حضر زواج حبيبته ......وشوفوا وش قال للمعرس ؟؟

[الجـــ أسماء ــــوهره]

حضر زواج حبيبته ......وشوفوا وش قال للمعرس ؟؟


أبد .. ما جيت ابارك ولكن جيـت باوصّيـك

على اللي ناوي ٍ تدخل بهـا الليلـه .. مُعذّبْتـي

ترى لولا الظروف اللي عطتْك وحدّت محاكيك

قسم بالله ما تدخل عليهـا لـو علـى رْقبْتـي

ولكنّ النصيب اقوى ولا ادري ويش اسوّي فيك

نعم .. صارت معزّبتك .. ولا صارت معزّبْتي

كذا شاءت بنا الأقدارتحرمني لجـل تعطيـك

كذا لازم عشان تفوز إنت .. أخسر بتجربْتـي

تراها غاليه جـداً .. وتكفـى .. والله يخليـك

تـدللها .. تدلعهـا. .تنسّيـهـا مصاحبْـتـي

أنا من كثر ما اغليها أحس اني بديـت اغليـك

ولا تسـأل بأيّـة حـق ولا ّ وش مناسبْـتـي

لإنك لو بتسألني بتسمع شـيء مـا يرضيـك

لذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك

وهي دلوعه اعتـادت علـى كثـرة مداعبْتـي

فداعبها شوي شـوي حتـى تشتهـي طاريـك

وشاغبها إلين تقـول لـك بطّـل مشاغبْتـي

واذا هي مالها خلقك..ولا تضحك ولا تسلّيـك

تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربها وهـي تشكيـك

ما يحتاج اورّي لك بفـن الضـرب موهبْتـي

صحيح انك بتملكها ومعـك الصـك بالتمليـك

وانا عارف حدود الله ومـن حقـك معاقبْتـي

ولكن قلّها المجنـون وصّانـي وهـو يعنيـك

يقول انّـه بينتظـرك ولـو شيّـب وشيّبْتـي

وانا مجنونها اللي ما نساها وانت مـا يمديـك

تغطّي ذكرياتي في هواها.. وربْـع تجربْتـي


أحس اني تماديت بكلامي.. والغضب حاديـك

ولو انّك في مكاني ما تفكّـر فـي محاسبْتـي

كفاك اني تركت الليله اشغالي عشـان اجيـك

دخلت القاعه برجلي ولاادري ويش عاقبْتـي

وانا ما جيت اخرّب عرسك الليلـه ولا أذّيـك

أناجيتك عشان اخاطبـك واسمـع مخاطبْتـي

توصّى..وانتبه..واحرص عليهـاوالله يهنّيـك

ترى كل الكلام اللي طلَع من ضيقـيَ وكبْتـي

ولكن ماقدرت انّي أقوله وانـت مـا يخفيـك

أخاف انّـي إذا قلتـه تقـوم وتقطـع رْقبْتـي




م/ن
تحيااااتي

[الريمي 2009]

اسماء الجوهره

لاهنتي على القصيده

وياما في السجن من مظاليم

هذا من قصائد الشاعر محمد الشهري

وتسلمين على النقل
تقبلي مروري

[غــــريــــب]

هو باقي عايش راعي القصيدة ولاذبحوه هذا والله الحب الاعمى
يارب ما أعرف الحب اللي مثل كذا تجي المدام بعدين يجي الحب
تحياتي الجوهره

[خلاوي الشمالي]

القصيده هذي موطبيعيه من افضل ماكتب محمد الشهري...

صح لسان الشاعر محمد الشهري...

لاهنتي اختي عالنقل...

[عبدالله بن عصام الشميعان]

صح لسان الشاعر
وتسلم يمناااااااااش
تقبلي مروري...

[حـــوران]

ياكبدي له

صح لسـان ابو عمر

احلى قصيده قريتها له
كل الشكر على النقل الرائع

[][ .. خــجــل .. ][]

ولكن قلّها المجنـون وصّانـي وهـو يعنيـك
يقول انّـه بينتظـرك ولـو شيّـب وشيّبْتـي
وانا مجنونها اللي ما نساها وانت مـا يمديـك
تغطّي ذكرياتي في هواها.. وربْـع تجربْتـي



بري حالي
صح لسانه وسلمت يمينك على النقل .. والله يعطيك العافيه


تقبلي ودي

[ليــه يازمـــن]

مشكوره على النقل الرائـــع

وقصيده رائـــعه

تقبلي تحياتي