السلام عليكم ورحمه الله وبركاته
اهدي لكم هذي القصيده وعسى ان تنال اعجابكم
ما للزعل داعي اذا صرت مزاح = لولا غلاتش مانجازيش بمزوح
انتي الدوا لا صار في قلبي جراح = وانتي ضماد جروح يا غاية الروح
لو يكثرون الناس ذا جا وذا راح = ماشفت مثلش بين الازوال مملوح
انا عطيتش قفل بابي ومفتاح = مقفول من حبش ولو صار مفتوح
حبش وضعته في يدي كنْه مسباح = آقلبه مابين زله ومسموح
من حبني لش صارت الروح ملواح = من وين ماغبتي تزايد بي النوح
الوَح الملواح واردفه بصياح = وابكي وقلبي من تغليش مجروح
واذا لمع برق على ديرتش لاح = مديت شوفي له وانا الدمع مسفوح
وادعي وانا دمعي من الشوق فضاح = ومن الحزن دمعي كفاني من البوح
يالغاليه لا تزعلش كثر الامزاح = وانتي غلاش مشيدن فيني صروح
انتي ملاذ القلب لو دونش ارواح = حبش شريته والعمر بان في اللوح
بعت الفرح لأجلش وابدله باتراح = ان كان مانسمع من شفاش ( مسموح )
وسلامتكم
فـــارس