غفيت بطاري الذكرى ., على صحوة هبوب النود
وتمنيتك معي .! يوم الغضـى ماهـوب يدفينـي
طريت بحزّتك .. والفقد موجع .. والليالي سـود
وشريط الذكريات ان جيت افلّه .. قـام يطوينـي
تقاربتك .. وانا بيني وبين اهل الحدود ., حْـدود
وسريتك في متاهات الخيال .. وتُهت في حيني .!
كتبتك في جدار القلب بدموعي .. متى بتعـود .؟
ياحلمي فالسنين الماضيـات .. ومقبـل اسنينـي
انا ماني بغايب وانت .؟ لاغايـب ولاموجـود .!
تغيييب وتختفي بعـروق خفّاقـي ومـاء عينـي
على درب المحبّه .؟ ماذخرت الجهد والمجهـود
جعل مالك على وجه البسيطه مـن يساوينـي .!
معاك .؟ ابدي عليك سْدود وأخفي من غلاك سْدود
وفراقك لاذكرنـي ., وش ينسّيـه وينسّينـي .؟
عسى الله مايلحقنا الذنـوب .. وشرهـة المنقـود
بليلٍ يستحـي مـن لمـس كفّينيـك بكفّينـي .
صح لسانه ولسان اللي نقل القصيده
12-07-2009, 01:57 AM
العرض العادي
المواضيع المتشابهه
