـه ( هالـه )
وتقعد مع الخفرات نشري لك الشال
0
0
0
جعـل مــن قـراهـا سـالـم
0
0
جـراح بـن ضيـداااااان العجمـي
0
0
0
00
0

[محمد الهتلاني]

صح لسانك يا جراح على القصيدة الرائعة

[الشيخه]

الاخ / جراح العجمى

صح اللسانك ولا هنت على القصيده الرائعه

قصيده جزله ومن شاعر جزل

بنتظار جديد ك القادم

تقبل منى خالص التحيه

الشيخه

[راكان اليامي]

الاوله اررررحب ياجرراح ومررحبا ومسهلا يالقرم

وصح الله لسانك وجعل من تكلم على يام نذرا عليك

ولاهنت وبيض الله وجهك ووننتظر ابداعتك يابن عمي

[عامر الحجرف]

ونعم ياجراح بن ضيدان العجمي


&&&
تخضع لنا روس الدول ماخضعنا
مثل العجم والدوله الفارســــيه
يامـــا تعلينا المنابر وذعـــــــــنا
في وقتنا الحاضر والجاهلــــيه
وحنا هل الفزعه اليامـن فزعنا
يشهد لنا المحضار في كل هيه

((( اخوك الشاعر عامـــر الحــــجـــــرف )))

[حبيب]

الاخ جراح صح السانك ولاهنت قصيده جزله وقويه

من شاعر جزل ومازلنا ننتظر جديدك

تحياتي

[علي العرام]

صح لسانك وسلم بنانك وجعل من تكلم نذر عليك

قصيده رائعه ولاهنت تحياتي لك

[فهد بن محسن]

الاخ الشاعر

جراح العجمي

صح لسانك ولاهنت ,, قصيده جزله من شاعر مبدع

تحياتي لك

[جراح بن ضيدان العجمي]

محمد الهتلاني

صح الله ابدنك ورفع شانك
وشكرا ً على مروورك الكريم
دمت بكل الحب
جراح العجمي

[الراوي]

صح الله السانك ولاهنت على القصيده