مجاراه جديده لشاعر يام ابن بلال والشاعر عامر الحجرف (( غلطان ))

[عامر الحجرف]

السلام عليكم ورحمة الله وبركاته متابعين ساحة الشعر النبطي ناسف على الغيبه عن الساحه الشعريه وذلك لضروفنا الخاصه تقبلو منا كل الشكر شاعر يام ابن بلال والشاعر عامر الحجرف

.

غلطان من قال الزمن عاده بخير= الله ايكـــافــــينا ويكفـــــيك شـــرّه
وقتن يابوسلطان حيله معاشـــير= لقحت ذهيب الفكر فـــي بطن حرّه
تمسي مجاهيمن وتصــبح مغاتير= وانا ثلاث اسـنين قصـــــاص جرّه
اتلا الليالــــي والليالــي مـــــدابير= مـاعاد امــــيز بين حلـــــوه ومرّه
مع هاجسي وركاب فكري مداوير= والوقت غــير الوقـت برده وحـرّه
عن الحيا وجه الحيا فيه تقصـــير= لوالفضـــــا والبحـــــر والــبر برّه
وجه الدهريومين غيث ومعاصير= يضــــرب علـى كبد التراب ويفرّه
يسوقني عن وجهت الناس ومغير= يومـي بمعلـوق الحشـــى ثم يجرّه
مركن على صـدري ثلاثة مخاطير= من غير ذرن فــــي عيونــي يذرّه
وحدرعلي اهمـــــــوم بقعا طوابير= اتجفــف الشـــــريان ثمـــــن تغرّه
تدمر محاصيله ولـــــــوفيه تقطير= تســـــــقيه سمن كل مــــافاق مرّه
اشكي على اللي فالليالي المعاسير= لونست من ســــود الليالـي مضرّه

الشاعر عامر الحجرف

ترا الزمن يوجــــد به الشـر والخـير= لوقلت لــي غلطـان تحســب مــــبرّه
للفكـر والشاعـــر تجــــارب وتفكـير= والوقــت يومــــين الجفــا والمســرّه
مــــاخليت اصــقاع الـدير والدواوير= لاكــن علـــى الدنيا وهـــــلهـا اتشرّه
الشــرفيها اكــــثر مـــن الخير بكثير= اصــبر وكلن ناجـــــده فـــــــي مقرّه
وعند اللزوم يضيع شــــيخ الدنانيير= لومالـــــه اكـــــثرمن نجــوم المجرّه
واهل المهـــار مسودسات المسامير= احفـــــادهـــم تظهــر مــن البحـردرّه
وتظهر حصـاة ارزاح من جمـة البير= وراع الوفـــــا درب الوفـــــا مـايغرّه
ومالـــــــــي ومالك عند الانذال تقدير= ولالهــــم تقــــــدير مـــثقـــــــال ذرّه
وعندك خبر جســــاس وكليب والزير= وشهو سبب حـــــرب المهلهل ومرّه
كيدالبســـوس وكيدهــــا يطرح الطير= مــــــابشــــرت بالخــــير دارن تمرّه
ياعامر احــــذر تســــمع الغير فالغير= والحاقــــد اللـــــي ملبســـــه مايزرّه
واطلب تجـــد ياشــوق بيض الغنادير= كلمــــــة وفا مــاهيب كلمــــــة مغرّه
وللآش فلـونزا دجــــاجـــــه وخنزير= والطرف بين أمية عـــــــور لاتصرّه

شاعر يام ابن بلال

[سالم بن وعلان]

أرررررررررررحبووووووووو

حي والله ذا البنايد

أسجل أعجابي بهذة المجاراة الرائعة وبيض الله وجيهكم

تقبلو فائق الاحترام والتقدير

[عامر الحجرف]

والبقى

ياسالم ابن وعلان

ولاهنت علىمرورك الكريم وبيض اله وجهك انت على المتابعه فان دل فهذا من حرصك ومتابعتك لساحةالشعر شكرا لك وتقبل تحياتي وتحيات شاعر يام ابن بلال

.

[مسفر بن جوخه]

السلام عليكم ورحمة الله وبركاته



عندما ادخل المنتدى....
اتجول بين القصائد لأختار اجمل الأبيات وأشيد بها وبشاعرها
اما في هذه المجاره فالعكس صحيح
كنت ابحث عن بيت للنقد ..........
ولكن للأسف لم أجد شي
أبو هادي.........أبو سلطان
لا يسعني إلا أن ارفع لكم عقالي أحتراما وتقدير
أشبعتموني شعر .... أشبعتموني معنى ..... أشبعتموني جزاله
كبار بكل ما تعنيه الكلمه
شكرا لكم على كل بيت في هذي النادره
وأرجو ان تقبلوني تلميذ مبتدء في مدرستكم الشامخه
وتقبلوا تحياتي....

[عامر الحجرف]

الاخ العزيز

مسفر ابن جوخه

حفظكم الله يسعدنا مرورك الكريم ومتابعتك للساحه الشعريه وشكرا جزيلا لك ولاهنت وبيض الله وجهك يا ابن جوخه تقبل تحياتي وتحيات شاعر يام ابن بلال

.

[someone]

عامر الحجرف
لاهنت على ماقدمت
وفعلا قصائد تسحر القلوب والعقول
لهرمين من اشهر الشعراء
تقبل مروري
بارك الله فيك

[عامر الحجرف]

الاخ الكريم

:

SOMEONE

لاهنت على مرورك الكريم تقبل تحياتي وتحيات شاعر يام ابن بلال مع الشكر .

[@زايد بن ألغز@]

عامر الحجرف لاهنت وبيض الله وجهك على ماقدمت

والحقيقه ان اللسان يعجز عن الكلام واليد تعجز عن الكتابه أمام

شاعر يام وعامر الحجرف فهذا جبل والآخر جبل (دمتم لنا سالمين)

[وادي الهيل]

بيض الله وجهك يابو هادي ولاهان ابن بلال

عمالقة الشعر في صفحة واحدة

الف شكر وتقبلوا مروري بالتوفيق

[king الوادي king]

صح لسان الشاعرين والله مجاراه يوقف من دونها الحكي ولاهنت ابو هادي ابن بلال بيض الله وجيهكم